12-14 വരെ വാക്യങ്ങൾ നമുക്കൊന്നു നോക്കാം: “ക്രിസ്തുവിൽ ആശവെച്ചവരായ ഞങ്ങൾ അവന്റെ മഹത്വത്തിന്റെ പുകഴ്ചെക്കാകേണ്ടതിന്നു തന്നേ.13 അവനിൽ നിങ്ങൾക്കും നിങ്ങളുടെ രക്ഷയെക്കുറിച്ചുള്ള സുവിശേഷം എന്ന സത്യവചനം നിങ്ങൾ കേൾക്കയും അവനിൽ വിശ്വസിക്കയും ചെയ്തിട്ടു,14 തന്റെ സ്വന്തജനത്തിന്റെ വീണ്ടെടുപ്പിന്നു വേണ്ടി തന്റെ മഹത്വത്തിന്റെ പുകഴ്ചെക്കായിട്ടു നമ്മുടെ അവകാശത്തിന്റെ അച്ചാരമായ വാഗ്ദത്തത്തിൻ പരിശുദ്ധാത്മാവിനാൽ മുദ്രയിട്ടിരിക്കുന്നു.” (…12 so that we who were the first to hope in Christ might be to the praise of his glory. 13 In him you also, when you heard the word of truth, the gospel of your salvation, and believed in him, were sealed with the promised Holy Spirit, 14 who is the guarantee[a] of our inheritance until we acquire possession of it,[b] to the praise of his glory). ഈ വാക്യങ്ങളിൽ ആവർത്തിച്ച് പറഞ്ഞിരിക്കുന്ന ഒരു കാര്യമാണ് അവന്റെ മഹത്വത്തിന്റെ പുകഴ്ചക്കായി എന്നത്. അതായത്, ദൈവത്തിന്റെ മഹത്വത്തെ മുൻനിർത്തിയാണ് ദൈവം സകല കാര്യങ്ങളും ചെയ്യുന്നത്. ഈ വാക്യം ആരംഭിക്കുന്നതും അവസാനിക്കുന്നതും ദൈവത്തിന്റെ മഹത്വത്തിന്റെ പുകഴ്ചക്കായി എന്നു പറഞ്ഞാണ്.

ദൈവത്തിന്റെ നീതിയെ സംബന്ധിച്ച നമുക്ക് പറയാൻ കഴിയുന്ന അടിസ്ഥാനപരമായ വസ്തുത ദൈവത്തിനു തന്റെ മഹത്വത്തിനായി അചഞ്ചലമായ മാറ്റമില്ലാത്ത പ്രതിജ്ഞാ ബദ്ധതയുണ്ട് എന്നതാണ്. താൻ ചെയ്യുന്നതെല്ലാം തന്റെ ജനം ദൈവത്തെ മഹത്വപ്പെടുത്തു ന്നതിനും അതിന്റെ തീവ്രത വർദ്ധിച്ചു വരുന്നതിനും വേണ്ടിയാണ്. ആദ്യമായി മഹത്വം എന്നു പറഞ്ഞാൽ എന്താണ് എന്നു നോക്കാം.

ബൈബിളിൽ “മഹത്വ” ത്തിന് ഉപയോഗിച്ചിരിക്കുന്ന ഒരു എബ്രായ പദമാണ് “Kavod.” “കാവോഡ്”. കാവോഡ് എന്നതിന്റെ അർത്ഥം “ഭാരം” “ഘനം” എന്നാണ്, എന്നാൽ രൂപകമായി ഇത് അർത്ഥമാക്കുന്നത് ഒരാളുടെ പ്രശസ്തി അല്ലെങ്കിൽ പ്രാധാന്യം എന്നതാണ്.
സങ്കീർത്തനം 19:1 ൽ പറയുന്നു: “ആകാശം ദൈവത്തിന്റെ മഹത്വത്തെ വർണ്ണിക്കുന്നു; ആകാശവിതാനം അവന്റെ കൈവേലയെ പ്രസിദ്ധമാക്കുന്നു.”ദൈവം സൃഷ്ടിച്ച ആകാശത്തെയും, ആകാശത്തിനു കീഴെയുള്ള ശൂന്യാകാശത്തേയുമാണ് ഇവിടെ ദൈവത്തിന്റെ മഹത്വമെന്ന് പറയുന്നത്.

പുറപ്പാട് 24:16-17 “യഹോവയുടെ തേജസ്സും സീനായിപർവ്വതത്തിൽ ആവസിച്ചു. മേഘം ആറു ദിവസം അതിനെ മൂടിയിരുന്നു; അവൻ ഏഴാം ദിവസം മേഘത്തിന്റെ നടുവിൽനിന്നു മോശെയെ വിളിച്ചു. 17 യഹോവയുടെ തേജസ്സിന്റെ കാഴ്ച പർവ്വതത്തിന്റെ മുകളിൽ കത്തുന്ന തീപോലെ യിസ്രായേൽമക്കൾക്കു തോന്നി.” മേഘം പുക, തീയ് എന്നിവയാണ് ഇവിടെ ദൈവത്തിന്റെ തേജസ്സ് അഥവ മഹത്വം എന്നു പറയുന്നത്.

യെശയ്യ 6:3 3 ഒരുത്തനോടു ഒരുത്തൻ; സൈന്യങ്ങളുടെ യഹോവ പരിശുദ്ധൻ, പരിശുദ്ധൻ, പരിശുദ്ധൻ; സർവ്വഭൂമിയും അവന്റെ മഹത്വംകൊണ്ടു നിറഞ്ഞിരിക്കുന്നു എന്നു ആർത്തു പറഞ്ഞു.”

These crazy winged creatures screaming loudly that the whole earth is full of God’s “kavod”. ഇവിടെ സെറാഫുകൾ ദൈവത്തിന്റെ മഹത്വത്തെ ഘോഷിക്കുന്നത് അവന്റെ മഹത്വം കൊണ്ട് സർവ്വഭൂമിയും നിറഞ്ഞിരിക്കുന്നു എന്നു പറഞ്ഞാണ്.

മറ്റൊരു രീതിയിൽ പറഞ്ഞാൽ, താൻ സൃഷിച്ച സകലതും തന്റെ സകല പ്രവൃത്തികളും തന്റെ മഹത്വത്തിനു വേണ്ടിയാണ്. അതിൽ ത്രിയേക ദൈവത്തിന്റെ രക്ഷാകര പ്രവൃത്തിയും ഉൾപ്പെടുന്നു.

അപ്പോൾ ദൈവം തന്റെ മഹത്വത്തിനായി ചെയ്ത ഒന്നാമത്തെ കാര്യം, മനുഷ്യനെ അവന്റെ പാപത്തിന്റെ ശിക്ഷാവിധിയിൽ നിന്നു രക്ഷിച്ചു തന്നെ സേവിക്കുന്ന, തന്നെ സ്നേഹിക്കുന്ന ഒരു ജനമാക്കി വെച്ചുവെന്നതാണ്. രണ്ടാമത്തെ കാര്യം സുവിശേഷം വിശ്വസിക്കുന്ന തന്റെ ജനത്തിന്റെ അവകാശത്തെ ദൈവം ഗ്യാരന്റി ചെയ്യുന്നു.

അവനിൽ വിശ്വസിക്കുന്നവരെ അവകാശത്തിനായി മുദ്രയായിടുന്നു. അവരുടെ അവകാശം എന്നും ഭദ്രമായിരിക്കേണ്ടതിനാണ് അത് മുദ്രയിട്ടു സൂക്ഷിക്കുന്നത്. ദൈവത്തിന്റെ വചനം വിശ്വസിക്കുന്നതും ദൈവത്തിന്റെ മഹത്വത്തിനായി ജീവിക്കുന്ന തമ്മിൽ ഒരു ബന്ധമുണ്ട്. ഒരു വ്യക്തിക്ക് നൽകാൻ കഴിയുന്ന ഏറ്റവും വലിയ ബഹുമതി എന്ന് പറയുന്നത് ആ വ്യക്തിയെ വിശ്വസിക്കുക എന്നതാണ്. ദൈവത്തിന്റെ വാക്ക് അതെ നാം അതേപടി വിശ്വസിക്കുന്നത് ദൈവത്തിനു നൽകുന്ന ഒരു വലിയ ബഹുമതിയാണ്. ദൈവം തന്റെ മഹത്വത്തെ എല്ലാത്തിനുമുപരിയായി കാണുന്നു എന്നതിനാൽ തന്നെ വിശ്വസിക്കുന്നവരോട് താൻ പൂർണമായും വിശ്വസ്തത പുലർത്തുന്നു.

ഈ വേദ ഭാഗത്ത് കാണാൻ കഴിയുന്ന മൂന്നാമത്തെ കാര്യം ദൈവം വയ്ക്കുന്ന ഓരോ ചുവടുകളും തന്നെ നാമത്തെ എന്നേക്കും മഹത്വപ്പെടുത്തുക എന്ന ലക്ഷ്യത്തോടെ ഉള്ളതാണ്. ദൈവം സകലകാര്യങ്ങളും തന്റെ മഹത്വത്തിന്റെ പുകഴ്ചക്കായി ചെയ്യുന്നതുകൊണ്ടും തന്റെ വചനത്തെ വിശ്വസിക്കുന്നത് തന്നെ മഹത്വത്തെ വർദ്ധിപ്പിക്കുന്നതിനാലും ദൈവം തന്റെ എന്നന്നേക്കുമായുള്ള മഹത്വത്തെ ഉറപ്പിക്കുവാൻ നിർണായകമായ ചുവടുകൾ വെക്കുന്നു. നാം നമ്മുടെ അവകാശത്തിൽ പ്രവേശിച്ചു കൊണ്ട് അവന്റെ മഹത്വത്തെ സ്തുതിക്കും എന്നത് അങ്ങനെയുള്ള ഒരു ചുവടുവെപ്പാണ്. ദൈവത്തിന്റെ മഹത്വത്തിന്റെ പുകഴ്ചയ്ക്കായി നാം എന്നേക്കും ജീവിക്കേണ്ടതിന്നു, നമ്മുടെ സഹജമായ ഇഛക്കൊ അല്ലെങ്കിൽ പ്രവർത്തിക്കൊ നമ്മുടെ നിത്യമായ ഭാവിയെ നിയന്ത്രിക്കാൻ കഴിയാത്തവിധം, ഒരു ജനത്തെ തന്നെ സ്വന്തം സ്വന്തമായിരിക്കേണ്ടതിന്നു ദൈവം ബദ്ധശ്രദ്ധനായിരിക്കുന്നു.

ആകയാൽ ദൈവത്തിന്റെ വചനം വിശ്വസിക്കുന്നതും ദൈവത്തിന്റെ മഹത്വത്തിനായി ജീവിക്കുന്നതും തമ്മിൽ ഒരു ബന്ധമുണ്ട്. ഒരു വ്യക്തിക്ക് നൽകാൻ കഴിയുന്ന ഏറ്റവും വലിയ ബഹുമതി എന്ന് പറയുന്നത് ആ വ്യക്തിയെ വിശ്വസിക്കുക എന്നതാണ്. ദൈവത്തിന്റെ വാക്ക് നാം അതേപടി വിശ്വസിക്കുന്നത് ദൈവത്തിനു് നൽകുന്ന ഒരു ബഹുമതിയാണ്. ദൈവം തന്റെ മഹത്വത്തെ എല്ലാത്തിനുമുപരിയായി കാണുന്നു എന്നതിനാൽ തന്നെ വിശ്വസിക്കുന്നവരോടു താൻ പൂർണമായും വിശ്വസ്തത പുലർത്തുന്നു. അതായത്, നമ്മുടെ ശക്തിയുടെയോ പ്രവർത്തിയുടെയൊ അടിസ്ഥാനത്തിൽ ദൈവത്തിന്റെ മഹത്വത്തിന് കോട്ടം വരാതിരിപ്പാൻ ഈയൊരു കാര്യം ദൈവം തന്റെതന്നെ ശക്തിയിലും പ്രവർത്തിയിലും സൂക്ഷിക്കുന്നു. അതുകൊണ്ടാണ് ദൈവം തന്റെ പരിശുദ്ധാത്മാവിനെ നമ്മുടെ ഉള്ളിൽ പ്രവേശിക്കുന്നതിനും നമ്മെ എന്നന്നേക്കും സുരക്ഷിതരായിരിക്കുന്നതിനും നിയോഗിച്ചിരിക്കുന്നത്.

a) മുദ്രയിട്ടിരിക്കുന്നു എന്നു പറഞ്ഞാൽ എന്താണ്?(What does it mean to be sealed?)

ദൈവത്തിന്റെ സ്നേഹത്തിനും ശക്തിയിലും നാം സുരക്ഷിതനായിരിക്കുന്നു എന്ന അവബോധം നമ്മളിൽ ഉറപ്പിക്കുന്നതിന് ഉപയോഗിച്ചിരിക്കുന്നരണ്ടു പദങ്ങളാണ് “മുദ്ര ഇടുക” എന്നതും “അച്ചാരം” എന്നതും. ആദ്യമായി “മുദ്ര ഇടുക” എന്ന വാക്കിന്റെ മുദ്ര നീക്കി അതിനുള്ളിൽ എന്താണ് എന്ന് നോക്കാം. വിശ്വാസികൾ പരിശുദ്ധാത്മാവിനാൽ മുദ്രയിടപ്പെട്ടിരിക്കുന്നു എന്ന് പറഞ്ഞാൽ എന്താണ് അർത്ഥമാക്കുന്നത്?

പുതിയനിയമത്തിൽ മൂന്നുതരത്തിൽ ‘മുദ്ര ഇടുക’ എന്ന വാക്ക് ഉപയോഗിച്ചിട്ടുണ്ട് . ഒന്ന്, മത്തായി 27:66 ൽ യേശുവിൻറെ കല്ലറ മുദ്രവെച്ച പട്ടാളക്കാരെ അതിനു ചുറ്റും കാവൽ നിർത്തി കല്ലറ ഉറപ്പാക്കി എന്ന് നാം വായിക്കുന്നു. വെളിപ്പാട് 20:3 ൽ സാത്താനെ അഗാഥ കൂപത്തിൽ അടച്ച് അതിനെ മുദ്രവെച്ച് അവിടെ നിന്നും രക്ഷപ്പെടാൻ കഴിയാത്തവിധം അതിനെ ഉറപ്പാക്കി എന്നു പറയുന്നു. അത് ആ വാക്കിന്റെ ഒരു അർത്ഥം എന്ന് പറയുന്നത് എന്തെങ്കിലും വസ്തുവിനെ ഉള്ളിലാക്കി ഭദ്രമായി അടച്ച് സൂക്ഷിക്കുക എന്നതാണ്.

രണ്ട്, റോമർ 4:11 “അബ്രാഹത്തിന്റെ പരിച്ഛേദനയെ വിശ്വാസത്താൽ നീതീകരിക്കപ്പെട്ടതിന്റെ അടയാളവും മുദ്രയും എന്ന് വിളിക്കുന്നു. 1 കൊരി. 9 2 പൗലോസ് താൻ മുഖാന്തരം മാനസാന്തരപ്പെട്ടവർ തന്റെ അപ്പ്സ്തലത്തിന്റെ മുദ്രയാണ് എന്ന് പറയുന്നു. അതുകൊണ്ട് രണ്ടാമത്തെ ഒരു അർത്ഥമെന്ന് പറയുന്നത് വിശ്വാസ്യതയുടെ അടയാളം എന്നാണ്.

മൂന്നാമത്തെ അർത്ഥം വെളിപാട് 7:3 ലോകത്തിനുമേൽ വരുന്ന ദൈവകോപത്തിൽ നിന്നും സംരക്ഷണം നൽകുന്ന ദൈവത്തിന്റെ അടയാളത്തെ മുദ്ര വിളിക്കാം.

ആകയാൽ വിശ്വാസികൾ പരിശുദ്ധാത്മാവിനാൽ മുദ്രയിടപ്പെട്ടിരിക്കുന്നു എന്ന് പറയുന്നത് കൊണ്ട് എന്താണ് അർത്ഥമാക്കുന്നത് എന്ന് ഈ നിലയിൽ മനസ്സിലാക്കാം:

ഒന്ന്, വിശ്വാസത്തിൽ മുദ്രയിട്ട വിശ്വാസത്തെയും വിശ്വാസത്യാഗത്തെയും ഉള്ളിലേക്ക് കടക്കാതെ സൂക്ഷിക്കുക.

രണ്ട്, നമ്മുടെ വിശ്വാസ്യതയുടെ അടയാളമായി പരിശുദ്ധാത്മാവിനാൽ മുദ്രയിട്ടിരിക്കുന്നു എന്നു പറഞ്ഞാൽ പരിശുദ്ധാത്മാവാണ് അടയാളം. ആ പരിശുദ്ധാത്മാവിന്റെ പ്രവർത്തനമാണ് ദൈവത്തിന്റെ ട്രേഡ് മാർക്ക് അഥവാ അംഗീകാരത്തിന്റെ മുദ്ര. നമുക്ക് ദൈവത്തിന്റെ പരിശുദ്ധാത്മാവ് ഉണ്ടെങ്കിൽ നമ്മുടെ നിത്യമായ പുത്രത്വം വാസ്തവവും സംശയാതീതവുമാണ്. നമ്മുടെ ജീവിതത്തിൽ ദൈവീകമായ യാഥാർത്ഥ്യത്തിന്റെ അടയാളം പരിശുദ്ധാത്മാവാണ്.

അല്ലെങ്കിൽ, ദൈവത്തിൻറെ അടയാളത്താൽ പരിശുദ്ധാത്മാവ് നമ്മെ അടയാളപ്പെടുത്തുന്നു എന്ന് ചിന്തിച്ചാൽ, ദൈവത്തിന്റെ സ്വന്തം അവകാശത്തിന്റെ അടയാളം വഹിക്കുന്ന ഒരു വ്യക്തിയിൽ ദുഷ്ടാത്മാവ് കടക്കാതെ പരിശുദ്ധാത്മാവു സംരക്ഷിക്കുന്നു എന്ന് മനസ്സിലാക്കാം.

ആകയാൽ മുദ്രയിടപ്പെട്ടിരിക്കുന്നു എന്ന് പറഞ്ഞാൽ ദൈവത്തിന്റെ സ്നേഹത്തിനും ശക്തിയിലുമുള്ള സുരക്ഷിതത്വവും സംരക്ഷണവുമാണ് എന്ന് മനസ്സിലാക്കാം. ദൈവം പരിശുദ്ധാത്മാവിനെ അയക്കുന്നത് വിശ്വാസത്തിൽ അടച്ച് സൂക്ഷിക്കുന്നതിനും നാശമായ ശക്തികളെ അകറ്റിനിർത്തുന്നതിനും നമ്മുടെ പുത്രത്വത്തെ ഉറപ്പിക്കുന്നതിന്റെ അംഗീകാരമുദ്ര യുമാ യിട്ടാണ്. ഇതിലെ വസ്തുത എന്തെന്നാൽ, ദൈവത്തിന്റെ സ്നേഹത്തിലും ശക്തിയിലും സുരക്ഷിതരും സംരക്ഷിതരുരമാണ് എന്ന ബോധ്യം നമുക്കുണ്ടാകണം എന്നതാണ് ദൈവം അതിലൂടെ ആഗ്രഹിക്കുന്നത്.

b) അച്ചാരം എന്നത് കൊണ്ട് എന്താണ് അർത്ഥമാക്കുന്നത്? (What does guarantee mean?)

പതിനാലാം വാക്യം “നമ്മുടെ അവകാശത്തിന്റെ അച്ചാരമായ വാഗ്ദത്തത്തിൻ പരിശുദ്ധാത്മാവിനാൽ മുദ്ര ഇട്ടിരിക്കുന്നു”

മുൻപറഞ്ഞ ആശയം പൗലോസ് മറ്റൊരു വാക്ക് അതായത് ‘അച്ചാരം’ എന്ന വാക്കുപയോഗിച്ച് ഒന്നുകൂടെ ബലപ്പെടുത്തി എന്ന് മാത്രം. 14 ആം വാക്യത്തിൽ ഉപയോഗിച്ചിരിക്കുന്ന ‘അച്ചാരം’ എന്ന വാക്കു മനസ്സിലാക്കുവാൻ ഞാനൊരു ഉദാഹരണം പറയാം. ഞാൻ ഒരു ടെക്സ്റ്റൈൽ ഷോപ്പിൽ ചെന്ന് കുറച്ചു തുണികൾ വാങ്ങിച്ചു ബില്ലടയ്ക്കാൻ ചെന്നപ്പോഴാണ് വീട്ടിൽ നിന്ന് പേഴ്സ് എടുത്തു കൊണ്ടുപോരുവാൻ മറന്നുപോയി എന്ന് കാര്യം അറിയുന്നത്. പെട്ടെന്ന് കയ്യിൽ കിടന്ന മോതിരം ഊരി കടയിൽ കൊടുത്തിട്ട് ഇത് ഒരു അച്ചാരമായി ഇരിക്കട്ടെ; ഞാൻ പോയി പണവുമായി തിരികെ വരുമ്പോൾ ഇത് തന്നാൽ മതി എന്ന് പറഞ്ഞ് മോതിരം അവരെ ഏൽപ്പിക്കുന്നു. പിന്നെ ഞാൻ പോയി പണവുമായി വന്നു തുണി തിരികെ എടുക്കുന്നതുവരെ മോതിരം ഒരു അച്ചാരമാണ് അല്ലെങ്കിൽ ഗ്യാരണ്ടി ആണ് എന്നു പറയാം.

ഇതിൽ നിന്നും ദൈവം നമ്മോട് പറയുവാൻ ആഗ്രഹിക്കുന്നത് എന്തെന്നാൽ ഞാൻ എന്റെ ആത്മാവിനെ നിങ്ങൾക്ക് അച്ചാരം അഥവാ ഡൗൺ പെയ്മെൻറ് ആയി നൽകുന്നു എന്ന കാര്യമാണ്. അതായ്ത്, എന്നിൽ വിശ്വസിക്കുന്നവർ എന്റെ സ്നേഹത്തിൽ സുരക്ഷിതരായിരിക്കും എന്നാണ്. ലോക സ്ഥാപനത്തിന് മുന്നമെ ഞാൻ നിങ്ങളെ തെരഞ്ഞെടുത്തു, ഞാൻ നിങ്ങളെ തെരഞ്ഞെടുത്തത് എന്നേക്കും എന്റെ മക്കൾ ആയിരിക്കണം എന്ന് ഞാൻ മുന്നമെ നിർണ്ണയിച്ചു. എന്റെ പുത്രന്റെ രക്തത്താൽ ഞാൻ നിങ്ങളെ വീണ്ടെടുത്തു. ഞാൻ എന്റെ ആത്മാവിനെ ഒരു മുദ്രയും അച്ചാരവുമായി നിങ്ങളിൽ വെച്ചു. ആകയാൽ നിങ്ങളുടെ അവകാശം നിങ്ങൾ പ്രാപിക്കുകയും എന്റെ കൃപയുടെ മഹത്വത്തെ എന്നേക്കും സ്തുതിക്കുകയും ചെയ്യാം.