16-ാം വാക്യം തുടരുന്നതിപ്രകാരമാണ് : “Therefore, let no one pass judgment on you. “അതുകൊണ്ട് ഭക്ഷണപാനങ്ങൾ സംബന്ധിച്ചൊ പെരുന്നാൾ, വാവ്, ശബ്ബത്ത് എന്നീ കാര്യത്തിലൊ ആരും നിങ്ങളെ വിധിക്കരുത്.” ആരും നിങ്ങളെ വിധിക്കരുത് എന്ന് പറഞ്ഞിട്ട് പിന്നെ ഏതെല്ലാം വിഷയത്തിന്റെ പേരിലാണ് വിധിക്കുന്നത് എന്നും ഈ വാക്യം പറയുന്നു. അത് ഭക്ഷണപാനങ്ങൾ, പെരുന്നാൾ, വാവ്, ശബ്ബത്ത് എന്നീ വിഷയങ്ങളിലാണ്. (My appointed times are these: Sabath, Passover, unleavened bread, first fruits, weeks, atonement, Booths. Lev 23:2;)
ഇതിനു സമാനമായി 18-ാം വാക്യത്തിലും ഇതുപോലൊരു നെഗറ്റീവ് കമാന്റ്മെന്റ് കാണാം; “ആരും നിങ്ങളെ വിരുത് തെറ്റിക്കരുത്, ഏതിന്റെ പേരിലാണ്? താഴ്മയിലും, ദൂതന്മാരെ ആരാധിക്കുന്നതിലും രസിച്ച് സ്വന്തദർശനങ്ങളിൽ പ്രവേശിക്കയും തന്റെ ജഡമനസ്സിനാൽ വെറുതെ ചീർക്കുകയും തലയെ മുറുകെ പിടിക്കാതിരിക്കയും ചെയ്യുന്നവൻ ആരും നിങ്ങളെ വിരുത് തെറ്റിക്കരുത്.
ആകയാൽ 16 ലും 18 ലും ന്യായപ്രമാണത്തിന്റെ ചട്ടങ്ങളും ആചാരങ്ങളും അനുഷ്ഠിക്കുന്നില്ല എന്നതിന്റെ പേരിൽ ജാതികളായ വിശ്വാസികളെ ദൈവജനത്തിന്റെ ഭാഗമല്ല എന്ന് ദുരൂപദേഷ്ടാക്കളായ ആളുകൾ വിധിക്കുന്നതിനെതിരെ മുന്നറിയിപ്പ് നൽകുകയാണ് പൗലോസ്.
ദുരൂപദേഷ്ടാക്കൾ ജാതികളായ വിശ്വാസികളെ വിധിച്ചിരുന്നത് ഭക്ഷണത്തിന്റേയും പാനീയങ്ങളുടേയും പേരിലായിരുന്നു. ഭക്ഷണവും പാനീയവും എന്നത് യെഹൂദന്റെ kosher food നെ കുറിക്കുന്നു. അതു പൗലോസിന്റെ കാലത്തും നിലനിന്നിരുന്നു. ഇന്നും യെഹൂദന്മാർ ഇങ്ങനെയുള്ള kosher food-shop കളിൽ നിന്നേ ഭക്ഷണസാധനങ്ങൾ വാങ്ങിക്കു. പഴയനിയമ ആഹാര നിയമങ്ങൾക്കനുസരിച്ചുള്ള ഭക്ഷണസാധനങ്ങളെയാണ് kosher food എന്നു പറയുന്നത്. അങ്ങനെയുള്ള ഭക്ഷണ വിലക്കുകളെ പൗലോസ് റോമർ 14:2-3 ൽ നീക്കിക്കളയുന്നുണ്ട്. “2 ഒരുവൻ എല്ലാം തിന്നാമെന്നു വിശ്വസിക്കുന്നു; ബലഹീനനോ സസ്യാദികളെ തിന്നുന്നു. 3 തിന്നുന്നവൻ തിന്നാത്തവനെ ധിക്കരിക്കരുതു; തിന്നാത്തവൻ തിന്നുന്നവനെ വിധിക്കരുതു; ദൈവം അവനെ കൈക്കൊണ്ടിരിക്കുന്നുവല്ലോ;” അപ്പൊസ്തലപ്രവൃത്തികളിലും ഇതിനു സമാനമായ ആശയം നമുക്കു കാണാം. “9 അവരുടെ ഹൃദയങ്ങളെ ശുദ്ധീകരിച്ചതിനാൽ നമുക്കും അവർക്കും തമ്മിൽ ഒരു വ്യത്യാസവും വെച്ചിട്ടില്ല.10 ആകയാൽ നമ്മുടെ പിതാക്കന്മാർക്കും നമുക്കും ചുമപ്പാൻ കിഴിഞ്ഞിട്ടില്ലത്ത നുകം ശിഷ്യന്മാരുടെ കഴുത്തിൽ വെപ്പാൻ നിങ്ങൾ ഇപ്പോൾ ദൈവത്തെ പരീക്ഷിക്കുന്നതു എന്തു?" (Acts 15:9-10).
എല്ലാത്തരം ഭക്ഷണങ്ങളും കഴിക്കാനുള്ള സ്വാതന്ത്ര്യം യേശു നമുക്ക് നൽകിയിട്ടുണ്ട് (മർക്കോസ് 7:19). എന്നിരുന്നാലും, ചില വിശ്വാസികൾ ഇപ്പോഴും പഴയനിയമ നിയമങ്ങൾ പാലിക്കാൻ ഇഷ്ടപ്പെടുന്നു, ഉദാഹരണത്തിന് ദൈവം ഈ കൽപ്പനകൾ ആരോഗ്യത്തിനും ശുചിത്വപരമായ കാരണങ്ങളാലും ഭാഗികമായി നൽകിയെന്ന് വിശ്വസിക്കുന്നു. ആ മാനദണ്ഡങ്ങൾ പാലിക്കുന്നത് ആരോഗ്യകരമാണെന്ന് അവർ വിശ്വസിക്കുന്നു, അതിനാൽ അവർ പന്നിയിറച്ചിയോ മറ്റ് ചില ഭക്ഷണങ്ങളോ കഴിക്കില്ല. അത് ശരിയാണോ? തീർച്ചയായും ശരിയാണ്! ആ ഭക്ഷണങ്ങൾ കഴിക്കണമെന്ന് ദൈവം ഒരിക്കലും നിങ്ങളോട് കൽപ്പിച്ചിട്ടില്ല. അതു നിങ്ങൾക്കു വേണമെങ്കിൽ കഴിക്കാം; വേണ്ടെങ്കിൽ കഴിക്കാതിരിക്കാം. ആ നിയമങ്ങൾ ഇപ്പോഴും പിന്തുടരുന്ന ഒരു വിശ്വാസി, അതു പിന്തുടരാത്ത മറ്റുള്ളവരെ ഭക്തിയില്ലാത്തവരായി, ആത്മീയത ഇല്ലാത്തവരായി കാണരുത്.

ജാതികളായ വിശ്വാസികളെ വിധിക്കുവാൻ മുഖാന്തിരമായിരുന്ന രണ്ടാമത്തെ മേഖല എന്നു പറയുന്നത് യെഹൂദന്മാരുടെ പെരുനാളുകൾ, വാവു, ശബ്ബത്ത് എന്നിവയായിരുന്നു. 2:16 “പെരുന്നാൾ, വാവ്, ശബ്ബത്ത് എന്നീ കാര്യത്തിലൊ ആരും നിങ്ങളെ വിധിക്കരുത്”. അതായത്, (annually, monthly, weekly) വാർഷികം, പ്രതിമാസം, പ്രതിവാരം എന്നിങ്ങനെ ചില ദിനങ്ങളുടെ ആചരണമാണ്. ഗലാ 4:10 ൽ പറയുന്നതിന്റെ റിവേഴ്സ് ഓർഡറിൽ ഇവിടെ പറഞ്ഞിരിക്കുന്നു എന്നു മാത്രം. “10 നിങ്ങൾ ദിവസങ്ങളും മാസങ്ങളും കാലങ്ങളും ആണ്ടുകളും പ്രമാണിക്കുന്നു;” (ഗലാ 4:10). എന്നിട്ട് പൗലോസ് അതിനെക്കുറിച്ചു ഗലാ 4:17 ൽ പറയുന്നു: “17 അവർ നിങ്ങളെക്കറിച്ചു എരിവു കാണിക്കുന്നതു ഗുണത്തിന്നായിട്ടല്ല; നിങ്ങളും അവരെക്കുറിച്ചു എരിവു കാണിക്കേണ്ടതിന്നു അവർ നിങ്ങളെ പുറത്തിട്ടു അടെച്ചുകളവാൻ ഇച്ഛിക്കയത്രെ ചെയ്യുന്നതു.”
ശബത്ത് ആചരിക്കുന്നത് ഈ വാക്യങ്ങളിലെ മറ്റൊരു ഉദാഹരണമാണ്. ഈ കൽപ്പന പുതിയ നിയമത്തിൽ ആവർത്തിക്കപ്പെടുന്നില്ല, വിശ്വാസികൾ ഇനി നിയമത്തിൻ കീഴിലല്ലെന്ന് റോമർ 6:15 ൽ പൗലോസ് വ്യക്തമാക്കുന്നു. പഴയനിയമ കാലത്തെപ്പോലെ ശബത്ത് ആചരിക്കേണ്ടതില്ല. എന്നാൽ ശനിയാഴ്ചയോ ഞായറാഴ്ചയോ ഒരു ജോലിയും ചെയ്യാതിരിക്കാൻ ഒരു വിശ്വാസി തീരുമാനിക്കുകയും പ്രാർത്ഥനയിലും പഠനത്തിലും ധ്യാനത്തിലും ആ ദിവസം ചെലവഴിക്കുകയും ചെയ്താലോ? അത് തെറ്റാണോ? തീർച്ചയായും അതു തെറ്റല്ല. അങ്ങനെ ചെയ്യുന്നത് വളരെ നല്ല കാര്യമാണ്. എന്നാൽ ശനിയാഴ്ചയോ ഞായറാഴ്ചയോ പാർക്കിൽ പോകുകയോ സ്പോർട്സിൽ ഏർപ്പെടുകയൊ സമാനമായ മറ്റ് പ്രവർത്തനങ്ങളിൽ ഏർപ്പെടുകയോ ചെയ്യുന്ന മറ്റ് വിശ്വാസികളെ ഈ വ്യക്തി നിസ്സാരമായി കാണരുത്.

ദൈവമാണ് വിധികർത്താവ്. ബൈബിൾ അവന്റെ വചനമാണ്. അവന്റെ വചനം നമ്മുടെ മേൽ ന്യായാധിപനായി പ്രവർത്തിക്കുന്നു. ദൈവം തിരുവെഴുത്തുകളിൽ വ്യക്തമായി പറഞ്ഞിരിക്കുന്നിടത്ത് നമുക്ക് പിടിവാശിക്കാരനാകാം. എന്നാൽ അവ ഇല്ലാത്തിടത്ത് നാം ഐക്യം നിലനിറുത്താൻ ശ്രമിക്കണം (എഫെസ്യർ 4:3).

വാസ്തവത്തിൽ, ഭക്ഷണത്തേയും ഉത്സവങ്ങളെയും സംബന്ധിച്ച നിയമങ്ങളാണ് യെഹുദനെ ജാതികളിൽ നിന്നു വേർതിരിച്ച് നിർത്തിയിരുന്നത്. എന്നാൽ കൊലൊ 2:14-ാം വാക്യത്തിൽ ദൈവജനത്തിന്റെ ഭാഗമാകുവാൻ തടസ്സം നിന്നിരുന്ന കയ്യെഴുത്തും ചട്ടങ്ങളും മായിച്ചു ക്രൂശിൽ തറച്ചു നടുവിൽ നിന്നു നീക്കിക്കളഞ്ഞു എന്നു നാം കണ്ടു. കർത്താവായ യേശുക്രിസ്തുവിൽ വിശ്വസിച്ചശേഷവും, ഇങ്ങനെയുള്ള വ്യവസ്ഥകൾ ജാതികൾ പാലിക്കുന്നില്ലെങ്കിൽ അവർ ദൈവജനത്തിന്റെ ഭാഗമല്ല എന്നാണ് ചില ആളുകൾ കൊലോസ്യയിലെ വിശ്വാസികളെ ധരിപ്പിച്ചിരുന്നത് അഥവാ വിധിച്ചിരുന്നത്.

ആഹാരവും, ദിവസങ്ങളുടെ ആചരണവും ലീഗലിസ്റ്റുകളുടെ ഒരു വിഹാരകേന്ദ്രമാണ്. ഇന്നും അങ്ങനെയുള്ള ലീഗലിസ്റ്റുകൾ സഭകളിൽ ഉണ്ട്. സ്ത്രീകളുടെ തലമുടിയുടെ നീളം എത്രത്തോളംവരെ ആകാം എന്ന് പ്രസംഗിക്കുന്നതു ഞാൻ കേട്ടുട്ടുണ്ട്. അതുപോലെ നെയിൽ പോളീഷ്, വസ്ത്രം, ലിപ്സ്റ്റിക് എന്നിവ വെച്ച് ആളുകളുടെ ആത്മീയതയെ അളക്കുന്നവർ ഉണ്ട്. ക്രിസ്ത്യാനികളുടേയും മുസ്ലീംങ്ങളുടേയും നോയമ്പ്, തീപെന്തക്കോസ്തുകാരുടെ വസ്ത്രധാരണം എന്നിവ ഈ ഗണത്തിൽ പെടുത്താം. Man-made rules ഉപയോഗിച്ച് ഇവർ വിശ്വാസികളെ വിധിക്കുന്നു. കർത്താവ് നൽകാത്ത നിയമങ്ങളുടെ അനുസരണം, ചില ആചാരങ്ങൾ, അസറ്റിസിസം എന്നിവ ലീഗലിസത്തിന്റെ ഭാഗമാണ്. പുതിയനിയമത്തിലെ imperatives & Exhortations- ആഞ്ജാരുപത്തിലുള്ളതും പ്രബോധനകളും നാം അനുസരിക്കണം എന്നതിൽ തർക്കമില്ല. എന്നാൽ ആ അനുസരണം പോലും സ്വയശക്തിയിലും സ്വയകഴിവിലും അനുസരിക്കുന്നതും ശരിയായ അനുസരണമല്ല, ദൈവത്തിന്റെ പരിശുദ്ധാത്മ സഹായത്തോടെയുള്ള അനുസരണമാണ് ദൈവത്തിനു മഹത്വം വരുത്തുന്നത്.

ലീഗലിസ്റ്റുകൾ സാധാരണ ചെയ്യാറുള്ളത്, ബാഹ്യമായ കാര്യങ്ങളെക്കൊണ്ട് ദൈവത്തിന്റെ മുൻപിൽ തങ്ങളെത്തന്നെ സ്വീകാര്യരാക്കി തീർക്കുകയാണ്. ആഹാരം ഒരുവനെ ശുദ്ധീകരിക്കുന്നതിൽ neutral ആണ്. Food is neutral in purifying a person. അതുപോലെ ആത്മത്യാഗം, സ്വയനിഷേധം എന്നിവ സ്വയത്തെ ഉയർത്തുന്നതിനുള്ള മറയാണ്. Self-denial can be a merely a cover for self-promotion. ദൈവവചനത്തിൽ നിലനിൽക്കാത്ത, കർത്താവിൽ ശ്രദ്ധകേന്ദ്രീകരിക്കാത്ത, കർത്താവിൽ താൻ സമ്പൂർണ്ണനാണ് എന്ന് ഗ്രഹിക്കാത്ത ക്രിസ്ത്യാനികളെ സാത്താൻ വളരെ ഇഷ്ടപ്പെടുന്നു. Satan loves to get a Christian who is not in the word, not focused on the Lord and who does not understand that he is complete in Jesus.

Dr. S Lewis Johnson ലീഗലിസത്തെക്കുറിച്ചു പറയുന്നത് ശ്രദ്ധിക്കുക: ലീഗലിസം ഒരു വലിയ പാപമാണ് എന്ന് ആളുകൾ ചിന്തിക്കാറില്ല. പൗലോസിന്റെ കാലത്തും സഭ നേരിട്ടിരുന്ന വലിയ പ്രശ്നമാണ് ലീഗലിസം. അന്നത്തെ പോലെ ഇന്നും അതൊരു പ്രശ്നമായി സഭകളിൽ നിലനിൽക്കുന്നു. നാം ചെയ്യുന്ന പ്രവൃത്തികളാൽ ദൈവത്തിന്റെ പ്രീതി സമ്പാദിക്കാൻ കഴിയുമെന്ന വിശ്വാസമാണിത്. ദൈവം ക്രിസ്തുവിലൂടെ നൽകുന്ന കൃപയിൽ സംതൃപ്തിപ്പെടാതെ, തങ്ങളെ തന്നെ ദൈവസന്നിധിയിൽ താഴ്ത്തുവാൻ മനസ്സില്ലാതിരിക്കുന്നതാണ്. ലീഗലിസം കർത്താവിലുള്ള സന്തോഷത്തെ കെടുത്തിക്കളയുന്നു. ആരാധനക്കുള്ള ആഗ്രഹവും സേവനത്തിനുള്ള ശക്തിയും നമ്മിൽ വർദ്ധിപ്പിക്കുന്നത് കർത്താവിലുള്ള സന്തോഷമാണ്. [One of the most serious problems facing the orthodox Christian church today is the problem of legalism. One of the most serious problems facing the church in Paul’s day was the problem of legalism. In every day it is the same. Legalism wrenches the joy of the Lord from the Christian believer, and with the joy of the Lord goes His power for vital worship and vibrant service. S Lewis Johnson].

ലീഗലിസത്തിന്റെ കേന്ദ്രമെന്നു പറയുന്നത് അഥവാ ഹൃദയമെന്ന് പറയുന്നത് pride/അഹങ്കാരമാണ്. അഹങ്കാരം എന്ന പാപം നമ്മുടെ ദൈവമാകാൻ ശ്രമിക്കും. അതു നമ്മുടെ ഹൃദയത്തിന്റെ പരമാധികാരിയായി വാഴും. അതു ദൈവത്തിൽ നിന്ന് അകന്ന് independent ആയി നിൽക്കാൻ തുടങ്ങും. എന്നാൽ നാം ദൈവത്തിന്റെ സൃഷ്ടിയാണെന്നും ദൈവത്തെ ആശ്രയിക്കണമെന്നും അംഗീകരിക്കയില്ല. അതുവഴി അഹങ്കാരിയായ താൻതന്നെ തന്റെ ദൈവമായി മാറുന്നു. ഉല്പത്തി 3:5 പിശാച് അതാണ് ഹവ്വയോട് പറഞ്ഞത്, നീ ദൈവത്തെപോലെ ആയിത്തിരും. അഹങ്കാരികളാണ് കൃപയുടെ ഉപദേശത്തെ അധികം എതിർക്കുന്നത്. കൃപയെക്കുറിച്ച് സംസാരിച്ചാൽ അങ്ങനെയുള്ളവർ അതിനെ പെരുപ്പിച്ച് കാണിച്ച് ആളുകളെ അവർ വഴിതെറ്റിപ്പിക്കും. തങ്ങളുടെ ആത്മീയ പാപ്പരത്വം അംഗീകരിക്കുവാൻ തയ്യാറല്ല എന്നതാണ് അതിനുപിന്നിലെ ചേതോവികാരം. ദൈവത്തിനു കുടുതൽ സ്വീകാര്യരായി തീരാൻ എന്തെങ്കിലും ഒക്കെ ചെയ്യുക എന്ന ആശയം വളരെ വശീകരണശക്തിയുള്ള ആശയമാണ്. അതു നമ്മുടെ വിശ്വാസത്തെ താളം തെറ്റിക്കാനും രക്ഷയുടെ സന്തോഷത്തെ കെടുത്തിക്കളയാനുമെ ഉപകരിക്കു.

തെറ്റായതും വ്യർത്ഥമായതുമായ ബാഹ്യ ആചാരങ്ങളാൽ നിങ്ങളെ വലിച്ചുകളയുന്നതിനെതിരെയുള്ള പ്രതിവിധി എന്നത് ക്രിസ്തുവിലുള്ള നമ്മുടെ സർവ്വസമ്പൂർണ്ണതയാണ്. We are filled full in Him. ക്രിസ്തുവിൽ നാം പരിപൂർണ്ണരായിരിക്കുന്നു. ക്രിസ്തുവിലുടെയുള്ള ആ വലിയ വീണ്ടെടുപ്പിന്റെ മൂല്യത്തേയും അതിന്റെ ഉദ്ദേശ്യത്തേയും അറിയാത്തവരാണ് നിഴലായിരുന്ന കാര്യങ്ങളെ കൊണ്ട് നിങ്ങളെ വിധിക്കുവാൻ ശ്രമിക്കുന്നത്. വീണ്ടെടുപ്പിന്റെ മൂല്യവും ഉദ്ദേശ്യവും നാം നന്നായി മനസ്സിലാക്കണം.

ഭക്ഷണം, പാനീയം, ഉത്സവങ്ങൾ അമാവാസി, ശബത്ത് എന്നിവ വരുവാനുള്ളവന്റെ നിഴലായിരുന്നു, അവ പൊരുളല്ല. ആ പൊരുൾ എന്നു പറയുന്നത് ക്രിസ്തുവാണ്, but the substance belongs to Christ. അവയൊക്കെയും ക്രിസ്തുവിന്റെ രാജ്യത്തിലേക്ക് വരുന്നതിനു മുന്നമെയുള്ള ഒരുക്കങ്ങൾ മാത്രമായിരുന്നു (2:16-19).

ഇവയൊക്കെയും നിങ്ങളുടെ വിശ്വാസത്തെ നശിപ്പിക്കുന്ന സംഗതികളാണ്. വിശ്വാസത്തിന്റെ ലാളിത്യത്തെ എടുത്തു നീക്കിയാൽ ഒരുവനു ഈ കാര്യങ്ങളുടെ വെളിച്ചത്തിൽ തങ്ങളെതന്നെ ഉയർത്തുവാൻ സാധിക്കും എന്നാണ് Ray Steadman എന്ന ദൈവദാസൻ അതിനെക്കുറിച്ചു പറഞ്ഞത്.