അപ്പോൾ പിന്നെ എങ്ങനെയാണ് ആളുകളെ നുണ പറയരുത്, മോഷ്ടിക്കരുത് എന്നൊക്കെ പഠിപ്പിക്കുന്നത് എന്നു ചോദിച്ചേക്കാം? അതിനുള്ള ഒരു മാതൃകയാണ് പൗലോസ് എഫേസ്യാലേഖനത്തിന്റെ 4-ാം അദ്ധ്യായത്തിന്റെ 22 മുതലുള്ള വാക്യങ്ങളിൽ നൽകുന്നത്.

പൗലോസ് ഇതെങ്ങനെയാണ് ചെയ്യുന്നത് എന്നു നോക്കാം? എഫേസ്യ ലേഖനത്തിന്റെ ആദ്യത്തെ മൂന്നു അദ്ധ്യായങ്ങൾ, വളരെ ആഴമായ, ദൈവകേന്ദ്രീകൃതമായ ഉപദേശങ്ങളിലാണ് പൗലോസ് ആരംഭിക്കുന്നത്. ആളുകൾ പറയാറുണ്ട് എന്തിനാ കൂടുതൽ ഉപദേശങ്ങൾ ഒക്കെ പഠിക്കുന്നത്. അങ്ങോട്ട് നന്നായി ജീവച്ചാൽ പോരെ എന്ന്. എന്നാൽ പൗലോസ് അതിനോട് ഒട്ടും യോജിപ്പുള്ളവനല്ല. അങ്ങനെയായിരുന്നെങ്കിൽ നന്നായി ജീവിക്കുവാനുള്ള പത്തോ, നൂറോ കൽപ്പനകൾ അങ്ങനെ അക്കമിട്ട് എഴുതി തന്നാൽ മതിയായിരുന്നു. അതല്ലെങ്കിൽ യേഹൂദന്മാരുടെ Talmud പറയുന്ന 613 (248 + വും 365-വും) The Talmud tells us (Tractate Makkot 23b) that there are 613 commandments in the Torah; 248 Positive Commandments (do's) and 365 Negative Commandments (do not's).കൽപ്പനകൾ അനുസരിച്ചാൽ മതിയായിരുന്നു. അങ്ങനെ ആയിരുന്നെങ്കിൽ, എഴുതുന്നവർക്കും വായിക്കുന്നവർക്കും കേൾക്കുന്നവർക്കും ഒക്കെ അതു വളരെ സൗകര്യമാകുമായിരുന്നു.

ഒരു ജോൺ പൈപ്പർ എന്ന ദൈവദാസൻ അതിനെക്കുറിച്ച് പറഞ്ഞത് “Theology is not optional or toy. It is intensely practical. വേദശാസ്ത്രം ഒരൂ കളിപ്പാട്ടമൊ ഐച്ഛിക വിഷയമൊ അല്ല. അത് ആഴമേറിയ പ്രായോഗികത ഉൾക്കൊള്ളുന്നതാണ്. എന്റെ ദൈവത്തെക്കുറിച്ചുള്ള കാഴ്ചപ്പാടാണ്, ഞാൻ എങ്ങനെയാണ് ഒരോ ദിവസവും ജീവിക്കേണ്ടത് എന്ന് നിശ്ചയിക്കുന്നത്. എഫേസ്യലേഖനമായാലും റോമാലേഖനമായാലും ആദ്യം വേദശാസ്ത്രം പിന്നെ അതിന്റെ ഫ്രൂട്ടായി വരുന്ന പ്രായോഗികത. അതാണ് പൗലോസിന്റെ രീതി. മറ്റൊരു രീതിയിൽ പറഞ്ഞാൽ, താൻ Imperative mood ലേക്കു കടക്കുന്നതിനു മുന്നമെ indicative mood ൽ, ദൈവം ആരാകുന്നു, നിങ്ങൾ ആരായിരുന്നു, ഇപ്പോൾ നിങ്ങൾ ആരായിരിക്കുന്നു. നിങ്ങളിൽ വ്യാപരിച്ചുകൊണ്ടിരിക്കുന്ന ശക്തിയെക്കുറിച്ചുമൊക്കെ പറഞ്ഞിട്ടാണ്, നിങ്ങൾ എങ്ങനെയാണ് ഇനി മുന്നോട്ടു പോകേണ്ടത്, ജീവിക്കേണ്ടത് എന്നു പറയുന്നത്.
ഇവിടെ അതായത്, എഫേസ്യർ 4:22-24 വാക്യങ്ങളിൽ അപ്പോ. പൗലോസ്, എല്ലാ ക്രിസ്തീയ-അനുസരണത്തിനും ഉള്ള ഒരു വേദശാസ്ത്രപരമായ മോഡൽ നൽകുന്നു. ആ മോഡൽ പ്രകാരമാണ് ക്രിസ്തീയ അനുസരണം വിശ്വാസികളിൽ ഉരുവായി വരേണ്ടത്. ആ മോഡൽ എന്താണ് എന്ന് മുൻപിലത്തെ രണ്ടു പ്രസംഗങ്ങളിൽ നിങ്ങളോടു പറയുകയുണ്ടായി. ആ മോഡൽ ഇതാണ്:


4:22 മുൻപിലത്തെ നടപ്പു സംബന്ധിച്ചു ചതിമോഹങ്ങളാൽ വഷളായിപ്പോകുന്ന പഴയ മനുഷ്യനെ ഉപേക്ഷിച്ച്

4:23 "നിങ്ങളുടെ ഉള്ളിലെ ആത്മാവു സംബന്ധമായി പുതുക്കം പ്രാപിച്ചു

4:24 സത്യത്തിന്റെ ഫലമായ നീതിയിലും വിശുദ്ധിയിലും ദൈവാനുരൂപമായി സൃഷ്ടിക്കപ്പെട്ട പുതുമനുഷ്യനെ ധരിച്ചുകൊൾവിൻ. "

22 ലെ പഴയമനുഷ്യൻ, ഭോഷ്ക്കിൽ നിന്നു വരുന്ന മലിനമായ ആഗ്രഹങ്ങളാൽ, നയിക്കപ്പെടുന്ന വ്യക്തിയാണ്. അവൻ ചതിമോഹങ്ങളാൽ മലിനപ്പെട്ട വ്യക്തിയാണ്. അങ്ങനെയുള്ള മനുഷ്യനിൽ നിന്ന് ദൈവപ്രസാദകരമായ യാതൊന്നും പ്രതീക്ഷിക്കേണ്ടതില്ല. ആ മനുഷ്യൻ ദൈവാത്മാവിനാൽ പുതിയ മനുഷ്യനായി തീരണം. സത്യത്തെ അടിസ്ഥാനമാക്കി, നീതിയും വിശുദ്ധിയും ഉള്ള പുതിയ മനുഷ്യനായി തീരണം. അങ്ങനെയുള്ള പുതിയ മനുഷ്യൻ, മരണത്തിൽ നിന്ന് അകന്നവനും, ജീവൻ പ്രാപിച്ചവനും, ദൈവത്താൽ സൃഷ്ടിക്കപ്പെട്ടവനുമാണ്.

ഈ പുതിയ മനുഷ്യൻ എന്നു പറയുന്നത്, പഴയമനുഷ്യന്റെ പുറമൊക്കെയൊന്നു മിനുക്കി, പഴയതിനേക്കാൾ അൽപ്പം മെച്ചപ്പെടുത്തി എടുത്ത മനുഷ്യനല്ല. നിക്കോദേമോസിനോടു കർത്താവ് പറഞ്ഞു നീ വീണ്ടും ജനിക്കണം എന്ന്. അതായത്, അവൻ പുകവലിയൊ മദ്യപാനമൊ നിർത്തി, ഇനി ഞാൻ മെച്ചപ്പെടാൻ തീരുമാനിച്ചിരിക്കുന്നു എന്ന് പറഞ്ഞ് കേവലം ചില ബാഹ്യമായ വ്യതിയാനം വരുത്തിയ വ്യക്തിയല്ല എന്ന് സാരം. ഹൃദയത്തിൽ രൂപാന്തരം വന്ന വ്യക്തിയെയാണ് അതുകൊണ്ട് ഉദ്ദേശിക്കുന്നത്.

അവന്റെ ഹൃദയം/ മനസ് ആദ്യം പുതുക്കം പ്രാപിക്കണം. റോമാലേഖനത്തിന്റെ ആദ്യത്തെ 11 അദ്ധ്യായങ്ങൾ മനുഷ്യന്റെ അവസ്ഥയെക്കുറിച്ചും അവന്റെ ഏക പ്രത്യാശ എന്നത് വിശ്വാസത്താലുള്ള നീതികരണമാണ് എന്ന് പറഞ്ഞതിനുശേഷമാണ് താൻ പ്രായോഗികതയിലേക്ക് കടക്കുന്നത്. അങ്ങനെ താൻ പ്രവേശിക്കുമ്പോൾ താൻ പറയുന്നത് എന്താണ് : Be renewed in the spirit of your mind. “നിങ്ങളുടെ ആത്മാവു സംബന്ധമായി പുതുക്കം പ്രാപിക്കുക”

അങ്ങനെ ആത്മാവിനാൽ പുതുക്കം പ്രാപിച്ച ഹൃദയത്തിൽ നിന്ന് / മനസ്സിൽ നിന്നാണ്, പുതിയ മനോഭാവങ്ങളും, പുതിയ വികാരങ്ങളും, പുതിയ ശീലങ്ങളും പുറത്തു വരേണ്ടത്. ഹൃദയത്തിനു മാറ്റമില്ലാതെ, ചില തീരുമാനങ്ങളുടെ വെളിച്ചത്തിലാണ് അവൻ ചില ദുശീലങ്ങളെ ഉപേക്ഷിക്കുന്നത് എങ്കിൽ അത് സ്ഥായിയായി നിലനിക്കുകയില്ല. അവൻ മദ്യം പതഞ്ഞുപൊന്തുന്നതിന്റെ പരസ്യം കണ്ടാൽ അവൻ അവിടെ വീഴും.. ഓ ഞാൻ ഇന്നടുത്ത് പോയത് ആരും കണ്ടില്ല, ഭാഗ്യം, ഇതായിരിക്കും അവന്റെ മനസ്സിലിരുപ്പ്.

എന്തുകൊണ്ടാണ് യേശു തന്റെ പരസ്യശുശ്രൂഷ വേളയിൽ പരീശന്മാരേയും ശാസ്ത്രിമാരേയും ഇത്ര കഠിനമായ ശാസനക്ക് വിധേയരാക്കിയത്? അവർ ജനത്തിനു മുൻപിൽ പല കല്പനകളും അനുസരിക്കുന്നവരും ദൈവവചനത്തിന്റെ വലിയ വക്താക്കളുമൊക്കെ ആയിരുന്നു. എന്നാൽ കർത്താവ് അവരെ ഒട്ടും അംഗീകരിച്ചുകൊടുത്തതായി സുവിശേഷത്തിലെങ്ങും നാം വായിച്ചുകാണുന്നില്ല. അവരുടെ നല്ല ഹൃദയത്തിൽ നിന്നായിരുന്നില്ല അവർ അതൊക്കേയും ചെയ്തിരുന്നത്. അവരായിരുന്നു യേശുക്രിസ്തുവിനെ ഏറ്റവും വെറുത്തിരുന്നതും. നല്ല വൃക്ഷത്തിൽ നിന്നാണ് നല്ല ഫലം വരേണ്ടത്. വൃക്ഷം നല്ലതെങ്കിൽ അതിന്റെ ഫലവും നല്ലത്, ഹൃദയം നിറഞ്ഞു കവിയുന്നതിൽ നിന്നല്ലൊ വായ് സംസാരിക്കുന്നത് എന്നൊക്കെ കർത്താവ് പറഞ്ഞത് ഈയൊരു അർത്ഥത്തിലാണ്. ശുദ്ധഹൃദയത്തിൽ നിന്നും നിർമ്മലമായ മനസാക്ഷിയിൽ നിന്നും വരുന്ന നല്ല വാക്കുകളും, മനോഭാവങ്ങളും, പെരുമാറ്റങ്ങളുമാണ് ഒരു വിശ്വാസിക്ക് ആവശ്യമായിരിക്കുന്നത്. അതല്ലാതെ കേവലം ചില കൽപ്പനകളുടെ അനുസരണമല്ല. ക്രിസ്തീയ ധാർമ്മികത ആന്തരികമായി നടന്ന ഒരു അത്ഭുതത്തിന്റെ അനുഭവമാണ്. എന്നാൽ നിമിഷംപ്രതിയുള്ള ജീവിതം ബോധപൂർവ്വമായ തെരഞ്ഞെടുപ്പും ഉൾപ്പെടുന്നു. ആ തെരഞ്ഞെടുപ്പുകൾ, വഞ്ചനയാലല്ലാതെ, സത്യത്തിന്റെ പാതയിൽ ഉള്ളതായിരിക്കണം. ഈ തെരഞ്ഞെടുപ്പുകളാണ് നല്ല ഫലമായി വൃക്ഷത്തിന്റെ മൂല്യത്തെ വിലയിരുത്തുന്നത്. അവയാണ് ഹൃദയത്തിന്റെ സമൃദ്ധിയെ കാണിക്കുന്ന വാക്കുകളായി പുറത്തുവരുന്നത്. ശുദ്ധിയുള്ള ഹൃദയത്തിൽ നിന്നു പുറത്തുവരുന്ന, ഉള്ളിലെ നീരുറവയാണ്, നിങ്ങളുടെ വിളിയേയും തെരഞ്ഞെടുപ്പിനേയും ഉറപ്പിക്കുന്ന അനുസരണമായി വെളിപ്പെടുന്നത്. “അതുകൊണ്ടു സഹോദരന്മാരെ നിങ്ങളുടെ വിളിയും തിരഞ്ഞെടുപ്പും (രക്ഷ) ഉറപ്പാക്കവാൻ അധികം ശ്രമിപ്പിൻ” എന്ന് പത്രോസ് അപ്പോസ്തലൻ 2 പത്രോസ് 1:10 ഓർപ്പിക്കുന്നത് അതുകൊണ്ടാണ്. ഇവിടെ പ്രശ്നമുണ്ടെങ്കിൽ അതു ഗൗരവമായ പ്രശ്നം തന്നെയാണ്.

അതുകൊണ്ട് അപ്പൊസ്തലനായ പൗലോസ്, ക്രിസ്തീയ അനുസരണം പ്രായോഗികത തലത്തിൽ കൊണ്ടുവരാൻ എങ്ങനെ കഴിയുമെന്നതിനെ സംബന്ധിച്ച് ചില ഉദാഹരണങ്ങൾ 25 മുതൽ 27 വരെ വാക്യങ്ങളിൽ നൽകുന്നു. ഒന്നാമത്തെ ഉദാഹരണം 25 ലെ “ഭോഷ്ക്കു പറയാതെ സത്യം സംസാരിപ്പിൻ” എന്നതാണ്. രണ്ടാമത്തേത്, 26-27 വാക്യങ്ങളിലെ “പകയോടുകൂടിയ കോപം വെച്ചു കൊണ്ടിരിക്കരുത്” എന്ന കാര്യമാണ്. അതിനെ ക്കുറിച്ച് ഞാൻ മുന്നമെ നിങ്ങളോടു പറഞ്ഞതാണ്. മൂന്നാമത്തേത് 28-ാം വാക്യത്തിലെ “മോഷ്ടിക്കരുത്, ജോലി ചെയ്യുക കൊടുക്കുക” എന്നുള്ളതാണ്. അങ്ങനെ താൻ ഓരോന്ന് പറഞ്ഞ് മുന്നോട്ടു പോകുന്നു.

ഈ കൽപ്പനകളെ നാം പഠിപ്പിക്കുമ്പോൾ, നാം ഓർക്കേണ്ട വസ്തുത, അവയൊക്കേയും 22-24 ൽ പറഞ്ഞ മോഡലിൽ വേണം നാം അവയെ മൻസ്സിലാക്കുകയും പഠിക്കയും, പഠിപ്പിക്കുകയും ചെയ്യാൻ. ഈ മോഡൽ പ്രകാരം, യേശുവിന്റെ കൽപ്പനകളെ അനുസരിക്കുന്നത് പഴയ മനുഷ്യനെ ഉരിഞ്ഞു കളഞ്ഞ് പുതിയ മനുഷ്യനെ ധരിക്കുന്നതുപോലെയാണ്. നമ്മുടെ പഴയ മനുഷ്യൻ, വഞ്ചനയിൽ നിന്നു വരുന്ന മോശമായ ആഗ്രഹങ്ങളാൽ മലിനപ്പെട്ട വ്യക്തിയാണ്. പുതിയ മനുഷ്യൻ സത്യത്തിൽ നിന്നു വരുന്ന നീതിയും വിശുദ്ധിയുമുള്ള ദൈവനുരൂപമായി സൃഷ്ടിക്കപ്പെട്ട പുതിയ വ്യക്തിയും.

ആകയാൽ ഒരു ശരിയായ വിശ്വാസിയായി തീരുക/ ഒരു സത്യക്രിസ്ത്യാനിയായി തീരുക എന്നു പറഞ്ഞാൽ ഒരു അത്ഭുതം തന്നെ സംഭവിച്ചിരിക്കുന്നു എന്നണ്. അതായത്, ആദ്യ സൃഷ്ടി എന്നപോലെ ഒരു പുതു സൃഷ്ടി വീണ്ടും സംഭവിച്ചിരിക്കുന്നു. സുവിശേഷ അനുസരണമെന്നു പറയുന്നത്, നമ്മുടെ ഇഛാശക്തിയാൽ, ഒരു പുതിയ തുടക്കം കുറിചു കൊണ്ട്, ഒരു പുതിയ ദൈവത്തെ പ്രസാദിപ്പിക്കുന്നതല്ല. സുവിശേഷ അനുസരണം ദൈവത്തിന്റെ സൃഷ്ടിയാണ്. Evangelical obedience is the creation of God. അത് ജഡത്തിന്റെ ഒരു പ്രവൃത്തിയല്ല, അത് ആത്മാവിന്റെ ഫലമായി വരുന്ന ഒന്നാണ്. It is the fruit of the Spirit, not the work of the flesh.

സുവിശേഷ അനുസരണത്തിന്റെ താക്കോൽ എന്താണ് എന്നാണ് 23-ാം വാക്യം പറയുന്നത് : “ആത്മാവിനാൽ പുതുക്കം പ്രാപിച്ച മനസ്സ് ഉള്ളവരായി തീരുക” “Be renewed in the spirit of your mind." ആത്മാവിനാൽ പുതുക്കം പ്രാപിച്ച മനസ്സ് ഉള്ളവരായി തീരുക. വളരെ ആഴമായ ഒരു ആന്തരീക നവീകരണം നമ്മിൽ ഉണ്ടാകേണ്ടിയിരിക്കുന്നു. എങ്കിൽ മാത്രമെ അത് സുവിശേഷാധിഷ്ഠിത അനുസരണം നമ്മിൽ ഉളവാക്കുകകയുള്ളു. ഈ ആന്തരീക നവീകരണം കൂടാതെ, യേശു പറയുന്നത് നിങ്ങൾ അനുസരിക്കണം എന്നു പറഞ്ഞാൽ, അതിന്റെ ഫലമായുണ്ടാകുന്നത് പരീശത്വമായിരിക്കും.

എവിടെ നിന്നാണ് ഈ പുതിയ മനസ്സ് നമുക്ക് ലഭിക്കുന്നത്? അത് ദൈവത്തിൽ നിന്നു വരുന്നതാണ്. 24-ാം വാക്യപ്രകാരം പുതിയ മനുഷ്യൻ ദൈവത്താൽ സൃഷ്ടിക്കപ്പെടുന്നതാണ്. ഏഫെ 2:10 ൽ നാം വായിക്കുന്നത്: “നാം അവന്റെ കൈപ്പണിയായി സല്പ്രവൃത്തികൾക്കായിട്ടു ക്രിസ്തുയേശുവിൽ സൃഷ്ടിക്കപ്പെട്ടവരാകുന്നു;” അതായത്, പുതുക്കപ്പെട്ട മനസ്സ് ദൈവത്തിന്റെ സൃഷ്ടിയാണ്, മനുഷ്യന്റേതല്ല.

ഇനി എങ്ങനെയാണ് ഈ പുതുക്കം പ്രാപിച്ച മനസ്സ് വരുന്നത്? 24 ൽ പറഞ്ഞിരിക്കുന്ന സത്യം പ്രയോഗിച്ച് 22 ലെ വഞ്ചനയെ മറികടന്നാണ് അതു വരുന്നത്. അതായത്, സുവിശേഷ ഉപദേശം അഥവാ സുവിശേഷ സത്യം പഠിപ്പിച്ച്, സുവിശേഷ അനുസരണം ഉളവാക്കുക എന്ന ഒരു വഴിയല്ലാതെ ഇതിനു മറ്റൊരു മാർഗ്ഗമില്ല. സുവിശേഷ അനുസരണം സ്വതന്ത്രവും സന്തോഷകരവുമായ അനുസരണമാണ്. അതു വരുന്നത് രൂപാന്തരം പ്രാപിച്ച ഒരു മനസ്സിൽ നിന്നുമാണ്. അതുപോലെ തന്നെ ദൈവത്തിന്റെ നന്മയും ദൈവവഴിയുടെ സൗന്ദര്യവും ആസ്വദിച്ചും ദൈവം വിശുദ്ധനാകുന്നതുപോലെ വിശുദ്ധനാകാനുള്ള ആഗ്രഹത്തിൽ നിന്നുമാണ് ആ അനുസരണം വരുന്നത്. സത്യത്തിന്റെ ഫലം പുറപ്പെടുവിക്കാൻ ദൈവം ഉപയോഗിക്കുന്ന സുവിശേഷ ഉപദേശം അതായത്, ദൈവം പാപിയെ സ്നേഹിക്കുകയും ക്രിസ്തു പാപികൾക്കു വേണ്ടി മരിക്കയും ദൈവത്തിന്റെ പരിശുദ്ധാത്മാവ് പാപികളെ വീണ്ടും ജനിപ്പിക്കയും ചെയ്യുന്നു. ഇതെല്ലാം വിശ്വാസത്താൽ ദൈവകൃപയാൽ ദാനമായി ലഭിക്കുന്നു. അതിനോടുള്ള നന്ദിയായി, ദൈവത്തോടുള്ള സ്നേഹത്തിൽ നിന്നാണ് ഈ അനുസരണം വരേണ്ടത്.

അങ്ങനെയെങ്കിൽ എനിക്കു നുണ പറയാതിരിക്കാൻ സാധിക്കുമൊ എന്ന് ഒരുത്തൻ ചോദിച്ചാൽ അതിനു നൽകാൻ കഴിയുന്ന സുവിശേഷ കേന്ദ്രീകൃതമായ ഉത്തരം "By FAITH വിശ്വാസത്താൽ നിനക്കതിനു കഴിയും! അതല്ലെങ്കിൽ, ഞാൻ എങ്ങനെയാണ് പകയോടുകൂടിയ കോപത്തിൽ നിന്നു സ്വതന്ത്രനാകുക എന്നു ചോദിച്ചാൽ അതിനു നൽകാൻ കഴിയുന്ന ഉത്തരം "By FAITH വിശ്വാസത്താൽ എന്നുള്ളതാണ്. എനിക്കെങ്ങനെയാണ് മോഷ്ടിക്കാതിരിക്കാൻ കഴിയുക. അതിനു നൽകാൻ കഴിയുന്ന ഉത്തരം "By FAITH വിശ്വാസത്താൽ എന്നതു തന്നെ.

സുവിശേഷ അനുസരണം എന്താണ് പറയുന്നത് എന്ന് ഗലാ. 2:20 ഒന്നു പരിശോധിക്കാം; “ഞാൻ ക്രിസ്തുവിനോടുകൂടി ക്രുശിക്കപ്പെട്ടിരിക്കുന്നു ഇനി ജീവിക്കുന്നതു ഞാനല്ല ക്രിസ്തുവത്രെ എന്നിൽ ജീവിക്കുന്നു; ഇപ്പോൾ ഞാൻ ജഡത്തിൽ ജീവിക്കുന്നതൊ എന്നെ സ്നേഹിച്ചു എനിക്കുവേണ്ടി തന്നെത്താൻ ഏൽപ്പിച്ചുകൊടുത്ത ദൈവപുത്രങ്കലുള്ള വിശ്വാസത്തലത്രേ ജീവിക്കുന്നതു” (And the life I now live in the flesh, I live BY FAITH in the Son of God who loved me and gave himself for me" (Galatians 2:20).