പക വെച്ചു കൊണ്ടിരിക്കുന്നതിൽ, ഏതെങ്കിലും നിലയിൽ സാത്താനു സഹായിക്കുവാൻ കഴിയുമെങ്കിൽ, അവൻ തീർച്ചയായും അതു ചെയ്യും. ക്രിസ്ത്യാനികൾ പകവെച്ചുകൊണ്ടിരുന്നാൽ സാത്താന്റെ 6 ലക്ഷ്യങ്ങളാണ് അതിലൂടെ നടപ്പാകുന്നത്.

1. ദൈവത്തിന്റെ സ്ഥാനത്ത് മനുഷ്യനെ അവരോധിക്കുവാൻ സാത്താൻ ശ്രമിച്ചുകൊണ്ടിരിക്കുകയാണ്.

ഇതു ഉല്പത്തി 3 ലാണ് ആരംഭം കുറിച്ചത്. അന്നു തുടങ്ങി ഇന്നുവരെ മനുഷ്യനെ ദൈവത്തിന്റെ സ്ഥാനത്ത് അവരോധിക്കുവാൻ സാത്താൻ ശ്രമിച്ചുകൊണ്ടിരിക്കുകയാണ്.
3:5 "അതു തിന്നുന്ന നാളിൽ നിങ്ങളുടെ കണ്ണു തുറക്കയും നിങ്ങൾ നന്മതിന്മകളെ അറിയുന്നവരായി ദൈവത്തെപ്പോലെ ആകയും ചെയ്യും എന്നു ദൈവം അറിയുന്നു എന്നു പറഞ്ഞു” നമ്മെക്കുറിച്ചു തന്നെ ഏറെ മതിപ്പോടെ ചിന്തിച്ച് പക മനസ്സിൽ വെച്ചുകൊണ്ടിരുന്നാൽ അതു ഗുണകരമാകയില്ല. നമ്മുടെ കണ്ണിൽ നാം വളരെ ഉന്നതരായി കണ്ടാൽ, നമ്മേ പ്രകോപിപ്പിച്ചവർക്കെതിരെ നമ്മേത്തന്നെ ന്യായികരിക്കുവാനും നമ്മുടെ പക തികച്ചും ന്യായമാണ് എന്ന് ചിന്തിക്കുവാനും ഇടയാക്കും. നമ്മുടെ കോപം സ്വഭാവികമാണ് / നീതീകരിക്കപ്പെട്ടതാണ് എന്ന ഒരു തോന്നാൽ നമ്മിൽ ഉണ്ടാക്കാൻ കഴിഞ്ഞാൽ നമ്മേത്തന്നെ ദൈവത്തിന്റെ സ്ഥാനത്ത് ആക്കിവെക്കുന്ന കാര്യത്തിൽ സാത്താൻ വളരെ മുന്നേറി എന്നാണ് നാം മനസ്സിലാക്കേണ്ടത്.

2. ദൈവമല്ല, നാമാണ് ന്യായാധിപതി എന്ന നിലയിൽ നാം പ്രവർത്തിക്കണമെന്ന് സാത്താൻ ലക്ഷ്യമിടുന്നു.

റോമർ 12:19 : “പ്രിയമുള്ളവരേ, നിങ്ങൾ തന്നേ പ്രതികാരം ചെയ്യാതെ ദൈവകോപത്തിന്നു ഇടംകൊടുപ്പിൻ; പ്രതികാരം എനിക്കുള്ളതു; ഞാൻ പകരം ചെയ്യും എന്നു കർത്താവു അരുളിച്ചെയ്യുന്നു,"

പക മനസ്സിൽ വെച്ചുകൊണ്ടിരുന്നാൽ ദൈവമല്ല നീതിമാനായ ന്യായാധിപതി എന്ന നിലയിൽ നാം പെരുമാറുന്നു. ലോകത്തിന്റെ ധാർമ്മികതയുടെ സൂക്ഷിപ്പിക്കാരൻ നാമാണെന്നും, നാം ആ തെറ്റിനെ ന്യായംവിധിച്ചില്ലെങ്കിൽ അത് വിസ്മൃതിയിൽ ആണ്ടു പോകുമെന്നും അങ്ങനെ ഒരു അന്യായത്തിനു യാതൊരു പ്രതികാരം ചെയ്യാതെ വിട്ടതുപോലെ ആകും എന്നാണ് പക വെച്ചുകൊണ്ടിരിക്കുന്നതിലൂടെ നാം ചെയ്യുന്നത്. എന്നാൽ ഇത് തികച്ചും ദൈവവചനത്തെ അവിശ്വാസിക്കുന്നതാണ്. പ്രതികാരം യഹോവക്കുള്ളതാണ്. അവൻ പ്രതികാരം ചെയ്യും. അത് ദൈവത്തിന്റെ ബിസിനസ് ആണ് ദൈവം അതു ചെയ്തുകൊള്ളും. മാത്രവുമല്ല, പക വെച്ചുകൊണ്ടിരുന്നാൽ നാം നമ്മെത്തന്നെ ദൈവത്തിന്റെ സ്ഥാനത്ത് ന്യായാധിപതിയായി അവരോധിക്കുകയാണ് ചെയ്യുന്നത്. അതാണ് സാത്താൻ നമ്മിൽ നിന്ന് ആഗ്രഹിക്കുന്നതും.

3. ക്രിസ്തുവിന്റെ ക്രൂശ് ബലഹീനവും ഭോഷത്വവുമാണ് എന്ന് ആക്കിത്തീർക്കുവാൻ സാത്താൻ ലക്ഷ്യമിടുന്നു.

ഏഫെ 4:32-5:2 “നിങ്ങൾ തമ്മിൽ ദയയും മനസ്സലിവുമുള്ളവരായി ദൈവം ക്രിസ്തുവിൽ നിങ്ങളോടു ക്ഷമിച്ചതുപോലെ അന്യോന്യം ക്ഷമിപ്പിൻ. ആകയാൽ പ്രിയമക്കൾ എന്നപോലെ ദൈവത്തെ അനുകരിപ്പിൻ.2 ക്രിസ്തുവും നിങ്ങളെ സ്നേഹിച്ചു നമുക്കു വേണ്ടി തന്നെത്താൻ ദൈവത്തിന്നു സൌരഭ്യവാസനയായ വഴിപാടും യാഗവുമായി അർപ്പിച്ചതു പോലെ സ്നേഹത്തിൽ നടപ്പിൻ"

പകവെച്ചുകൊണ്ടിരിക്കുന്നതിൽ നിന്നു നമ്മെ വിടുവിക്കുന്ന തിനുള്ള പ്രചോദനം യേശുക്രിസ്തുവിന്റെ കാൽവരി മരണത്തിൽ നിന്നാണ് നമുക്കുണ്ടാകേണ്ടത്. ദൈവത്തിന്റെ നമ്മോടുള്ള കോപം ശമിപ്പിക്കപ്പെടുകയും കോപം വിട്ടുകളയുകയും ചെയ്തു എന്നുള്ളതാണ് അതിന്റെ അടിസ്ഥാനം. അതുകൊണ്ട് പൗലോസ് പറയുന്നു ദൈവം ക്രിസ്തുവിൽ നമ്മോടൂ ക്ഷമിച്ചതുപോലെ ക്ഷമിക്കുവിൻ. ക്രൂശിനെ തുച്ഛീകരച്ചുകൊണ്ടാണ് നാം പക മനസ്സിൽ വെച്ചുകൊണ്ടിരിക്കുന്നത്. ദൈവം ക്രുശിൽ എന്തോ ഭോഷത്വം പ്രവർത്തിച്ചു എന്ന നിലയിലാണ് നാം പ്രവർത്തിക്കുന്നത്. ദൈവത്തിന്റെ വലിയ കോപം ദൈവം ദൈവം ഉപേക്ഷിച്ച സ്ഥാനത്ത്, നാം നമ്മുടെ ചെറിയ ചെറിയ പകകൾ വെച്ചുകൊണ്ടിരിക്കുന്നത് സാത്താനോടു ചേർന്ന് ക്രുശിനെ പൂശ്ചിക്കുന്നതിനു ഇടയായി തീരുന്നു.

4. സാത്താൻ സഭയിൽ അനൈക്യത വരുത്താൽ ലക്ഷ്യമിട്ടുകൊണ്ട് ക്രിസ്തുവിന്റെ ദൈവികയഥാർത്ഥ്യങ്ങളെ തകർക്കാൻ ശ്രമിക്കുന്നു.

സദൃ. 15:18 “ക്രോധമുള്ള കലഹം ഉണ്ടാക്കുന്നു; ദീർഘക്ഷമയുള്ളവനോ കലഹം ശമിപ്പിക്കുന്നു” ക്ഷിപ്രകോപവും പകവെക്കുന്നു. എന്നാൽ യോഹ 17:23 ൽ യേശു പറയുന്നത് സഭയിലെ ഐക്യം ലോകത്തിൽ തന്റെ സാന്നിദ്ധ്യത്തിന്റെ വലിയ തെളിവാണ്. അതുകൊണ്ട് സാത്താനു പക മനുഷ്യന്റെ ഉള്ളിൽ നിലനിർത്താനും ആഴത്തിൽ വേരൂന്നിക്കുവാനും കഴിഞ്ഞാൽ, ദൈവത്തിന്റെ വലിയ ലക്ഷ്യം- യേശുക്രിസ്തുവിന്റെ ഈ ലോകത്തിലെ സാന്നിദ്ധ്യം മറച്ചുവെക്കുവാൻ സാധിക്കും.

5. സാത്താൻ തകർന്ന ക്രിസ്ത്യാനികളെ പ്രയോജന രഹിതരാക്കി ഡിപ്രഷനിലേക്ക് നയിക്കുവാൻ ലക്ഷ്യമിട്ടു കൊണ്ടിരിക്കുന്നു.

കൊരിന്തിലെ സഭാ-ശിക്ഷണത്തോടുള്ള ബന്ധത്തിൽ അപരാധിയായ മനുഷ്യൻ മാനസാന്തരപ്പെട്ടതിനോടുള്ള ബന്ധത്തിൽ പൗലോസ് പറയുന്ന ഒരു കാര്യം നോക്കുക. 2 കൊരി 2:7 “അവൻ അതിദുഃഖത്തിൽ മുങ്ങിപ്പോകാതിരിക്കേണ്ടതിന്നു നിങ്ങൾ അവനോടു ക്ഷമിക്കയും അവനെ ആശ്വസിപ്പിക്കയും തന്നേ വേണ്ടതു.” ഒരു വ്യക്തിക്കെതിരെയുള്ള പക ആ വ്യക്തിയെ നശിപ്പിക്കുന്നതിനു മുഖാന്തിരമായി തീരാറുണ്ട്. അതു സാത്താന്റെ ഒരു പ്രവൃത്തിയാണ് അത് കയിന്റേയും ഹാബേലിന്റേയും കാലം മുതൽ അവൻ വളരെ സമൃദ്ധമായി ഉപയോഗിച്ചുകൊണ്ടിരിക്കുന്നു.

6. അവസാനമായി, പക മനസ്സിൽ വെച്ചുകൊണ്ടിരിക്കുന്നവരെ സ്വയം നശിക്കുന്നതിനു സാത്താൻ സഹായിക്കുന്നു.

സാത്താൻ തന്റെ മോഹന വാഗ്ദാനങ്ങൾക്കൊടുവിലാണ് തന്റെ ചതി എന്ന ആയുധം പ്രയോഗിക്കുന്നത്. അവൻ ചന്ദ്രനെ വാഗ്ദാനം ചെയ്യും എന്നാൽ ആ വാഗ്ദാനത്തിൽ വീഴുന്നവർക്ക് പകരം ലഭിക്കുന്നത് ദുഃഖവും വേദനയുമാണ്. ക്ഷമിക്കാതിരുന്ന ദാസനെ ജയിലിൽ അടച്ചപ്പോൾ, യേശു തന്റെ ശിഷ്യന്മാരോടിപ്രകാരം പറഞ്ഞു : നിങ്ങൾ നിങ്ങളുടെ സഹോദരനോട് ക്ഷമിക്കുന്നില്ല എങ്കിൽ സ്വർഗ്ഗസ്ഥനായ പിതാവ് ഇതു നിങ്ങളോടും ചെയ്യും”
ഇതു നമ്മെ നമ്മുടെ സ്റ്റാർട്ടിംഗ് പോയിന്റിലേക്ക് നമ്മേ നയിക്കുന്നു. നിങ്ങളുടെ ഹൃദയത്തിൽ നിന്ന്, നിങ്ങളുടെ പുതിയ പ്രകൃതിയിൽ നിന്ന്, ശുദ്ധീകരിക്കപ്പെട്ട ഉറവയിൽ നിന്ന്, നല്ല വൃക്ഷത്തിൽ നിന്ന് ആണ് ഇവയോക്കേയും വരേണ്ടത്. കോപത്തിനുമേൽ വിജയം നേടണമെങ്കിൽ വഞ്ചനയുടെ ആത്മാവിനാൽ മലിനപ്പെട്ട പഴയപ്രകൃതിയെ ഉരിഞ്ഞു കളഞ്ഞ് പുതിയ പ്രകൃതിയെ ധരിക്കുന്നതിലൂടെ മാത്രമെ സാധിക്കയുള്ളു. പഴയ പ്രകൃതി, സത്താന്റെ വഞ്ചനയാൽ മലിനപ്പെട്ടതാണ്, അതു ഉപേക്ഷിക്കുക. പുതിയ പ്രകൃതി ധരിക്കുക എന്നു പറഞ്ഞാൽ സത്യാനുസാരം പ്രവർത്തിക്കുന്നതാണ്.

സത്യാനുസാരം പ്രവർത്തിക്കുക എന്നു പറഞ്ഞാൽ- പക മനസ്സിൽ സൂക്ഷിക്കുന്നത് നീതികരിക്കുവാൻ കഴിയാത്ത സ്വയ പുകഴ്ത്തൽ പ്രക്രീയയാണ്.

സത്യാനുസാരം പ്രവർത്തിക്കുക എന്നു പറഞ്ഞാൽ പ്രതികാരം യഹോവക്കുള്ളതാണ്, താൻ എല്ലാ കണക്കുകളും തീർത്തുകൊള്ളും.

സത്യാനുസാരം പ്രവർത്തിക്കുക എന്നു പറഞ്ഞാൽ ക്രിസ്തുവിന്റെ ക്രൂശ് ദൈവത്തിന്റെ ജ്ഞാനവും ശക്തിയുമാണ്, അതു ഭോഷത്വമല്ല.

സത്യാനുസാരം പ്രവർത്തിക്കുക എന്നു പറഞ്ഞാൽ സഭയുടെ ഐക്യത വാക്കുകൾക്കപ്പുറം വിലയേറിയതാണ് സത്യാനുസാരം പ്രവർത്തിക്കുക എന്നു പറഞ്ഞാൽ പക മനസ്സിൽ സൂക്ഷിക്കുന്നത് ആത്മീയ കൊലപാതകത്തിനും ആത്മഹത്യക്കും പ്രേരകഹേതുവായി തീരാം.

ദൈവപുത്രൻ ഭൂമിയിലേക്ക് വന്നത് സാത്താന്റെ പ്രവൃത്തിയെ അഴിക്കാനാണ്. കർത്താവിന്റെ ഉയർത്തെഴുനേറ്റ ശക്തിയാൽ പാപത്തിന്റെ ബന്ധനങ്ങളെ നമുക്കോരാന്നായി അഴിക്കാം. അതിനു ദൈവം നമ്മേ സഹായിക്കട്ടെ.