എന്നാൽ കാര്യങ്ങൾ പെട്ടെന്ന് തകിടം മറിയുന്നു. അവർ ദൈവത്തിൽ നിന്നാണ് അതുവരെ നന്മ തിന്മകളെ കുറിച്ചുള്ള അറിവ് നേടിയിരുന്നത്. എന്നാൽ ഈ അറിവ് നിങ്ങൾക്കു സ്വതന്ത്രമായി നേടുവാൻ സാധിക്കും; അതിനു നിങ്ങൾ തോട്ടത്തിന്റെ നടുവിൽ നിൽക്കുന്ന, നന്മ തിന്മകളെ കുറിച്ചുള്ള അറിവിന്റെ വൃക്ഷഫലം തിന്നാൽ മതി എന്ന് പാമ്പിന്റെ വേഷത്തിൽ വന്ന പിശാച് അവരെ പറഞ്ഞു ധരിപ്പിക്കുന്നു. അതിൽ വഞ്ചിതയായി തീർന്ന സ്ത്രീ ദൈവം കഴിക്കരുതെന്ന് കല്പിച്ച നന്മ തിന്മകളെ കുറിച്ചുള്ള അറിവിൻ വൃക്ഷഫലം പറിച്ചു തിന്നുന്നു. തന്റെ ഭർത്താവിനും കൊടുക്കുന്നു. അവനും അത് ഭക്ഷിക്കുന്നു. അങ്ങനെ അവർ ദൈവത്തിന്റെ കൽപ്പനകളെ ലംഘിക്കുന്നു.

​അതവരെ ദൈവത്തിന്റെ ന്യായവിസ്താരത്തിലേക്ക് നയിക്കുന്നു. അവർ തെറ്റുസമ്മതിക്കുന്നതിനു പകരം പരസ്പരം സംശയിക്കുകയും കുറ്റപ്പെടുത്തുകയും ചെയ്യുന്നു. ദൈവം അവരെ ഏദൻ തോട്ടത്തിൽ നിന്നു പുറത്താക്കുന്നു. അങ്ങനെ അവർ മരുഭൂമിയിൽ തിരിച്ചെത്തുന്നു. മനുഷ്യർക്ക് ജീവജലത്തിലേക്കുള്ള പ്രവേശനം നഷ്ടമായി. അതോടെ അവർക്ക് ദൈവിക സാന്നിദ്ധ്യം നഷ്ടമായി എന്നു മാത്രമല്ല, ആ ദൈവികജീവിതം ഏദൻ തോട്ടത്തിനു വെളിയിലേക്ക് വ്യാപിപ്പിക്കാൻ കഴിയാതെയുമായി. ദൈവത്തിനു അവരെ കുറിച്ചുണ്ടായിരുന്ന ഹിതം നിവൃത്തിപ്പാൻ കഴിയാത്ത അവസ്ഥ അതിലൂടെ സംജാതമായി. എന്നാൽ ദൈവത്തിനു അവരോട് കരുണ തോന്നി അവരെ രക്ഷിക്കുവാൻ ഒരു രക്ഷകനെ വാഗ്ദത്തം ചെയ്യുന്നു. സ്ത്രീയുടെ സന്തതിയായി വരുന്നവൻ സർപ്പത്തിന്റെ തലയെ തകർത്ത് തിന്മയിൽ നിന്നു അവരെ രക്ഷിക്കും എന്ന വാഗ്ദത്തം നൽകുന്നു.

​അവരുടെ പാപത്തിന്റെ പരിണതഫലം വലിയതായിരുന്നു. അവരുടെ ആദ്യപാപം പതിന്മടങ്ങായി മക്കളിൽ വർദ്ധിച്ചു പെരുകി. മൂത്തമകനായ കയീൻ ഇളയമകനായ ഹാബേലിനെ കൊല്ലുന്നു. അവരുടെ സന്തതി പരമ്പര ഭൂമിയിൽ വർദ്ധിച്ചു പെരുകുന്നു. മനുഷ്യർ വർദ്ധിച്ചു പെരുകുന്നതിനനുസരിച്ച് തിന്മയും വർദ്ധിച്ചു പെരുകി. പിന്നീട് ദൈവം തന്റെ രക്ഷാപദ്ധത്തി നടപ്പാക്കാൻ  അബ്രാഹം എന്ന മനുഷ്യനെ തെരഞ്ഞെടുത്ത് അവനെ അനുഗ്രഹിക്കുന്നു. അവനു ഒരു പേരും, അനവധി സന്തതി പരമ്പരകളേയും, ഒരു രാജ്യവും, വരുവാനുള്ള ഒരു മശിഹൈക രാജാവിനേയും വാഗ്ദത്തം നൽകുന്നു. 

അബ്രാഹമിന്റെ സന്തതിയായ ഇസഹാക്കിലും ഒരു ഭിന്നിപ്പിക്കപ്പെട്ട കുടുംബമാണ് നാം കാണുന്നത്. ജേക്കബിന്റെ കഥയിൽ, തന്റെ സ്വാർത്ഥമായ തന്ത്രം കുടുംബബന്ധങ്ങളെ നശിപ്പിക്കുന്നു. തന്റെ സഹോദരന്റെ അവകാശം ഉപായത്തിൽ കൈക്കലാക്കിയ ജേക്കബ് ഭവനത്തിൽ നിന്നു ഓടിപ്പോകേണ്ടതായ് വന്നു. തന്റെ മരുഭൂമിയിലെ പ്രയാണത്തിൽ ഒരു 'കിണർ'  കണ്ടെത്തുന്നു അവിടെ അയാൾ ഒരു സ്ത്രീയെ കണ്ടുമുട്ടുകയും അവിടെ ഏദൻ തോട്ടത്തിന്റെ പ്രതിതി ഉണ്ടാവുകയും ചെയ്യുന്നു. ആ പുരുഷനും സ്ത്രീയും ആ ജലസ്രോതസ്സിന്നരികെ പരസ്പം ആശയവിനിമയം നടത്തുകയും അതവരുടെ വിവാഹബന്ധത്തിൽ കലാശിക്കുകയും ചെയ്യുന്നു. ദൈവം ഈ യാക്കോബിലൂടെ ഇസ്രായേൽ എന്ന വലിയ കുടുംബത്തെ അഥവാ ദൈവം അബ്രാഹമിനോട് വാഗ്ദത്തം ചെയ്ത രാജ്യത്തെ അതെ അതെ അതെ സൃഷ്ടിക്കുന്നു.

​ദൈവം തന്റെ ജീവിതത്തിൽ പങ്കാളികളാകാനും ആ ജീവിതം മറ്റുള്ളവരിലേക്ക് വ്യാപിപ്പിക്കാനും അവൻ അവരെ ക്ഷണിക്കുന്നു. ചിലപ്പോൾ അവർ ഇത് ചെയ്യും. എന്നാൽ പലപ്പോഴും അതിൽ അവർ പരാജയപ്പെടുകയും ചെയ്യുന്നു. അവരുടെ സന്തതി പരമ്പരകളും അതേ  ആത്മാവിന്റെ വരൾച്ചയുമായി പൊരുതിക്കൊണ്ടിരുന്നു. അവർ കൂടുതൽ ശക്തിക്കും കൂടുതൽ നിയന്ത്രണത്തിനുമായി ദാഹിക്കുന്നു. അത് അവരെ അക്രമത്തിന്റെയും സ്വയ-നാശത്തിന്റെയും പാതയിലേക്ക് നയിക്കുന്നു. അങ്ങനെ അവർ ഒരു പുതിയ മരുഭൂമിയിൽ, അതായത് മിസ്രയിമിൽ, അടിമകളായി തീരുന്നു. നമ്മുടെ ദാഹം ശമിപ്പിക്കാനുള്ള സ്വന്തശ്രമങ്ങളെല്ലാം നമ്മെ കൊല്ലുകയാണെന്ന് മനുഷ്യൻ മനസ്സിലാക്കുന്നില്ല.

​​ദൈവം പിന്നേയും അവരെ കനാൻ ദേശത്ത് എത്തിച്ചെങ്കിലും ദൈവത്തിന്റെ സ്വരത്തിനു ചെവികൊടുക്കുവാൻ, ദൈവത്തിൽ നിന്നു നന്മയും തിന്മയും തിരിച്ചറിഞ്ഞ് അനുഗ്രഹം പ്രാപിപ്പാൻ, അവർക്കു കഴിഞ്ഞില്ല. അതിനാൽ അവർ വീണ്ടും പ്രവാസത്തിലേക്ക് പോകേണ്ടിവരുന്നു. പിന്നീടു യെഹസ്കേൽ പ്രവചനത്തിൽ, മരുഭൂമിയിൽ ചിതറിക്കിടക്കുന്ന വരണ്ട അസ്ഥികളുടെ കൂമ്പാരം പ്രവാചകൻ ദർശിക്കുന്നു.  അവർക്കു താൻ ജിവനും ചൈതന്യവും വരുത്തുമെന്ന് ദൈവം പ്രവാചകനോട് പറയുന്നു. തന്റെ ആത്മാവിനെ പകർന്ന് അവർക്ക് ഒരു പുതിയ ഹൃദയം നൽകും; അവർക്ക് ദൈവത്തിന്റെ ആത്മാവിനാൽ ദൈവത്തെ അനുസരിക്കുവാനും ദൈവത്തിന്റെ ഹിതം നിവൃത്തിക്കുവാനും  സാധിക്കും. അങ്ങനെ ഒരു പുതിയ 'ഏദൻ' മനുഷ്യരുടെ ഇടയിൽ സാധിതമാക്കും എന്ന് പ്രവാചകനിലൂടെ ദൈവം അരുളിച്ചെയ്യുന്നു. അതായത്, ദൈവികജീവിതം മറ്റുള്ളവരിലേക്ക് വ്യാപിപ്പിക്കാൻ കഴിയുന്ന പുതിയ ആളുകൾ ആളുകൾ; വീണ്ടും ജനിച്ച ദൈവമക്കൾ ഉണ്ടാകും.