അതിനാൽ, ദൈവിക സാന്നിദ്ധ്യം ഉറപ്പുവരുത്തുന്ന സമാപനകൂടാരത്തിന്റെ നിർമ്മാണത്തെക്കുറിച്ചുള്ള വിശദാംശങ്ങളാണ് തുടർന്നുള്ള ഏഴ് അധ്യായങ്ങളിൽ നാം കാണുന്നത്. ഒരു പ്രാകാരം അതിനകത്ത് ഒരു  യാഗപീഠം, അതിന്റെ മദ്ധ്യഭാഗത്ത് കൂടാരം അതിനോടു ചേർന്ന്, ഒരു ബാഹ്യമുറിയും  പിന്നെ ഒരു ആന്തരിക മുറിയും: ഈ ആന്തരീകമുറിക്കു അതി വിശുദ്ധ സ്ഥലം എന്ന് പേർ, അതിനുള്ളിൽ ദൈവത്തിന്റെ ഉടമ്പടി വ്യവസ്ഥയായ പത്തു കൽപ്പന വെച്ചിരിക്കുന്ന ഒരു സ്വർണ്ണപ്പെട്ടി. അതിനു മുകളിൽ കെരൂബുകൾ ചിറകു വിടർത്തിനില്ക്കുന്നു. ഇവിടെയാണ് വാസ്തവത്തിൽ ദൈവിക സാന്നിധ്യത്തിന്റെ ഹോട്ട് സ്പോട്ട്. ഇപ്പോൾ, ഈ അധ്യായങ്ങളിൽ ധാരാളം വിശദാംശങ്ങൾ നൽകുന്നുണ്ട്, അവയ്ക്ക് ഓരോന്നിനും ഓരോ പ്രതീകാത്മക മൂല്യവുമുണ്ടെന്ന് നാം അറിഞ്ഞിരിക്കുക. കൊത്തുപണിയായി ഉണ്ടാക്കിയിട്ടുള്ള എല്ലാ പുഷ്പങ്ങളും, മാലാഖമാരും, സ്വർണ്ണവും, ആഭരണങ്ങളും - എല്ലാം പ്രതിധ്വനിപ്പിക്കുന്നത് ഏദെൻതോട്ടത്തിലേക്കാണ്; അവിടെയായിരുന്നുവല്ലോ ആദ്യം ദൈവവും മനുഷ്യരും വളരെ ആഴമായ ബന്ധത്തിൽ ഒന്നിച്ചു വസിച്ചത്. കൂടാരം, എടുത്തുകൊണ്ട് നടക്കാൻ കഴിയുന്ന ഒരു ഏദെൻ പോലെയാണ് എന്നു പറയാം. താത്വികമായി പറഞ്ഞാൽ, ദൈവത്തിനും ഇസ്രായേലിനും സമാധാനത്തോടെ ഒരുമിച്ച് ജീവിക്കാൻ കഴിയുന്ന സ്ഥലമാണ് ഇത്;  കാരണം ഇവിടെവെച്ചാണല്ലൊ ആ ഒരു ബന്ധത്തിനു ഹാനി സംഭവിച്ചത്. മോശെ കൂടാരത്തിന്റെ ബ്ലൂപ്രിന്റുകൾ ദൈവത്തിൽ സ്വീകരിക്കുമ്പോൾ, താഴെ നിന്നിരുന്ന യിസ്രായേൽജനം  അക്ഷമരായിക്കൊണ്ടിരിക്കുകയായിരുന്നു. അതുകൊണ്ട് അവർ മൊശെയുടെ സഹോദരനായ അഹറോനോട് തങ്ങളെ ഈജിപ്തിന്റെ അടിമത്വത്തിൽ നിന്നു രക്ഷിച്ച ദൈവത്തെ ആരാധിക്കേണ്ടതിന് സ്വർണ്ണംകൊണ്ടുള്ള ഒരു കാളക്കുട്ടിയെ-ഒരുവിഗ്രഹം- ഉണ്ടാക്കിത്തരണമെന്ന്  ആവശ്യപ്പെടുന്നു. എന്നാൽ, ഓർക്കുക ഇതേസമയം ദൈവത്തിന്റെ സാന്നിധ്യം അവിടെത്തന്നെ പർവതത്തിന് മുകളിലുണ്ട്; അതവർക്കു കാണാനും കഴിയും.  എന്നാൽ ഇവിടെ അവർ സമ്മതിച്ച ഉടമ്പടിയുടെ ആദ്യ രണ്ട് കൽപ്പനകൾ- യഹോവയല്ലാതെ മറ്റൊരു ദൈവമുണ്ടാകരുത്, ഒരു  വിഗ്രഹം ഉണ്ടാക്കരുത് - ലംഘിക്കുന്നു. ഇനി നടക്കുന്ന കാര്യങ്ങൾ ശരിക്കും പ്രധാനപ്പെട്ടതാണ്. ചുവടെ സംഭവിക്കുന്നതെന്താണെന്ന് ദൈവത്തിനറിയാം. അതിനാൽ അവൻ ആദ്യം മോശെയെ സ്വന്തം കോപവും വേദനയും അറിയിക്കുന്നു. താൻ ചെയ്യാൻ ആഗ്രഹിക്കുന്ന കാര്യങ്ങൾ മോശയോട് പറയുന്നു, അതായത്, താൻ ഇസ്രായേലിനെ തുടച്ചുനീക്കാൻ പോകുന്നു. എന്നാൽ മോശെ ദൈവത്തിന്റെ സ്വഭാവത്തിന്റെ അടിസ്ഥാനത്തിൽ യിസ്രായേൽ ജനത്തിനുവേണ്ടി മദ്ധ്യസ്ഥത കഴിക്കുന്നു. മോശെ പറഞ്ഞു:  ഒന്നാമതായി, ഇസ്രായേലിനെ നശിപ്പിച്ചാൽ അബ്രഹാമിനോടുള്ള ദൈവത്തിന്റെ ഉടമ്പടി വാഗ്ദാനങ്ങളിൽ നിന്നു താൻ പിന്മാറി എന്നു വരും. രണ്ടാമതായി, ദൈവത്തിന്റെ നാമത്തിന്റെ പ്രശസ്തി ജാതികൾക്കിടയിൽ ദുഷിക്കപ്പെടും. ദൈവം തന്റെ സ്വന്തം ജനത്തെ  നശിപ്പിക്കുന്നത് ജാതികൾ കണ്ടാൽ അവർ എന്ത് ചിന്തിക്കും? അതുകൊണ്ടു തന്റെ ജനത്തെ നശിപ്പിക്കരുത് എന്ന് മോശെ അപേക്ഷിക്കുന്നു. ഏതായാലും ദൈവം മോശെയുടെ മധ്യസ്ഥത സ്വീകരിച്ചു. വിഗ്രഹാരാധനയ്ക്ക് പ്രേരിപ്പിച്ചവരുടെ മേൽ ദൈവം ന്യായവിധി നടത്തുകയും, ശേഷിക്കുന്ന ജനതയോടു മൊത്തത്തിൽ താൻ ക്ഷമിക്കുകയും, തന്റെ ഉടമ്പടി പുതുക്കുമെന്ന് വാഗ്ദാനം ചെയ്യുകയും ചെയ്യുന്നു.