സ്വവർഗ്ഗവിവാഹത്തിനു പ്രാധാന്യം കൽപ്പിക്കുന്ന ഒരു സംസ്ക്കാരത്തിലാണ് നാമിന്നു ജിവിക്കുന്നത്. പുരുഷനും പുരുഷനും തമ്മിലും സ്ത്രീയും സ്ത്രീയും തമ്മിലും ഉള്ള വിവാഹത്തിനു നിയമപരമായ സാധുത പലരാജ്യങ്ങളും ഇതിനോടകം നൽകി കഴിഞ്ഞിരിക്കുന്നു. മറ്റുചിലർ വിവാഹത്തെ എതിർക്കുകയൊ വെറുക്കുകയൊ ചെയ്യുന്നു. എന്നാൽ വിവാഹമെന്ന വിഷയത്തിൽ ദൈവത്തിന്റെ രുപകല്പന സ്തീയും പുരുഷനും പറ്റിച്ചേർന്ന് ഏകഹൃദയമായി, സുവിശേഷം തങ്ങളുടെ ജീവിതത്തിൽ പ്രതിഫലിപ്പിച്ചു കൊണ്ട് ആനന്ദകരമായ ജീവിതം നയിക്കുന്നതിനുവേണ്ടിയാണ്.

വില്യം ഷേക്സ്പിയറിന്റെ KingHenry V (ACT_V_SCENE_II) എന്ന നാടകത്തിൽ വളരെ പ്രസിദ്ധമായ ആയ ഒരു പ്രസ്താവന ഉണ്ട്. അതിപ്രകാരമാണ് “God, the best maker of all marriages, combine your hearts in one, your realms in one!” അതായത്, എല്ലാ വിവാഹങ്ങളുടെയും സൃഷ്ടാവായ ദൈവം നിങ്ങളുടെ ഹൃദയങ്ങളെ ഒന്നാക്കുന്നു. ഇരു തലങ്ങളേയും ഒന്നിപ്പിക്കുന്നു. സ്ത്രീയും പുരുഷനും വാസ്തവത്തിൽ ഇരുഹൃദയങ്ങൾ ആണെങ്കിലും, സ്നേഹത്തിൽ അവർ ഒരു ഹൃദയമായി തീരുന്നു. പിന്നെ അവർക്ക് വ്യത്യസ്ഥങ്ങളായ സാമ്രാജ്യങ്ങൾ അല്ല. പിന്നെ അവർക്കുള്ളത് ഏകസാമ്രാജ്യമാണ്.

വിവാഹജീവിതത്തിൽ അനേകം സംഘർഷങ്ങളും, വേദനകളും, ദുരിതങ്ങളും ഉണ്ടാകുന്നതിന് കാരണം ഭാര്യയും ഭർത്താവും സ്വന്തം സന്തോഷം മാത്രം അന്വേഷിക്കുന്നു എന്നതു മൂലമാണ്. എന്നാൽ ഇതരവ്യക്തിയുടെ സന്തോഷത്തിൽ മാത്രം ശ്രദ്ധവെച്ചാൽ ഈ ദുരിതങ്ങൾക്കൊരറുതി വരുത്തുവാൻ കഴിയും. ക്രിസ്തു അങ്ങനെ ചെയ്യുന്നതു കൊണ്ട് നിങ്ങളും അങ്ങനെ ചെയ്യുക എന്നുള്ളതാണ് ഇങ്ങനെയൊരു കല്പനക്ക് ആധാരമായിരിക്കുന്നത്.

ദാമ്പത്യം എങ്ങനെ വിജയകരമാക്കാം എന്നതിനെക്കുറിച്ച് കൂടുതൽ അറിയാൻ വായന തുടരുക: How to make a marriage successful):

മഹാനായ ചാൾസ് സ്പർജ്ജൻ ഒരിക്കൽ ഇപ്രകാരം പറയുകയുണ്ടായി: “നിങ്ങൾ കുഞ്ഞുങ്ങളെ അവർ പോകേണ്ടുന്ന വഴിയിൽ അഭ്യസിക്കുക. അതേസമയം നിങ്ങളും അതേ വഴിയിൽ തന്നെ പോകുന്നു എന്ന് ഉറപ്പുവരുത്തുക.”

നാം സുവിശേഷം വിശ്വസിക്കുന്നു എന്നു പറയുകയും ആ സുവിശേഷം നമ്മുടെ മക്കളുടെ മുൻപിൽ ജീവിച്ചു കാണിക്കുകയും ചെയ്യുന്നില്ലെങ്കിൽ കുട്ടികൾ നേരായ രീതിയിൽ വളർന്നു വരികയില്ല. കാരണം മക്കൾ എപ്പോഴും തങ്ങളുടെ മാതാപിതാക്കളെയാണ് മാതൃകയാക്കാൻ ശ്രമിക്കുക. മാതാപിതാക്കൾക്ക് പ്രയോജനം ചെയ്യാത്ത സുവിശേഷം തങ്ങൾ മുറുകെ പിടിച്ചിട്ടെന്തു കാര്യം എന്നവർ ചിന്തിക്കും.