ഇവ ഓരോന്നായി എടുത്ത് അത് അല്പമായ വിവരിച്ച് വിശ്വസിക്കുന്ന നമുക്ക് വേണ്ടി വ്യാപരിക്കുന്ന ദൈവത്തിന്റെ അളവറ്റ ശക്തിയെ എങ്ങനെ അളക്കാമെന്ന് ഞാൻ വിചാരിക്കുന്നു.

a). ദൈവം യേശുവിനെ ഉയർപ്പിച്ച് മരണത്തിന്റെ ശക്തിയിൽ നിന്നും വിടുവിച്ചു.

ദൈവം യേശുവിനെ മരിച്ചവരിൽനിന്നു ഉയർപ്പിച്ചു. യേശു ഇനി ഒരിക്കലും മരിക്കുകയില്ല. അതിലെ വസ്തുത എന്തെന്നാൽ യേശുക്രിസ്തുവിൽ ആയവരുടെ അവസ്ഥയും ഇതുതന്നെയാണ്. വിശ്വാസികളുടെ മരണത്തിന്റെ ശക്തി നശിച്ചിരിക്കുന്നു. മരണമെന്ന ശത്രു പരാജയപ്പെട്ടിരിക്കുന്നു. പൗലോസിനെ സംബന്ധിച്ചിടത്തോളം യേശുക്രിസ്തുവിന്റെ മരണം മരണത്തിന്റെ തന്നെ മരണമാണ്. മരണം മരിച്ചിരിക്കുന്നു. അതുകൊണ്ട് വിശ്വാസികൾ മരിക്കുകയില്ലേ എന്ന് നിങ്ങൾ ചോദിച്ചേക്കാം. വിശ്വാസികൾ മരിക്കും. എന്നാൽ മരണത്തിന്റെ വിഷമുള്ള് നീങ്ങിപ്പോയി. വിഷമുള്ളു നശിച്ചുപോയി. മരണത്തിന് നമ്മെ എന്നെന്നേക്കുമായി നശിപ്പിക്കുവാൻ കഴിയുകയില്ല. നാശകരമായ ആ സംഭവം ഇപ്പോൾ പറുദീസയിലേക്ക് ഉള്ള ഒരു വാതിൽ ആയി മാറി.

മരണം ഇപ്പോൾ വിജയത്തിൽ കലാശിച്ചിരിക്കുന്നു. ഹേ മരണമേ നിന്റെ ജയം എവിടെ? ഹേ മരണമേ നിന്നെ വിഷമുള്ള് എവിടെ? മരണത്തിന്റെ വിഷമുള്ളു പാപം: പാപത്തിന്റെ ശക്തിയോ ന്യായപ്രമാണം. നമ്മുടെ കർത്താവായ യേശുക്രിസ്തു മുഖാന്തരം ജയം നൽകുന്ന ദൈവത്തിനു സ്തോത്രം (1 കൊരി. 15: 54-57) പൗലോസ് പറയുന്നു.

യേശുവിനെ മരണത്തിൽ നിന്നു ഉയർപ്പിച്ച്, മരണത്തിന്റെ ശക്തിയിൽനിന്ന് വിടുവിച്ച ദൈവത്തിന്റെ ഈ ശക്തിയാണ് നമുക്ക് വേണ്ടി വ്യാപരിച്ചു കൊണ്ടിരിക്കുന്നത്. അതു നമ്മെ ആത്മീയ മരണത്തിൽനിന്നു ഉയർപ്പിച്ചു. നമുക്ക് ജീവനും വിശ്വാസവും നൽകി. ഈ ശക്തി അന്ധമായിരുന്ന നമ്മുടെ കണ്ണുകളെ തുറന്നു, മത്സരമുള്ള നമ്മുടെ ഇച്ഛയെ പിടിച്ചടക്കി. ദൈവത്തെയും മനുഷ്യനെയും സ്നേഹിക്കുന്ന ഒരു പുതിയ ഹൃദയം നമുക്ക് നൽകി. നമ്മിൽ അതിവസിക്കുന്ന പാപ സ്വഭാവത്തിന്റെ ശക്തിയിൽനിന്ന് ഈ ശക്തി നമ്മെ വിടുവിക്കുന്നു. അതു അവസാനം വരെ വിശ്വാസത്തിൽ കാത്തുസൂക്ഷിക്കുന്നു. ഈ പുനരുത്ഥാനശക്തി ഇപ്പോൾ ക്രിസ്തുവിനുവേണ്ടി ജീവിക്കുന്നതിനും ക്രിസ്തുവിന്റെ മഹത്വത്തിനായി മരിക്കുന്നതിനും നമുക്ക് ലഭ്യമാണ്.

b. ദൈവം യേശുവിനെ തന്റെ വലതുഭാഗത്ത് ഉപവിഷ്ടനാക്കി-അതോടൊപ്പം ദൈവം നമ്മെയും.

രണ്ടാമതായി, കർത്താവിനെ തന്റെ വലതുഭാഗത്തേക്ക് ഉയർത്തിയ ശക്തി നമ്മേയും തന്നോടൊപ്പം ആ സ്ഥലത്ത് ഇരുത്തിയിരിക്കുന്നു. എഫേസ്യർ 2:6 ൽ നാം ഇപ്രകാരം വായിക്കുന്നു: “… ക്രിസ്തുയേശുവിൽ അവനോടുകൂടെ ഉയർത്തെഴുന്നേൽപ്പിച്ച് സ്വർഗ്ഗത്തിൽ ഇരുത്തുകയും ചെയ്തു.” ഇതാണ് ദൈവത്തിന്റെ പുനരുത്ഥാനത്തിന്റെ ശക്തി. യേശുവിനെ മരണത്തിൽനിന്ന് ഉയർപ്പിച്ച ദൈവത്തിന്റെ സന്നിധിയിൽ എന്നന്നേക്കുമായി ഇരുത്തിയ ദൈവം നമ്മെയും അവനോടൊപ്പം ഇരുത്തിയിരിക്കുന്നു. ഇത് നമുക്ക് ക്രിസ്തുവിനുവേണ്ടി ജീവിക്കുന്നതിനും അവന്റെ മഹത്വത്തിനായി മരിക്കുന്നതിനും മതിയായതാണ്. അതു ദൈവം നമുക്ക് ലഭ്യമാക്കിയിരിക്കുന്നു.

c. ദൈവം യേശുവിനെ എല്ലാ സാത്താന്യശക്തിക്കും മീതെ അധികാരമുള്ളവനാക്കു വെച്ചു.

വാഴ്ച, അധികാരം, ശക്തി, കർത്തൃത്വം എന്നത് സകല സാത്താന്യ ശക്തികളെയും കുറിക്കുന്നു. പ്രപഞ്ചത്തിലെ സകല സാത്താന്യസേനകളും അതിലുൾപ്പെടുന്നു. ആകയാൽ നമ്മോടുള്ള അവന്റെ ശക്തി എല്ലാ ശക്തികളെയും പരാജയപ്പെടുത്തുവാൻ മതിയായ ശക്തിയാണ്.

കൊലോ 2:15 “വാഴ്ചകളെയും അധികാരങ്ങളെയും ആയുധവർഗ്ഗം വെപ്പിച്ചു ക്രൂശിൽ അവരുടെമേൽ ജയോത്സവം കൊണ്ടാടി അവരെ പരസ്യമായ കാഴ്ചയാക്കി.” സാത്താന്യശക്തികൾ തങ്ങളുടെ ആയുധം അടിയറ വെച്ചു കീഴടങ്ങിയ ശക്തികളാണ്. ആകയാൽ യേശു മരിച്ചവരിൽനിന്നു ഉയർത്തെഴുന്നേറ്റപ്പോൾ എല്ലാ നരകശക്തിക്കും മീതെ ഉയർത്തപ്പെട്ടു. അവയൊക്കെയും ഇന്നു പരാജയപ്പെട്ട ശത്രുവാണ്. എന്നാൽ അവയൊന്നും ഈ ലോകത്തിൽ നിന്ന് നീങ്ങി പോയിട്ടില്ല. അവനുമായുള്ള പോരാട്ടം തുടരേണ്ടിയിരിക്കുന്നു. പോരാട്ടത്തെ നേരിടുവാൻ ആവശ്യമായ ശക്തി ദൈവത്തിൽ നിന്ന് നമുക്ക് ലഭ്യമാണ്. ഈ പുനരുദ്ധാന ശക്തിയാൽ നമുക്ക് ക്രിസ്തുവിനുവേണ്ടി ജീവിക്കുവാനും കർത്താവിന്റെ മഹത്വത്തിനായി മരിക്കുവാനും നമുക്ക് സാധിക്കുന്നതാണ്.

d. യേശുവിനെ ദൈവം സഭയ്ക്കുള്ള എല്ലാത്തിനും മേൽ തലയാക്കി വെച്ചു, സർവ്വവും അവന്റെ കാൽക്കീഴിലാക്കി, അവനെ സർവ്വത്തിനും മീതെ തലയാക്കി.

ഇരുപത്തി രണ്ടാം വാക്യം വായിത്തിൽ രണ്ടു കാര്യങ്ങൾ കാണുവാൻ കഴിയും. ഉയിർത്തെഴുന്നേറ്റ കർത്താവ് സകലത്തിന്റെ മേലും കതൃത്വമുള്ളവനാണ്. താൻ സകലത്തിനും തലയാണ്. അത് അർത്ഥമാക്കുന്നത് അധികാരവും ഭരണവും നടത്തുന്നതിനുള്ള അവകാശമാണ്. സകലതും എന്നാൽ എല്ലാ ചരിത്രം, എല്ലാ മനുഷ്യവർഗ്ഗം, എല്ലാ സാത്താന്യ ശക്തികൾ, അസുഖം, ബലഹീനത, പ്രകൃതി, കാലാവസ്ഥ, കൊടുങ്കാറ്റ്, അഗ്നിപർവ്വതം, ഭൂമികുലുക്കം, വെള്ളപ്പൊക്കം, മഴ, വെയിൽ, എല്ലാ ബിസിനസ് സംരംഭങ്ങൾ, ആരോഗ്യം, സ്പോർട്സ്, കണ്ടുപിടുത്തങ്ങൾ, മീഡിയ ഇൻറർനെറ്റ്, മിലിറ്ററിശക്തി, ഗവൺമെൻറ്, രാജാക്കന്മാർ, മതങ്ങ, സോളാർ സിസ്റ്റസ്, നക്ഷത്രങ്ങൾ, ഗ്യാലക്സി, മോളിക്യൂൾസ്, ആറ്റംസ് എന്നുവേണ്ട മനുഷ്യന്റെ അറിവിൽ പെട്ട ഇപ്പോൾ ഉള്ളതും ഇനി കണ്ടുപിടിക്കാൻ ഇരിക്കുന്നതുമായ സകലത്തിന്റേയുമേൽ യേശു തലയാണ്, അധികാരമുള്ളവനാണ്, നിയന്ത്രണമുള്ളവനാണ്, ഭരണം നടത്തുന്നവനാണ്.

ഇരുപത്തിരണ്ടാം വാക്യത്തിലെ രണ്ടാമത്തെ കാര്യം സഭയുടെ സകലത്തിലും തന്നെ തലയാക്കി. എല്ലാ ശക്തിയോടും എല്ലാ അധികാരത്തോടും എല്ലാ ജ്ഞാനത്തോടും താൻ സഭയ്ക്കു തലയും നേതാവും, രക്ഷകനും, രാജാവും സുഹൃത്തും ആക്കി. മറ്റൊരു രീതിയിൽ പറഞ്ഞാൽ യേശുവിനെ ഈ നിലയിൽ ഉയർത്തിയ ദൈവത്തിന്റെ ശക്തി നമ്മുടെ പ്രയോജനത്തിനായി ദൈവം നമുക്ക് ലഭ്യമാക്കിയിരിക്കുന്നു. ഈ പുനരുത്ഥാന ശക്തി കർത്താവിനു വേണ്ടി ജീവിക്കുന്നതിനും തന്റെ മഹത്വത്തിനായി മരിക്കുന്നതിനും മതിയായതാണ്.

e).യേശു എവിടെ ഭരണം നടത്തുന്നുവൊ അവിടെ നാമം ഭരണം നടത്തും.

നാം വിശ്വാസികൾ സന്തുഷ്ടരായവർ, അവന്റെ ശരീരവും അവന്റെ സമ്പൂർണ്ണതയുമാണ്. സകലത്തിലും അവന്റെ പരിപൂർണ്ണത നിറഞ്ഞവരും ആയിരിക്കുന്നു. ക്രൂശിക്കപ്പെട്ടവനും ഉയർത്തെഴുന്നേറ്റവനുമായ യേശുക്രിസ്തുവിന്റെ അധികാരം കൊണ്ട് ഈ ലോകത്തെ നിറക്കുന്നതിനു വേണ്ടിയാണ് ദൈവം ഈ ശക്തി നമ്മുടെ പേരിൽ ലഭ്യമാക്കിയിരിക്കുന്നത്. യേശുക്രിസ്തു ഈ ഭൂമിയിൽ വാഴണം. അവന്റെ നാമം ഭൂമിയിൽ എല്ലായിടത്തും ഘോഷിക്കപ്പെടണം.

സഭ ഈ ലക്ഷ്യം നിവൃത്തിക്കണമെന്ന് താൻ ആഗ്രഹിക്കുന്നു. ആ നിറവിന്റെ മൂർത്തീഭാവമാണ് സഭ. അതായത്, അവൻ എവിടെ ഭരിക്കുന്നുവൊ അവിടെ നാമും ഭരിക്കുന്നു. നമുക്ക് ഉൽപ്പത്തി പുസ്തകത്തിലേക്കൊന്നു എത്തിനോക്കാം. ആരംഭത്തിൽ ദൈവം മനുഷ്യവർഗ്ഗത്തെ സൃഷ്ടിച്ചു. അവന് വസിക്കുവാൻ ഒരു മനോഹരമായ ഭൂമിയെ നൽകി. അതിനെ വാഴുവാനും ആസ്വദിക്കുവാനും അവന്റെ മഹത്വം അവരിൽ പ്രതിഫലിപ്പിക്കാനും വേണ്ടിയാണ് ദൈവം ഇതൊക്കെയും ചെയ്തത്.

സഭ എന്ന പുതിയ മനുഷ്യവർഗ്ഗത്തിലൂടെ താൻ ഉദ്ദേശിക്കുന്നതും ഈയൊരു ലക്ഷ്യപ്രാപ്തിയാണ്. തന്റെ മഹത്വം കൊണ്ട് സകല സൃഷ്ടിയും നിറയണം തന്നെ ശരീരമായ സഭ ഇതു നിവർത്തിക്കണം. ഈ ഒരു ലക്ഷ്യംനിവൃത്തിക്കായി ദൈവത്തിന്റെ ശക്തി നമ്മുടെ പേരിൽ വ്യാപിച്ചുകൊണ്ടിരിക്കുന്നു. ആകയാൽ ഈ പുനരുദ്ധാന ശക്തി കർത്താവിനു വേണ്ടി ജീവിക്കുന്നതിനും കർത്താവിനെ മഹത്വത്തിനായി മരിക്കുന്നതിനും മതിയായതാണ്.

ഈ വേദ ഭാഗത്തുനിന്നും മറ്റൊരു യാഥാർത്ഥ്യവും കൂടി ചൂണ്ടിക്കാട്ടി ഞാനിത് അവസാനിപ്പിക്കാം. സാത്താനും അവന്റെ കിങ്കരന്മാരും ഒരു യാഥാർത്ഥ്യമാണ്.

നാം പലപ്പോഴും അവഗണിക്കുന്ന ഒരു യാഥാർഥ്യവും പാപത്തിന്റെ അപകടകരമായ ശക്തിയെ സംബന്ധിച്ചതുമാണിത്. എന്റേയും നിങ്ങളുടെയും ജീവിതത്തിൽ കാണപ്പെടുന്ന അഹങ്കാരം എന്ന പാപം. ഇതിനെ നാം പലപ്പോഴും ഒരു പാപമായൊ, നാം പോരാടി വിജയിക്കേണ്ട ഒരു ശത്രുവാണെന്നോ ചിന്തിക്കാറില്ല. ഇത് നമ്മുടെ ജീവിതത്തിൽ, വ്യക്തിബന്ധങ്ങളിൽ പലപ്പോഴും സടകുടഞ്ഞെഴുന്നേറ്റു വരുന്നു. സാത്താനും അവന്റെ കിങ്കരന്മാരും ഒരു യാഥാർത്ഥ്യമാണ്. അവ നമ്മേ വെറുക്കുന്നു. നമ്മുടെ വിശ്വാസത്തെ വെറുക്കുന്നു. നമ്മുടെ ആരാധനയെ വെറുക്കുന്നു. നമ്മുടെ ഐക്യത്തെ വെറുക്കുന്നു, അവ നമ്മുടെ നമ്മുടെ കുടുംബ ബന്ധങ്ങളെ വെറുക്കുന്നു, നമ്മുടെ കുഞ്ഞുങ്ങളെ വെറുക്കുന്നു, സുവിശേഷവേലയെ വെറുക്കുന്നു. “വിശ്വസിക്കുന്ന നമുക്കുവേണ്ടി വ്യാപരിക്കുന്ന ദൈവത്തിന്റെ ശക്തിയുടെ അളവ് വലിപ്പം ഇന്നതെന്നു അറിയണമെന്ന് പൗലോസിന്റെ പ്രാർത്ഥനയ്ക്ക് നിങ്ങളുടെ ജീവിതത്തിൽ ഉത്തരം ലഭിക്കണമെങ്കിൽ, നിങ്ങളുടെ ആത്മാവിനായി പോരാടുന്ന, വിവാഹ ജീവിതത്തോട് പോരാടുന്ന, സഭാ ജീവിതത്തോട് പോരാടുന്ന, ഇടയ ശുശ്രൂഷയോട് പോരാടുന്ന, സുവിശേഷവേലയോടു പോരാടുന്ന സാത്താന്യ ശക്തിക്കെതിരെ ഉണരുകയും ദൈവം നമുക്ക് ലഭ്യമാക്കിയിരിക്കുന്ന ശക്തിയുടെ അളവ് വലിപ്പം നാം അനുഭവമാക്കി തീർക്കേണ്ടതും ആവശ്യമാണ്.

പാപം കുരിശിൽ പരാജയപ്പെട്ടു എന്നിരിക്കലും ഇന്നും അത് പോരാടേണ്ടുന്ന ഒന്നായി നിലനിൽക്കുന്നു. സാത്താൻ കുരിശിൽ പരാജയപ്പെട്ടു എന്നിരിക്കലും ഇന്നും പോരാട്ടം കഴിക്കേണ്ട ശക്തിയായി നിലനിൽക്കുന്നു. ഈ ഒരു പോരാട്ടത്തിൽ പൗലോസിന്റെ പ്രാർത്ഥനയ്ക്ക് നമ്മുടെ ജീവിതത്തിൽ ദൈവം ഉത്തരം നൽകേണ്ടത് ആവശ്യമാണ്. ദൈവത്തിന്റെ അളവറ്റശക്തി, ദൈവം യേശുവിനെ ഉയർപ്പിച്ച് മരണത്തിന് ശക്തിയിൽ നിന്നും വെടിവെച്ച ശക്തി, ദൈവം യേശുവിനെ തന്റെ വലതുഭാഗത്ത് ഉപവിഷ്ടനാക്കിയ ശക്തി, യേശുവിനെ എല്ലാ സാത്താന്യ ശക്തിക്കും അധികാരമുള്ളവനാക്കി വെച്ച ശക്തി, ദൈവം സഭയ്ക്കുള്ള എല്ലാത്തിനും മേൽ അധികാരം ഉള്ളവവനാക്കിവെച്ചു. സർവ്വവും അവന്റെ കാൽക്കീഴാക്കി, അവനെ സർവ്വത്തിലും മീതെ തലയാക്കിയ ശക്തി, യേശുവിനു സകലത്തേയും ഭരിക്കുവാൻ അധികാരം കൊടുത്ത ശക്തി, അങ്ങനെ നമുക്കുവേണ്ടി വ്യാപരിക്കുന്ന ദൈവത്തിന്റെ ശക്തിയുടെ അളവറ്റ വലിപ്പത്തെക്കുറിച്ച്, പുനരുത്ഥാന ശക്തിയെക്കുറിച്ച് നാം അറിഞ്ഞാൽ കർത്താവിനു വേണ്ടി ജീവിക്കുന്നതിനും അവന്റെ മഹത്വത്തിനായി മരിക്കുന്നതിനും നമുക്ക് സാധിക്കും.