ഈ വേദഭാഗത്തിനു തൊട്ടുമുൻപുള്ള വാക്യത്തിൽ അതായത്, 5:20 ൽ കർത്താവ് തന്റെ ശിഷ്യന്മാരോട് ഇപ്രകാരം പറഞ്ഞു: "നിങ്ങളുടെ നീതി ശാസ്ത്രിമാരുടെയും പരീശന്മാരുടെയും നീതിയെ കഴിയണമെന്ന്" അനേകർക്കും ഒരു പ്രശ്നമായിരിക്കുന്ന, അനേകരും പോരാട്ടം കഴിക്കുന്ന കോപം എന്ന വിഷയത്തെക്കുറിച്ച് കർത്താവ് സംസാരിക്കുന്നതിനു മുന്നോടിയായിട്ടാണ് താനിതു പറയുന്നത്. നിങ്ങളുടെ നീതി ശാസ്ത്രിമാരുടെയും പരീശന്മാരുടെയും നീതിയെ കഴിയണമെന്ന്"

5:21 ൽ യേശു പറയുന്നു കൊല ചെയ്യരുത് എന്നും ആരെങ്കിലും കൊല ചെയ്താൽ ന്യായവിധി യോഗ്യനാകും എന്ന് പൂർവ്വന്മാരോടു അരുളിച്ചെയ്തതു നിങ്ങൾ കേട്ടിട്ടുണ്ടല്ലോ" "നിങ്ങൾ കേട്ടിട്ടുണ്ടല്ലോ" കർത്താവ് പഴയനിയമത്തിലേക്കാണ് വിരൽചൂണ്ടുന്നത്. പുറപ്പാട് 20:13 ലെ കൊല്ലരുത് എന്ന ആറാമത്തെ കല്പന quote ചെയ്യുന്നു. എന്നിട്ട് അതിന്റെ ശിക്ഷയെക്കുറിച്ച് ഓർമ്മിപ്പിക്കുന്നു: നിങ്ങൾ ന്യായവിധി യോഗ്യനാകും. ഇതു കേട്ട തന്റെ കേൾവിക്കാർ ഓ, ഞങ്ങൾ കൊലപാതകം ചെയ്തിട്ടില്ല, ഞങ്ങൾ കുറ്റക്കാരല്ല. ഞങ്ങൾ ധാർമികമായും സദാചാരപരമായും നല്ല ആളുകൾ ആണ്. അതുകൊണ്ട് ഇത് എന്നെക്കുറിച്ചല്ല, മറ്റുള്ളവരെക്കുറിച്ച് ആണ്. അതുകൊണ്ട് പ്രസംഗിച്ചു കൊള്ളു. മറ്റുള്ളവരെക്കുറിച്ച് പ്രസംഗിച്ചു കേൾക്കുന്നത് സുഖകരമായ കാര്യമാണ്. ഞാൻ ആരെയും ശാരീരികമായി കൊന്നിട്ടില്ല. അതുകൊണ്ട് ഈ കല്പന എന്നെ ബാധിക്കുന്നില്ല എന്ന് കേൾവിക്കാർ ഒരുപക്ഷേ ചിന്തിച്ചിട്ടുണ്ടാകാം. എന്നാൽ ഈ ചിന്തയെ അടിസ്ഥാനമാക്കി യേശുക്രിസ്തു ഒരു ബോംബ് അവരുടെ മധ്യത്തിൽ ഇടുകയാണ്.

5:22 ൽ യേശു പ്രസ്താവിക്കുന്നു, "ഞാനോ നിങ്ങളോടു പറയുന്നതു: സഹോദരനോടു കോപിക്കുന്നവൻ എല്ലാം ന്യായവിധിക്കു യോഗ്യനാകും; സഹോദരനോടു നിസ്സാര എന്ന് പറഞ്ഞാലോ ന്യായാധിപ സഭയുടെ മുമ്പിൽ നിൽക്കേണ്ടി വരും; മൂഢാ എന്നു പറഞ്ഞാലോ അഗ്നിനരകത്തിനു യോഗ്യനാകും."

ആരെങ്കിലും സഹോദരനോട് കോപിച്ചാൽ കുറ്റക്കാരനായി കോടതി മുമ്പാകെ നിൽക്കേണ്ടിവരും. സഹോദരനെ നിസ്സാര എന്നു വിളിച്ചാലോ നിങ്ങൾ സുപ്രീം കോടതി മുൻപാകെ കുറ്റക്കാരനായി നിൽക്കേണ്ടി വരും. ഇനി മൂഢാ എന്നു വിളിച്ചാലോ അതുമതി നരകത്തിൽ പോകാൻ. ഞാനോ നിങ്ങളോട് പറയുന്നു എന്ന് പറഞ്ഞാണ് ഇത് തുടങ്ങുന്നത്. താൻ പഴയനിയമത്തിലും ഉള്ളതെല്ലാം ഉറപ്പിക്കുന്നു എന്ന് മാത്രമല്ല അത് ഇപ്പോൾ പൂർത്തീകരിക്കുകയും ചെയ്യുന്നു എന്നണ്. അതായത്, പഴയനിയമ കല്പനകളിൽ അന്തർലീനമായി ഒളിഞ്ഞുകിടന്നന്ന കാര്യം കൂടുതൽ വ്യക്തമാക്കുന്നു, വെളിപ്പെടുത്തുന്നു എന്നാണ്. ദൈവം നിയമം നൽകിയതിന്റെ ഒറിജിനൽ പർപ്പസ് യഥാർത്ഥ ഉദ്ദേശ്യം വ്യക്തമാക്കുകയാണ്. കാരണം അന്നത്തെ മതനേതാക്കൾ അഥവാ അന്നത്തെ ഉപദേഷ്ടാക്കൾ അത് നൽകിയതിന്റെ ഉദ്ദേശ്യം നഷ്ടമാക്കിയിരിക്കുന്നു. അതുകൊണ്ട് ഞാൻ അതിന്റെ Heart of the Law, ന്യായപ്രമാണത്തിന്റെ ഹൃദയം തുറന്നു കാണിക്കുകയാണ്. അതിന്റെ അന്തർലീനമായ അർത്ഥം മനസ്സിലാക്കി എങ്ങനെ ജീവിക്കണം എന്ന് പറയുകയാണ്. കൊലപാതകം എന്ന ഫലത്തിന്റെ റൂട്ട് അഥവാ മൂലത്തിലേക്കു കിടക്കുകയാണ് യേശുക്രിസ്തു. അതിൻറെ റൂട്ട് അഥവാ മൂലം എന്നു പറയുന്നത് ഒരു ദുഷ്ട ഹൃദയം അല്ലെങ്കിൽ ദുഷ്ട മനോഭാവമാണ്.

യേശു അതിലൂടെ പറയുന്നത് എന്തെന്നാൽ നാമെല്ലാം കൊലപാതക കുറ്റത്തിന് ശിക്ഷിക്കപ്പെറ്റേണ്ടവരാണ് എന്നാണ്. കാരണം നാമെല്ലാം തന്നെ വാക്കുകളിലും ചിന്തയിലും മനോഭാവത്തിലും പ്രവർത്തിയിലും കോപം പ്രകടിപ്പിക്കുന്നവരാണ്. ആളെ ശാരീരികമായി കൊല്ലുന്നില്ല എന്നതിനാൽ ദൈവത്തെ പ്രസാദിപ്പിക്കുന്നു എന്ന് കരുതേണ്ട. അതിന് വിരുദ്ധമായി ദൈവം നമ്മുടെ ഹൃദയത്തെ നോക്കുന്നു. അതിനാൽ അനീതി പരമായ കോപം ദൈവത്തിന്റെ ന്യായവിധിക്കു യോഗ്യമായ ഒന്നാന്തരം കുറ്റമാണ്. കോടതിയും സുപ്രീം കോടതിയും എല്ലാം ദൈവത്തിന്റെ കോടതിയെയാണ് സൂചിപ്പിക്കുന്നത്. കാരണം മാനുഷിക കോടതികൾക്ക് മനുഷ്യന്റെ ആന്തരിക ചിന്തകളെ വച്ചുകൊണ്ട് ന്യായം വിധിക്കുവാൻ കഴിയില്ലല്ലോ. നിങ്ങൾ ആരോടെങ്കിലും കോപത്തോടെ ഒരു വാക്കോ ഒരു പ്രവർത്തിയോ ഒരു മനോഭാവമോ കാണിച്ചിട്ടുണ്ടോ? യേശുക്രിസ്തു പറയുന്നു നിങ്ങൾ നരകത്തെ യോഗ്യരാണ്.

ബാബുജോര്‍ജ്ജ് സഹോദരന്‍ ഇടയ്ക്ക് പറയാറുണ്ട്: ഹൈജമ്പ് ചാടാൻ കഴിയാത്തതിന്റെ പ്രധാന പ്രശ്നം അതിന്റെ ആ ബാർ അത്രയ്ക്ക് ഉയർത്തി വയ്ക്കുന്നു എന്നതാണ്. അല്പം താഴ്ത്തി വെച്ചാണ് ആളുകൾ ചാടുന്നത് എന്ന്. എന്നാൽ എന്നെ സംബന്ധിച്ചിടത്തോളം ആ ബാർ തന്നെ എനിക്ക് പ്രശ്നമാണ് ആ ബാർ നിലത്തു വെച്ചാൽ പോലും എനിക്ക് കടക്കാൻ കഴിയില്ല. ബാർ കാണുമ്പൊൾ ബിലെയാമിന്റെ കഴുതയെയാണ് എനിക്കു ഓർമ്മവരുന്നത്. പിന്നെ അവിടെ നിന്ന് ഒരടി മുന്നോട്ടു പോകാൻ കഴിയാതെ നിൽക്കേണ്ടി വരുന്ന അവസ്ഥ ആയിട്ടാണ് എനിക്ക് തോന്നിയിട്ടുള്ളത്. എനിക്ക് അത് ചാടിക്കടക്കാൻ കഴിയണമെങ്കിൽ ആ ബാറിന്റെ ഒരറ്റം മുതൽ മറ്റേ അറ്റംവരെ കർത്താവിന്റെ രക്തത്താൽ മുക്കിയ പരവതാനി കൊണ്ട് മൂടി എങ്കിൽ മാത്രമേ എനിക്ക് അതു കടക്കുവാൻ കഴിയൂ. എന്നെ അതു കടക്കുവാൻ കഴിയുമാറാക്കുന്നത് ദൈവത്തിന്റെ കൃപ ഒന്നു മാത്രമാണ്.

ഭാഗ്യവശാൽ കർത്താവിൽ വിശ്വസിക്കുന്ന ഏവർക്കും കർത്താവായ യേശുക്രിസ്തുവിന്റെ ബലിമരണം മൂലം നരകത്തിൽ നിന്ന് വിടുതൽ അഥവാ രക്ഷാ സാധ്യമാക്കിയിരിക്കുന്നു. യേശുക്രിസ്തു തന്റെമരണം മൂലം നമ്മുടെ പാപത്തിന്റെ കടം കൊടുത്തു വീട്ടിയിരിക്കുന്നു. ഇല്ലായിരുന്നുവെങ്കിൽ മനുഷ്യരെല്ലാം നിത്യനരകത്തിൽ തങ്ങളുടെ ഭാവി ചെലവിടേണ്ടി വരുമായിരുന്നു. അതു കൊലപാതകത്തിന് മാത്രമല്ല മറ്റുള്ളവരെ insult ചെയ്ത് അഥവാ അവരെ അപകീർത്തിപ്പെടുത്തി സംസാരിച്ചതിന് നാം നരകശിക്ഷ അനുഭവിക്കേണ്ടിവരുമായിരുന്നു. ആകയാൽ നമുക്ക് നമ്മുടെ ബന്ധങ്ങളെ പരിപോഷിപ്പിക്കാം, ആദരിക്കാം.

നമുക്ക് ഈ insult അഥവാ അപമാനം, നിന്ദ എന്നിവയെ ഒന്നു വിശകലനം ചെയ്യാം. "നിസ്സാര" എന്ന മലയാള പദം good for nothing എന്ന ഇംഗ്ലീഷ് വാക്കിന്റെ തർജ്ജമയാണ്. എന്നാൽ അതിന്റെ അരമായ പദം raca എന്നാണ്. ആ വാക്കു കേൾക്കുമ്പോൾ തന്നെ rascal എന്ന ധ്വനിയാണ് നൽകുന്നത്. raca എന്ന വാക്കിന്റെ അർത്ഥം idiot, empty-headed fool എന്നൊക്കെയാണ്. നിങ്ങൾക്ക് കോപം വരുമ്പോൾ raca എന്ന വാക്കിൻറെ വിവിധ രൂപങ്ങളിലുള്ള പദപ്രയോഗങ്ങൾ ആയിരിക്കും നടത്തുക. അങ്ങനെ ആ വ്യക്തിയുടെ മൂല്യത്തെയും ഡിഗ്നിറ്റിയേയും ആക്രമിക്കുന്നു. അവനെ മറ്റുള്ളവരുടെ മുമ്പിൽ താറടിച്ചു കാണിക്കുന്നു. അവനെ അപകീർത്തിപ്പെടുത്തുന്നു.

മൂഢാ (you fool) എന്ന വാക്ക് ഉപയോഗിക്കുമ്പോഴും ഇതുതന്നെയാണ് അർത്ഥമാക്കുന്നത്. ഫുൾ എന്ന വാക്കിൻറെ ഗ്രീക്ക് വാക്ക് 'moros' എന്നാണ്. യേശുവിന്റെ കാലത്ത് 'moros' എന്ന് ആരന്യെങ്കിലും വിളിച്ചിട്ടുണ്ടെങ്കിൽ ആ വ്യക്തിയെ നുണയൻ, വിശ്വാസവഞ്ചകൻ എന്നൊക്കെ അർത്ഥമാക്കുന്നു. അത് ഒരുവന്റെ ധാർമ്മികതക്കൊ സ്വഭാവത്തിനൊ അപമാനം വരുത്തുന്നതാണ്. ചുരുക്കിപ്പറഞ്ഞാൽ ഒരു ഒരുവന്റെ വ്യക്തിത്വത്തെ ഹനിക്കുന്ന പ്രയോഗങ്ങളാണ് ഇത്.

നമ്മുടെ കാലത്തേക്കാൾ യേശുവിന്റെ കാലം ദുഷ്പേരാൽ വിളിക്കപ്പെടുന്നത് വളരെ ഗൗരവമായി കണ്ടിരുന്നു. ബഹുമാനം -ലജ്ജ എന്നിവയ്ക്ക് വലിയ പ്രാധാന്യം നൽകിയിരുന്നു സമൂഹമായിരുന്നു അവരുടേത്. അവരുടെ അഭിമാനത്തെ തൊട്ടുള്ള കളികൾ പരസ്യമായി ഒരുവനെ ചെറുതാക്കുന്നതാകയാൽ അതിനെ വളരെ ഗൗരവമായിട്ടാണ് ആ സമൂഹം കണ്ടിരുന്നത്. തന്റെ ബഹുമാനം നഷ്ടപ്പെടുന്നത് മരണത്തിനു തുല്യമായിരുന്നു. അതുകൊണ്ട് യേശു പറയുന്നത് അവരെ ചീത്ത വാക്ക് ഉപയോഗിച്ച് വിളിക്കുന്നത് അവന്റെ പേര് അഥവാ മാനം ഇല്ലായ്മ ചെയ്യുന്നതിനു തുല്യമാണ്, അല്ലെങ്കിൽ അവരെ കൊല്ലുന്നതിന് തുല്യമാണ്. ആകയാൽ സ്വഭാവഹത്യ ഒരു തലത്തിലുള്ള കൊലപാതകമാണ്.

കർത്താവ് ഈ വാക്കിനോട് 'സഹോദരനോട്' എന്ന കൂട്ടിച്ചേർത്തത് അതിശയകരമായി എനിക്ക് തോന്നുന്നു. സഹോദരനോടു കോപിക്കുന്നവൻ എല്ലാം ന്യായവിധിക്കു യോഗ്യനാകും. നമ്മുടെ കോപം ജ്വലിക്കുന്നത് പലപ്പോഴും നമുക്ക് അടുത്തറിയാവുന്ന, നാമേറെ സ്നേഹിക്കുന്നവരോട് അല്ലേ? നമുക്ക് അറിയാൻ പാടില്ലാത്ത ആളുകളോട് കോപിക്കുവാൻ നമുക്കു വിഷമമാണ്. എന്നാൽ ഒരു സുഹൃത്തോ ബന്ധക്കാരനൊ നമുക്ക് ഇഷ്ടപ്പെടാത്ത വല്ലതും ചെയ്താൽ നമുക്ക് വലിയ കോപം വരും. നാം സ്നേഹിക്കുന്നവരോട് വളരെ കുറച്ചുക്ഷമയെ കാണിക്കാറുള്ളൂ. എന്നാൽ യേശുക്രിസ്തുവിനെ പ്രാഥമിക concern കർത്താവിൽ സഹോദരന്മാരും സഹോദരിമാരും ആളുകളോടുള്ള ബന്ധത്തിലാണ്. നാം നമ്മുടെ ഇണയോട്, കുട്ടികളോട് ചർച്ചക്കാരോറ്റു സഹ വിശ്വാസികളോട് എങ്ങനെ ഇടപെടുന്നു എന്നത് കർത്താവ് വളരെ ഗൗരവമായി വീക്ഷിക്കുന്നു.

1 കൊലൊസ്യർ 3:19 ൽ പറയുന്നു: "ഭർത്താക്കന്മാരെ നിങ്ങളുടെ ഭാര്യമാരെ സ്നേഹിപ്പിൻ; അവരോട് കൈപ്പായിരിക്കുകയുമരുത്." ഇത് ഭർത്താക്കന്മാരോടാണ് പറയുന്നതെങ്കിലും ഭാര്യമാർക്കും തിരിച്ചും അത് ബാധകമാണ്. നാം നമ്മുടെ ദുഷ്പേര് വിളി, കുറ്റപ്പെടുത്തൽ, കുത്തുവാക്ക് പ്രയോഗങ്ങൾ എന്നിവ അവസാനിപ്പിക്കണം.

1 പത്രോസ് 3;7 ഭർത്താക്കന്മാരോട് പത്രോസ് പറയുന്നത് നിങ്ങളുടെ ഇണയോട് സ്നേഹത്തോടും ബഹുമാനത്തോടും കൂടി ഇടപെട്ടില്ലെങ്കിൽ നിങ്ങളുടെ പ്രാർത്ഥന മുടക്കം വരും എന്നാണ്.

എഫെ. 6:4 ൽ ൽ "പിതാക്കന്മാരെ നിങ്ങളുടെ മക്കളെ കോപിപ്പിക്കാതെ കർത്താവിന്റെ ബാലശിക്ഷയിലും പഥ്യോപ ദേശത്തിലും പോറ്റിവളർത്തുവിൻ." (cf Col 3:21). മാതാപിതാക്കൾ എന്ന നിലയിൽ ദൈവത്തിnte സ്നേഹവും അനുകമ്പയും നാം കുട്ടികളോട് കാണിക്കുന്നു എന്ന് നാം ഉറപ്പാക്കേണ്ടതുണ്ട്.

1 തിമൊത്തി 2:8 ൽ പൗലോസ് പറയുന്നു, "ആകയാൽ പുരുഷന്മാർ എല്ലായിടവും കോപവും വാഗ്വാദവും വിട്ടകന്ന് വിശുദ്ധ കൈകളെ ഉയർത്തി പ്രാർത്ഥിക്കണം എന്ന് ഞാൻ ആഗ്രഹിക്കുന്നു." ഇവിടെ പൗലോസ് പറയുന്നത് ഭക്ഷിക്കു നിരക്കാത്ത കോപം ഉപേക്ഷിച്ചു വേണം പ്രാർത്ഥിക്കാൻ. നാം കോപത്തോടെ ഇരുന്നാൽ ദൈവവുമായുള്ള കൂട്ടായ്മയെ അത് ബാധിക്കും. അത് നമ്മുടെ പ്രാർത്ഥനയെ ബലഹീനമാക്കും.

ഇനി അടുത്ത തവണ നിങ്ങളുടെ കുട്ടികളോടൊ, ഭാര്യയോടൊ, സഹവിശ്വാസികളോടൊ കോപിക്കുന്നതിന് മുമ്പ് നിങ്ങൾ രണ്ടുവട്ടം അതെക്കുറിച്ച് ആലോചിക്കണം. നിങ്ങൾ നിങ്ങളുടെ കുട്ടികളോടും ഭാര്യയോടും ഒക്കെ അലറുകയും ആക്രോശിക്കുകയും ചെയ്യുന്നത് ഒരു നിസ്സാര കാര്യമാണ് എന്ന് ചിന്തിക്കരുത്.

അതു കൊണ്ട് കോപത്തിന്റെ എല്ലാ പ്രകടനങ്ങളും പാപം ആണെന്ന് അർത്ഥമാക്കുന്നില്ല. യേശുവും പൗലോസും fool എന്ന വാക്ക് ഉപയോഗിച്ചിട്ടുണ്ട്. എന്നാൽ ഇതൊന്നും അപകീർത്തിപരമായ പേരായി വിളിച്ചതല്ല. യേശുവും പൗലോസും അവരെ fool എന്ന് വിളിച്ചത് അവരുടെ മതപരമായ ആചാരം കൊണ്ട് ദൈവത്തിന്റെ കല്പനയെ മറിച്ചു കളഞ്ഞതുകൊണ്ടാണ്. വാസ്തവമായ പ്രസ്താവനകളാണ് അവർ നടത്തിയത് അതുകൂടാതെ ദേവാലയ ശുദ്ധീകരണ വേളയിൽ യേശു കോപിച്ചതായി നാം സുവിശേഷങ്ങളിൽ കാണുന്നു (യോഹന്നാൻ 2:13-22). ശബ്ബത്തിൽ സൗഖ്യം നൽകിയതിനെ വിമർശിച്ച പരീശന്മാരോട് യേശു കോപിച്ചിട്ടുണ്ട് (മർക്കോസ് 3:5). എന്നാൽ ഇവിടെ ഒന്നും തന്നെ കോപം ഒരു വ്യക്തിപരമായ ആക്രമണം ആയിരുന്നില്ല. യേശു കോപിച്ചത് അനീതിക്കെതിരെയും പാപത്തിനെതിരെയും ആയിരുന്നു. യേശുവിന്റെ കോപം ന്യായമായ കോപമായിരുന്നു. യേശുക്രിസ്തുവിനെപോലെ നീതിയോടെ ഉള്ള കോപം നാം പ്രകടിപ്പിക്കേണ്ടവരാണ് (എഫെ. 4:26). അനീതിപരമായ ദൈവവചന വിരുദ്ധമായ ഗർഭം അലസിപ്പിക്കൽ മയക്കുമരുന്ന് ഉപയോഗം, പോർണ്ണോഗ്രാഫി, വർണ്ണവിവേചനം കുട്ടികളെ ദുരുപയോഗം ചെയ്യൽ, ഏകാധിപത്യ പ്രവണത എന്നിവയ്ക്കെതിരെ ശബ്ദമുയർത്തേണ്ടത് ആവശ്യമാണ്. എന്നാൽ ഇന്നത്തെ കാലത്ത് വൻമാഫിയകൾ ഇവയ്ക്ക് പിന്നിലുണ്ടെന്ന് കാര്യം മറന്നു കളയാതെ വളരെ വിവേകത്തോടെ ഇത് ചെയ്യണം. ഈ കാലത്ത് ഒരു കാരണം കാറിന്റെ ഡിക്കി അടഞ്ഞിട്ടില്ല എന്ന് പുറകിൽ നിന്ന് വിളിച്ചു പറഞ്ഞത്. അവർ തങ്ങളെ ചീത്ത വിളിക്കുന്നു എന്ന് തെറ്റിദ്ധരിച്ചു കൊന്ന സംഭവം പേപ്പറിൽ നാം വായിക്കുകയുണ്ടായി. അതുകൊണ്ട് ഇത് വളരെ ശ്രദ്ധയോടെ, തടി കേടാകാതെ ചെയ്താൽ നന്ന്.

ഇന്ന് വിശ്വാസികളെ സംബന്ധിച്ചുള്ള പ്രശ്നം എന്നത് നീതിയോടെ ഉള്ള കോപം അല്ല മറിച്ച് അന്യായമായ കോപമാണ്. എങ്ങനെ നമുക്ക് നമ്മുടെ കോപത്തെ കടിഞ്ഞാണിടാൻ കഴിയും എന്നതിനെ സംബന്ധിച്ച് ചില പ്രായോഗിക നിർദ്ദേശങ്ങൾ നോക്കാം.

1. ദൈവത്തോടും നിങ്ങളോടും നിങ്ങൾക്ക് കോപത്തിന്റെ ഒരു പ്രശ്നം ഉണ്ട് എന്ന് സമ്മതിക്കുക. ഇതിൽ യാതൊരു ഒഴികഴിവും വിചാരിക്കരുത്. ഞങ്ങൾ കുടുംബക്കാരായി കോപിക്കുന്നവരാണ് എന്ന നിലയിൽ അതിനെ നിസാര വൽക്കരിക്കാൻ ശ്രമിക്കരുത്. ദൈവത്തോട് നിങ്ങളുടെ ഈ പാപസ്വഭാവത്തെ ഏറ്റുപറയും നിങ്ങളെ അടിമുടി മാറ്റുവാൻ ദൈവത്തോടു യാചിക്കുകയും ചെയ്യുക. ദൈവത്തിന്റെ പ്രവർത്തനം നിങ്ങളിൽ നടക്കേണ്ടതിനായി ക്ഷമയോടെ കാത്തിരിക്കുക. പെട്ടെന്നൊരു മാറ്റം നിങ്ങളിൽ ഉണ്ടാകും എന്ന് ചിന്തിക്കരുത്. ദൈവം അതിന്മേൽ വിജയം തരാൻ ചിലപ്പോൾ മാസങ്ങളോ വർഷങ്ങളോ എടുത്തു എന്നു വന്നേക്കാം. സ്വയനിയന്ത്രണത്തിനും ധാരാളം കൃപാ ലഭിക്കുന്നതിനുമായി പ്രാർത്ഥിക്കുക. യാക്കോബ് 1:19 "എന്നാൽ ഏതു മനുഷ്യനും കേൾപ്പാൻ വേഗതയും പറവാൻ താമസവും കോപത്തിന് താമസവും ഉള്ളവൻ ആയിരിക്കട്ടെ." ഒരു ചെറിയ പേപ്പറിലൊ ഒരു കാർഡിലൊ ഈ വാക്യം എഴുതി നിങ്ങൾ എപ്പോഴും കാണുന്ന സ്ഥലത്ത് വെക്കുന്നത് നമ്മുടെ മനസ്സിൽ ആ വാക്യം പതിയുന്നതിന് സഹായിക്കും. അതുവെച്ച് പ്രാർത്ഥിക്കുവാനും കഴിയും. അത് മനപ്പാഠമാക്കുന്നതും ധ്യാനിക്കുന്നതും പ്രയോജനകരമാണ്.