4-6 വാക്യങ്ങൾ വായിക്കാം: “തന്റെ സന്നിധിയിൽ വിശുദ്ധരും നിഷ്കളങ്കരും ആകേണ്ടതിന്നു അവൻ ലോക സ്ഥാപനത്തിന് മുൻപേ നമ്മെ അവനിൽ തെരഞ്ഞെടുക്കുകയും തിരുഹിത ത്തിന്റെ പ്രസാദപ്രകാരം യേശുക്രിസ്തു മുഖാന്തരം നമ്മെ ദത്തെടുക്കേണ്ടതിന്ന് അവൻ പ്രിയനായവനിൽ നമുക്ക് സൗജന്യമായി നൽകിയ കൃപാ മഹത്വത്തിന്റെ പൂകഴ്ച യ്ക്കായി സ്നേഹത്തിൻ നമ്മെ മുന്നിയമിക്കയും ചെയ്തു വല്ലോ.” ദൈവത്തിൻറെ തെരഞ്ഞെടുപ്പിന്റെ അജയ്യമായ, പരാജയപ്പെടുത്താൻ കഴിയാത്ത ലക്ഷ്യത്തെക്കുറിച്ച് ആണ് ഈ വേദഭാഗം നമ്മോട് പറയുന്നത്. പഴയനിയമത്തിൽ ദൈവം ഒരു ജനത്തെ തനിക്കായി വേർതിരിച്ചത് അവർ ദൈവ സന്നിധിയിൽ വിശുദ്ധരും നിർമ്മലരും ആയിരിക്കേണ്ടതിനാണ് എന്ന് വായിക്കുന്നു (ലേവ്യ. 11:44). “ഞാൻ നിങ്ങളുടെ ദൈവമായ യഹോവ ആകുന്നു; ഞാൻ വിശുദ്ധനാകയാൽ നിങ്ങളും വിശുദ്ധന്മാരായിരിക്കേണം.”

പുതിയനിയമത്തിലും ഇതിനു വ്യത്യാസം വരുന്നില്ല. ഈ ലേഖനത്തിന്റെ രണ്ടാം പകുതിയിൽ 4:1 നിങ്ങളെ വിളിച്ചിരിക്കുന്ന വിളിക്ക് യോഗ്യമംവണ്ണം നടക്കേണ്ടതിന്നു” പൗലോസ് ആഹ്വാനം ചെയ്യുന്നത് കാണാം. കൊളോ 1: 22 പ്രകാരം ഭാവിയിൽ എല്ലാ വിശ്വാസികളും ദൈവമുമ്പാകെ വിശുദ്ധരും നിഷ്കളങ്കരും കുറ്റം ഇല്ലാത്തവരുമായ നിൽക്കും എന്ന് പൗലോസ് പ്രത്യാശി ക്കുന്നു. “നിങ്ങളെ അവന്റെ മുൻപിൽ വിശുദ്ധരും നിഷ്കളങ്കരും കുറ്റം ഇല്ലാത്തവരുമായ നിർത്തേണ്ടതിന്നു അവൻ ഇപ്പോൾ തന്റെ ജഡ ശരീരത്തിൽ തന്റെ മരണത്താൽ നിരപ്പിച്ചു” എന്ന് പറയുന്നു. പുതുക്കുന്ന തിനും വിശുദ്ധീകരിക്കപ്പെടുന്നതിനും ഒരു പ്രോസസ്/പ്രക്രിയ പൗലോസ് കാണുന്നുണ്ടെങ്കിലും ക്രിസ്തുവിന്റെ കാൽവരി യിലെ മരണത്തിൽ വിശ്വാസി കൾക്ക് എല്ലാവർക്കും തന്നെ വിശുദ്ധി നൽകപ്പെട്ടിരിക്കുന്നു. ആ വിശുദ്ധിയിലേക്ക് അവർ വളരണം എന്ന് പൗലോസ് ആശ്രഹിക്കുന്നു. അതുകൂടാതെ വിശ്വാസികളെ വിശുദ്ധർഎന്ന് ഒൻപത് തവണ ഈ ലേഖനത്തിൽ തന്നെ വിളിച്ചിട്ടുമുണ്ട്. അതേ, ദൈവം നമ്മെ തെരഞ്ഞെടു ത്തതിന് പ്രാഥമിക ഉദ്ദേശം നാമവന്റെ സന്നിധിയിൽ വിശുദ്ധരും നിഷ്കളങ്കരും ആയിരിക്കുക എന്നതിനാണ്.

അടുത്തത് പൗലോസ് വേദ ഭാഗത്തുനിന്ന് നമ്മോട് പറയുവാൻ ആഗ്രഹിക്കുന്നത് തന്റെ തെരഞ്ഞെടുപ്പിന്റെ അല്പംകൂടി ഉന്നതമായ ലക്ഷ്യത്തെക്കുറിച്ചാണ്.

1:5 “ക്രിസ്തു മുഖാന്തരം നമ്മെ ദത്തെടുക്കേണ്ടതിന്ന്…” സ്നേഹത്തിൽ നമ്മേ മുൻ നിയമിക്കുകയും ചെയ്തു. ദൈവത്തിന്റെ തെരഞ്ഞെടുപ്പ് എന്ന ആശയം വികസിപ്പിച്ച അതിൻറെ ലക്ഷ്യത്തെക്കുറിച്ച് പൗലോസ് വിശദീകരിക്കാനാണ് ഈ വാക്യത്തിൽ.

ആദ്യം ഈ തെരഞ്ഞെടുപ്പും മുന്നിയമനവും തമ്മിലുള്ള വ്യത്യാസമെന്ത് എന്ന് നോക്കാം. ആരെയാണ് മുൻ നിയമിക്കേ ണ്ടത് എന്നതിനുള്ള ദൈവത്തിന്റെ സ്വാതന്ത്ര്യത്തെ തെരഞ്ഞെടുപ്പ് എന്ന് വിളിക്കാം. മുന്നിയമനം താൻ തെരഞ്ഞെടു ത്തതിന്റെ ലക്ഷ്യം അഥവാ തിരഞ്ഞെടുക്ക പ്പെട്ടവരുടെ ഭാവി എന്തായിത്തീരും എന്നതിനെ കാണിക്കുന്നു. “മുന്നിയമനം” എന്ന വാക്കിൻറെ അർത്ഥം മുന്നേ നിശ്ചയിക്കുക തീരുമാനിക്കുക എന്നാണ്. താൻ തിരഞ്ഞെടുത്തവർ ഭാവിയിൽ എന്തായി ത്തീരണം എന്ന ദൈവത്തിന്റെ തീരുമാനത്തെ അത് കാണിക്കുന്നു. എന്നാൽ ഈ തെരഞ്ഞെടുപ്പും മുന്നിയമനവും ഒരേ സമയത്ത് സംഭവിച്ച കാര്യമാണ്.

ദൈവം നമ്മെ തെരഞ്ഞെടുത്തപ്പോൾ ദൈവത്തിനു ഒരു ഉദ്ദേശമുണ്ടായിരുന്നു. ആ ലക്ഷ്യം യഥാർത്ഥമായ തീരണം എന്ന് താൻ മുന്നമേ തീരുമാനിച്ചു. നമ്മുടെ തെരഞ്ഞെടുപ്പിന്റെ ഉദ്ദേശ്യം നാം അവന്റെ മക്കളായി തീരണം. നാം അവന്റെ കുടുംബത്തിലെ ഒരു അംഗമായി തീരണം. ദൈവത്തിന്റെ ഭവനത്തിലെ അംഗങ്ങളുടെ സ്വഭാവം നാം സ്വീകരിക്കണം. അവന്റെ എല്ലാ സമ്പത്തിനും നാം അവകാശമായി തീരണം.

അത് അവിടംകൊണ്ടും അവസാനിക്കുന്നില്ല ദൈവം ക്രിസ്തുവിൽ നമ്മെ തിരഞ്ഞെടുത്തു എന്ന് മാത്രമല്ല തന്നോട് തന്നെയുള്ള ബന്ധത്തിലേക്ക് നമ്മെ കൊണ്ടുവരണമെന്ന് അവിടുന്ന് ആഗ്രഹിച്ചു. ഈ ബന്ധത്തെ വിശദീകരിക്കാനാണ് “ദത്തെടുക്കുക” എന്ന വാക്ക് ഉപയോഗി ച്ചിരിക്കുന്നത്. ദത്തെടുത്തു എന്ന പ്രയോഗത്തിൽ നിന്നും രണ്ടു കാര്യങ്ങൾ നമുക്ക് ഗ്രഹിക്കാം. ഒന്ന്, പിതാവായ ദൈവവുമായുള്ള നമ്മുടെ അടുത്ത ബന്ധം. രണ്ട്, ദൈവത്തിന്റെ ഈ തീരുമാനം സ്നേഹമുള്ള ഒരു ഹൃദയത്തിൽനിന്ന് വന്നിരിക്കുന്നു.

ദൈവത്തിന്റെ ഈ തെരഞ്ഞെടുപ്പ് യാതൊരു ഉപാദിയൊ മനുഷ്യന്റെ ഏതെങ്കിലും നന്മയെ കണ്ടുകൊണ്ടോ ആയിരുന്നില്ല എന്ന വാദത്തെ പിന്താങ്ങുന്നു. റോമൻ നിയമമനുസരിച്ച് ദത്തെടുക്കുന്നവർക്ക് സ്വാഭാവിക മക്കളുടെ എല്ലാ അധികാരാവകാശങ്ങൾ ലഭിക്കുന്നു എന്ന് മാത്രമല്ല , സ്വന്ത പിതാവിന്റെ നിയന്ത്രണത്തിൽ നിന്ന് വിടുതലും ലഭിക്കുന്നു. താൻ ദത്തെടുക്കപ്പെട്ട കുടുംബത്തിന്റെ പേരിനും പദവിക്കും അവകാശത്തിനും യോഗ്യനായി തീരുന്നു. യേശുക്രിസ്തു വിനോടുള്ള ബന്ധത്തിൽ ദത്തവകാശത്തിൽ പങ്കാളിയാവുകയും യഥാർത്ഥ മക്കൾ ആയിത്തീരുകയും ചെയ്യുന്നു. സ്നേഹത്തിന്റെ അടിസ്ഥാനത്തിലുള്ള ഈ മുൻ നിയമനം തന്റെ ജനത്തെ തന്റെ മഹത്വകരമായ അവകാശമായി കാണുന്നു എന്ന ആശയത്തെ അരക്കിട്ടുറപ്പിക്കുന്നു (1 : 18).

ലോകത്തിലെ ഏറ്റവും ദുഃഖകരമായ ഒരു തോന്നൽ ജീവിതം ഒരിടത്തും എത്തുന്നില്ല. ജീവിച്ചിട്ട് എന്താകാര്യം എന്നൊക്കെ ചിന്തിക്കുന്നതാണ്. ഉദാഹരണത്തിന് നിങ്ങൾ ഒരു നല്ല സ്വപനം കാണുന്നു. അതിൽ നിങ്ങൾ എന്തോ വളരെ പ്രാധാന്യമുള്ള വിലയേറിയ എന്തെങ്കിലും ഒരു ഭാഗമായിരിക്കുന്നു നിങ്ങൾക്ക് ഇപ്പോൾ വളരെ അഭിമാനവും ഉത്സാഹം തോന്നുന്നു എന്നാൽ പെട്ടെന്ന് നിങ്ങൾ ആ സ്വപ്നത്തിൽ നിന്നുണരുന്നു. നിങ്ങൾ കണ്ടതെല്ലാം കേവലം സ്വപ്നങ്ങൾ മാത്രം അതിൽ യാതൊരു കഴമ്പുമില്ല എന്ന് കാണുമ്പോൾ എന്തൊരു നിരാശയായിരിക്കും ഉണ്ടാകുക. കാരണം നിങ്ങൾ സ്വപ്നത്തിൽ കണ്ടതുപോലെ കാര്യങ്ങൾക്ക് യാതൊരു വ്യത്യാസവും വന്നിട്ടില്ല, എല്ലാം പഴയതുപോലെ വളരെ ദയനീയമായ അവസ്ഥയിൽ തുടരുന്നു. എന്നാൽ നാം സൃഷ്ടിക്കപ്പെട്ടത് ഒരു ഭാവിയില്ലാത്തവരായിട്ടല്ല. നാം അർത്ഥപൂർണ്ണവും മഹനീയമായ ഒരു ഭാവിയുള്ളവർ ആയിട്ടാണ് സൃഷ്ടിക്കപ്പെട്ടത്. യേശുക്രിസ്തുവിൽ വിശ്വസിക്കു കയും അവനെ തന്റെ രക്ഷകനും യജമാനനും പ്രത്യാശയുമായി കാണുന്ന ഒരു വ്യക്തിയെ സംബന്ധിച്ചിട ത്തോളം ഒരു സുന്ദര മായ മഹത്തരമായ ഭാവി നിങ്ങൾക്കുണ്ടെന്ന് നിങ്ങളുടെ ഹൃദയത്തിൽ അരക്കിട്ടു ഉറപ്പിക്കുവാൻ ഞാൻ ആഗ്രഹിക്കുന്നു.

നമ്മുടെ വർത്തമാനകാല ജീവിതവും, നല്ലതും മഹത്വകരമായ ഭാവിയും തമ്മിലുള്ള ബന്ധം നഷ്ടപ്പെടുമ്പോൾ നമ്മുടെ മുന്നിൽ മൂന്നു തെരഞ്ഞെടുപ്പുകൾ ആണുള്ളത്

1. എനിക്ക് എന്നെ തന്നെ കൊല്ലാം. അല്ലെങ്കിൽ
2. എന്നെ മദ്യ-മയക്കുമരുന്ന്, ടെലിവിഷൻ പരിപാടികൾ, കമ്പ്യൂട്ടറിന്റെ മുന്നിലിരുന്നൊ, പോർണോഗ്രാഫിയിലൊ, മറ്റെങ്കിലും കളികളിൽ മുഴുകിയൊ ആലസ്യത്തോടെ ജീവിതം തള്ളി വിടാം.
3. അതുമല്ലെങ്കിൽ നമ്മുടെ വർത്തമാന കാല ജീവിതവും മഹത്വകരമായ ഭാവിയു മായുള്ള ബന്ധം സ്ഥാപിച്ചുകൊണ്ട് സത്യമായ ഒരു ഭാവിക്കുവേണ്ടി നമുക്ക് ജീവിക്കാം.

ഒരു നാസി കോൺസൻട്രേഷൻ ക്യാമ്പിൽ രണ്ടാംലോകമഹായുദ്ധകാലത്ത് തടവിലാക്കപ്പെട്ട ജയിൽ പുള്ളികളെ കൊണ്ട് ഓക്കാനം ഉളവാക്കുന്ന ഓടയിലെ ഒഴുകുന്ന മലിനജലം സംസ്കരണ പ്ലാന്റിൽ നിർബന്ധമായി ജോലി ചെയ്യിപ്പിച്ചിരുന്നു. ജയിൽ പുള്ളികളെ സംബന്ധിച്ചിടത്തോളം ഇത് അസഹനീയവും മടുപ്പുളവാക്കുന്നതുമായ ഒരു ജോലി ആയിരുന്നെങ്കിലും ഇതൊരു ജോലിയായിരുന്നു അതിലൂടെ ഒരു കാര്യം അവർ നിവർത്തിച്ചിരുന്നു എന്ന സംതൃപ്തി അതിൽ നിന്ന് അവർക്കു ലഭിച്ചിരുന്നു. എന്നാൽ യുദ്ധവേളയിൽ എതിരാളികളുടെ ബോംബിങ്ങിൽ ഈ പ്ലാൻറ് തകർന്നപ്പോൾ ജയിൽ വാർഡർമാർ ജയിൽ പുള്ളികളെ കൊണ്ട് ജോലി ചെയ്യിക്കാൻ വേണ്ടി മറ്റൊരു ജോലി കണ്ടുപിടിച്ചു. ഒരു ഷവൽ ഉപയോഗിച്ച് മണ്ണ് വാരി ഒരുപിടി വണ്ടിയിൽ നിറയ്ക്കുക. അത് ആ പ്ലാന്റിന്റെ മറുവശത്ത് കൊണ്ട് ഇടുക. പിറ്റേദിവസം അത് അവിടെ നിന്നും വാരി വണ്ടിയിൽ കയറി ആദ്യം മണ്ണെടുത്ത സ്ഥലത്ത് കൊണ്ട് ഇടുക. ഈ പരിപാടി ദിവസങ്ങളോളം തുടർന്നു. കുറേ ദിവസം പിന്നിട്ടപ്പോൾ ഒരു പ്രായമുള്ള മനുഷ്യൻ യാതൊരു ലക്ഷ്യമില്ലാത്ത ഈ ജോലിയിൽ മടുപ്പുതോന്നി ഇരുന്നു വിലപിക്കാൻ തുടങ്ങി. അയാളെ ഗാർഡുകൾ വലിച്ചിഴച്ചു. പിന്നീട് മറ്റൊരുവൻ ഇതുപോലെ കരയുവാൻ തുടങ്ങിയപ്പോൾ അവർ അയാളെ തല്ലി നിശബ്ദനാക്കി. മൂന്നുകൊല്ലം ഇതു സഹിച്ചങ്ങനെ മുന്നോട്ടു പോയ ഒരു ചെറുപ്പക്കാരൻ ഈ ജയിൽ പുള്ളികളുടെ കൂട്ടത്തിൽ നിന്നും എങ്ങനെയും രക്ഷപ്പെടുവാൻ വേണ്ടി ആ കൂട്ടം വിട്ട് ഓടി. അയാൾ ഓടിയത് കറണ്ട് പാസ് ചെയ്തു കൊണ്ടിരിക്കുന്ന ഒരു കമ്പി വേലിയിലേക്ക് ആയിരുന്നു. ഇത് കണ്ട് ഗാർഡുകൾ അയാളോട് ഓട്ടം നിർത്താനായി വിളിച്ചു കൂവി. മറ്റ് ജയിൽ പുള്ളികളും അയാളോടും ഓട്ടം നിർത്തുവാൻ ഉച്ചത്തിൽ വിളിച്ചു പറഞ്ഞു. എന്നാൽ ആ മനുഷ്യൻ തന്റെ ഓട്ടം നിർത്തിയില്ല. അയാൾ ഇലക്ട്രിക് വേലിയിൽ പതിച്ച് കത്തി ചാമ്പലായി. നിമിഷങ്ങൾക്കുള്ളിൽ ആ ശരീരം ഒരു കറുത്ത പുകയായി മുകളിലേക്കുയർന്നു.

പിന്നീടുള്ള ദിവസങ്ങളിൽ ജയിൽ പള്ളികളിൽ പലരുടെയും മാനസികനില തകരാറിലാവുകയും ചിലർ അവരെ വിട്ട് ഓടിയതിനാൽ ഗാർഡുകളുടെ തോക്കിന് ഇരയാകുകയോ ഇലക്ട്രിക് വേലിയിൽ തട്ടി കത്തിക്കരിയുകയൊ ചെയ്യുകയുണ്ടായി. ഈ ജയിൽ പുള്ളികളെ യാതൊരു ലക്ഷ്യവുമില്ലാതെ യാതൊരു പൂർത്തീകരണവും ഇല്ലാതെ ജീവിക്കാൻ നിർബന്ധിച്ചതിനാലാണ് അവർക്ക് ഈ ഒരു ദുരവസ്ഥ സംജാതമായത് .

നാം ലക്ഷ്യമുള്ള, പ്രാധാന്യമുള്ള, മഹത്വമുള്ള ഒരു ഭാവിക്കുവേണ്ടി ജീവിക്കുവാൻ സൃഷ്ടിക്കപ്പെട്ടവരാണ്. ‘ഭാവി’ എന്ന വാക്ക് ഞാൻ ഉപയോഗിച്ചത് എന്നും മനുഷ്യഹൃദയത്തിന് ദയനീയമായ കരച്ചിലിനെ കാണിക്കുന്ന മുന്നിയമനത്തോടു ബന്ധിക്കുന്നതിനു വേണ്ടിയാണ്.

ദൈവം മനോഹരമായ, മഹത്വകരമായ ഒരു ഭാവിക്കുവേണ്ടി ആണ് നമ്മെ തെരഞ്ഞെടുക്കുകയും മുന്നിയമിക്കുകയും ചെയ്തത്. ആകയാൽ തന്റെ തെരഞ്ഞെടുപ്പിന്റെ ആത്യന്തിക ലക്ഷ്യം നമ്മെ അവന്റെ മക്കൾ ആക്കി തീർക്കുക എന്നതാണ്. ദൈവം തന്റേതായി വേർതിരിക്കുന്ന ജനത്തിൽ സന്തോഷിക്കുന്നതിനും പ്രമോദം കണ്ടെത്തുന്നതിനു വേണ്ടിയാണ് അവൻ നമ്മെ തെരഞ്ഞെടുത്തിരിക്കുന്നത്. ദൈവത്തിന്റെ ഈ വലിയ ലക്ഷ്യം നമ്മുടെ ഹൃദയങ്ങളിൽ ആഴത്തിൽ പതിയട്ടെ.

നാം ജീവിക്കുന്നത് യാതൊരു അർത്ഥമോ ലക്ഷ്യമൊ ഇല്ലാതെയുള്ള ജീവിതത്തിനു വേണ്ടി അല്ല. നമുക്ക് മഹത്വകര മായ ഒരു ഭാവിയുണ്ട് നമ്മെ കുറിച്ച് ദൈവത്തിന് ഒരു ലക്ഷ്യമുണ്ട് ആ ലക്ഷ്യം മുൻനിർത്തി അവിടുന്ന് പ്രവർത്തിച്ചു കൊണ്ടിരിക്കുന്നു. അതിനോടു സഹകരിച്ചു കൊണ്ട് നമുക്ക് മുന്നോട്ട് പോകാം. അതുകൊണ്ടാ യിരിക്കണം പൗലോസ് തെരഞ്ഞെടുപ്പ് എന്ന വിഷയത്തിന് ഇത്രയും നൽകുകയും തന്റെ വായനക്കാർക്ക് ഈ സത്യം ശുപാർശ ചെയ്യുകയും ചെയ്യുന്നത്.

ഇനി നമുക്ക് എഫെസ്യ ലേഖനത്തിന്റെ ഉദ്ദേശത്തോടെ ബന്ധപ്പെടുത്തി ഇതിനെ ഒന്നു വിശകലനം ചെയ്യാം. മുന്നമെ ജ്യോതിഷം മന്ത്രവാദം അർത്തമിസ് ദേവിയെ ആരാധിക്കൽ, എന്നിങ്ങനെയുള്ള ബന്ധനത്തിൽ കിടന്നവരെ അതിന്റെ ഭയത്തിൽ നിന്നും മോചിപ്പിക്കുക. അവരുടെ പഴയ രീതികൾ വിട്ടു മാറിയാൽ, അവയുടെ ഉപദ്രവം തങ്ങൾക്ക് ഉണ്ടാകുമോ എന്ന ഭയത്തിൽ നിന്നും അവരെ വിടുവിക്കുക. അതായത് മുൻപ് തങ്ങൾ ഏത് പിതാവിന്റെ ബന്ധനത്തിൻ ആയിരുന്നു വൊ, ആ പിതാവിന്റെ എല്ലാ നിയന്ത്രണത്തിൽ നിന്നും വിടുവിക്കപ്പെട്ട് ദൈവത്തിന്റെ ദത്തുപുത്രന്മാരും പുത്രികളും ആയിത്തീർന്നിരിക്കുന്നു. ഇന്നവർ അവയെക്കാൾ ശക്തനായ ദൈവത്തിന്റെ സംരക്ഷണയിൻ കീഴിൽ ആയിരിക്കുന്നു.

നേരത്തെ ദുഷ്ടാത്മസേനകളുടെ ദോഷങ്ങളിൽ നിന്നും മോചനം നൽകാം എന്ന നിലയിൽ പരിഹാരക്രിയകളൊ, ജപിച്ചു കെട്ടുകയോ അതിന്റെ പേരിൽ മന്ത്രവാദികളുടെ പണം നട്ടലൊ അനുഭവിച്ചിരുന്നതായ ആളുകളെ സംബന്ധിച്ച് പൗലോസിന്റെ പഠിപ്പിക്കൽ ശ്രദ്ധേയവും ഹൃദയസ്പർശിയുമായിരുന്നു. അവരുടെ ഭാവി ആകാശത്തെ വാഴുന്ന ദുഷ്ടശക്തികളുടെ കയ്യിലല്ല ഇരിക്കുന്നത്. അവരുടെ ഭാവിയും നിത്യതയും തന്നോട് ബന്ധത്തിൽ ആയിരിക്കുവാൻ തെരഞ്ഞെടുത്ത ദൈവത്തിന്റെ കരങ്ങളിലാണ് ഇരിക്കുന്നത്. ഈ ദുഷ്ടാത്മ സേനകൾ ഉണ്ടാകുന്നതിനു മുന്നമെ ഉണ്ടായിരുന്ന സത്യ ദൈവത്തിന്റെ കരങ്ങളിലാണ് അവരുടെ ഭാവി ഇരിക്കുന്നത്. ക്രിസ്തുവിലൂടെ യുള്ള തെരഞ്ഞെടുപ്പിനാലും ദൈവമായി ഒരു സജീവ ബന്ധ ത്തിൽ ആയിരിക്കുന്നതിനാലും അവർക്ക് ഈ ദുഷ്ടാത്മ സേനകളെ ഭയപ്പെടേണ്ട ആവശ്യമില്ല. അവരുടെ ഭാവി ഭദ്രവും അനുഗ്രഹിക്കപ്പെട്ടതുമാണ്

5-നാം വാക്യത്തിന്റെ അവസാനഭാഗം ദൈവത്തിന്റെ തെരഞ്ഞെടുപ്പിന്റേയും മുന്നിയമനത്തിന്റെ അടിസ്ഥാനത്തെ കുറിച്ചുമാണ് ഈ വാക്യം നമ്മോട് പറയുന്നത്. ദൈവത്തിന്റെ മുന്നിയമനം ഏതെങ്കിലും നിർവികാരതയിലൊ വിരക്തിയോ ടേയൊ തന്നെ പിതാവ് തന്റെ പരമാധികാരത്തിൽ ഒരു ഉത്തരവു പുറപ്പെടുവിക്കുന്നു എന്ന നിലയിലൊ അല്ല. താൻ തെരഞ്ഞെടുത്തവരിൽ പ്രമോദിച്ചും അവരോട് ദയവോടെ ഒരു ചായ് വ് കാണിച്ചും കൊണ്ടാണ്. തന്റെ പ്രവർത്തിയുടേയും തീരുമാനത്തിന്റേയും അടിസ്ഥാനം തന്റെ ഹൃദയത്തിൽ തോന്നിയ സന്തോഷവും പ്രമോദവുമാണ്. ഇത് മനുഷ്യന്റെ സൽ പ്രവർത്തിയെയൊ അവന്റെ മതാനുഷ്ഠാനത്തിലെ തീഷ്ണതയൊ നോക്കിയല്ല. തന്റെ ഹൃദയത്തിൽ തോന്നിയ തോന്നിയ സന്തോഷവും പ്രമോദവുമാണ് ദൈവത്തെ ഈ തെരഞ്ഞെടുപ്പിനു പ്രേരിപ്പിച്ചത്.