അഫ്ഗാനിസ്താനുവേണ്ടി പ്രാർത്ഥിക്കുക!

പതിറ്റാണ്ട് മുമ്പ് താലിബാൻ സൈന്യം തങ്ങൾക്ക് നഷ്ടപ്പെട്ട രാജ്യത്തിന്റെ പൂർണ നിയന്ത്രണം തിരിച്ചുപിടിച്ചു. അഫ്ഗാനിസ്ഥാന്റെ ഭാവി എന്തായിരിക്കുമെന്ന് ഉറപ്പില്ലെങ്കിലും, വരും ദിവസങ്ങളിൽ അഫ്ഗാൻ ക്രിസ്ത്യാനികൾ ഗുരുതരമായ അപകടം നേരിടേണ്ടിവരുമെന്ന് നമുക്ക് പ്രതീക്ഷിക്കാം.

ഒരു യുഎസ് സൈനിക സാന്നിധ്യത്തിന്റെ നിയന്ത്രണ ശക്തി ഉണ്ടായിരുന്നിട്ടു പോലും, അഫ്ഗാനിസ്ഥാൻ "ഉത്തര കൊറിയ കഴിഞ്ഞാൽ പീഡനത്തിൽ ഏറ്റവും മുൻപന്തിയിൽ നിൽക്കുന്ന ഒരു രാജ്യമായി Open Doors പട്ടികപ്പെടുത്തിയിട്ടുണ്ട്. ക്രിസ്ത്യാനികളായി മനഃപരിവർത്തനം ചെയ്തവരാണ് എന്ന് കണ്ടെത്തിയാൽ ഗുരുതരമായ പ്രത്യാഘാതങ്ങൾ നേരിടേണ്ടതായ് വരും. Open doors സൂചിപ്പിക്കുന്നതുപോലെ, ഒന്നുകിൽ അവർക്ക് രാജ്യം വിടണം, അല്ലെങ്കിൽ അവർ കൊല്ലപ്പെടും.

യുഎസ് സൈന്യം അതിവേഗം രാജ്യത്ത് നിന്ന് പുറത്തുപോകുമ്പോൾ, അഫ്ഗാനിസ്ഥാനിലെ ക്രിസ്തുവിന്റെ അനുയായികൾ കൂടുതൽ പീഡനത്തിന് ഇരയാകും.

കഴിഞ്ഞ 20 വർഷമായി പാശ്ചാത്യ സേനയെ സഹായിച്ചവരെപ്പോലെ പെൺകുട്ടികളും സ്ത്രീകളും കഷ്ടപ്പെടും. ദുർബലരായ ഈ ജനവിഭാഗങ്ങൾക്കായി നാം ഉത്സാഹപൂർവ്വം പ്രാർത്ഥിക്കേണ്ടതുണ്ട്, വരാനിരിക്കുന്ന കഷ്ടപ്പാടുകളിൽ നിന്ന് ദൈവം അവരെ സംരക്ഷിക്കണമെന്ന് നമുക്കു പ്രാർത്ഥിക്കാം.

അഫ്ഗാനിസ്ഥാനിലെ ഭീകരതക്കും അക്രമത്തിനും എത്രയും പെട്ടെന്ന് ഒരു പരിഹാരം വരേണ്ടതിനായി പ്രാർത്ഥിക്കുക.

സത്യം അന്വേഷിക്കുന്ന അഫ്ഗാനികൾ ക്രിസ്തുവിൽ തങ്ങളുടെ പുതിയ ഐഡന്റിറ്റി കണ്ടെത്തുന്നതിനായി പ്രാർത്ഥിക്കുക.

അഫ്ഗാൻ വിശ്വാസികളുടെ സംരക്ഷണത്തിനും അവർ വിശ്വാസത്തിൽ നിലനിൽക്കുന്നതിനുമായി പ്രാർത്ഥിക്കുക.

അസുഖമുള്ളവർക്കുവേണ്ടിയും നാം പ്രാർത്ഥിക്കണം. Open Doors ചൂണ്ടിക്കാണിക്കുന്നതുപോലെ, “അന്താരാഷ്ട്ര മാധ്യമങ്ങളിൽ റിപ്പോർട്ട് ചെയ്യപ്പെട്ടിട്ടില്ലെങ്കിലും, രാജ്യത്ത് കോവിഡ് -19 കേസുകൾ വർദ്ധിക്കുന്നു, ആശുപത്രികൾ പരിമിതമാണ്. പുതിയ താലിബാൻ ഗവൺമെന്റിനൊപ്പം ആരോഗ്യസംരക്ഷണ സംവിധാനത്തിന് എങ്ങനെ നിലനിൽക്കാനാകുമെന്ന കാര്യത്തിൽ ഒരു നിശ്ചയവുമില്ല. ഭരണകൂടത്തിന്റെ പതനം കൂടുതൽ തീവ്രവാദത്തിലേക്കും ഭീകരതയിലേക്കും നയിക്കരുതെന്നും നമ്മൾ പ്രാർത്ഥിക്കണം.

നമ്മുടെ ശത്രുക്കളെ സ്നേഹിക്കാനും പ്രാർത്ഥിക്കാനും യേശു കൽപന നൽകിയപ്പോൾ, ഒരു ദിവസം തന്റെ വധുവിനെ കൊലപ്പെടുത്തിയ താലിബാനെപ്പോലുള്ള ഇസ്ലാമിക തീവ്രവാദ ഗ്രൂപ്പുകൾക്ക് വേണ്ടി പ്രാർത്ഥിക്കേണ്ടത് ആവശ്യമാണെന്ന് കർത്താവിനു അറിയാമായിരുന്നു. താലിബാന് വേണ്ടി പ്രാർത്ഥിക്കുന്നത് നമ്മൾ തിരഞ്ഞെടുക്കുന്ന ഒന്നല്ല. എന്നാൽ യേശു നമ്മോട് കൽപ്പിച്ചത് അതാണ്.

നമ്മുടെ അഫ്ഗാൻ സഹോദരങ്ങളെ കൊല്ലുന്നവർക്കായി നമുക്ക് പ്രാർത്ഥിക്കാൻ കഴിയുന്ന മൂന്ന് പ്രത്യേക വഴികൾ ഇതാ:

താലിബാന്റെ മനഃപരിവർത്തനത്തിനായി പ്രാർത്ഥിക്കുക.

താലിബാനെപ്പോലുള്ള ഇസ്ലാമിക തീവ്രവാദികളുടെ മനഃപരിവർത്തനത്തിനായി പ്രാർത്ഥിക്കാതിരിക്കാൻ നമ്മേ പ്രേരിപ്പിക്കുന്ന രണ്ട് പ്രധാന കാരണങ്ങളുണ്ട്. അവർ ക്രിസ്തുവിന്റെ അനുയായികളാകുമെന്ന് കരുതുന്നത് അസംബന്ധമാണെന്ന് നാം വിശ്വസിക്കുന്നു എന്നതാണ് ആദ്യ കാരണം. രണ്ടാമത്തെ കാരണം അവർ യഥാർത്ഥത്തിൽ മനം മാറുമെന്ന് നാം ഭയപ്പെടുന്നു എന്നതാണ്.

ആദ്യ കാരണം കൂടുതൽ സാധാരണമാണ്, കാരണം തീവ്രവാദികൾ മനം മാറുമെന്ന് പ്രാർത്ഥിക്കുന്നത് ഉപയോഗശൂന്യമായ ഒരു അപേക്ഷ പോലെ തോന്നുന്നു. ദൈവം നമുക്കുവേണ്ടി ചെയ്‌തത് അവർക്കുവേണ്ടി ചെയ്യാൻ കഴിയുമെന്ന ദൈവശാസ്ത്രപരമായ സത്യം നാം തിരിച്ചറിയുന്നു: അവർ രക്ഷിക്കപ്പെടാൻ കൃപാവരം നൽകുക (എഫെ. 2: 8). എന്നാൽ നാം "യാഥാർത്ഥ്യബോധത്തോടെ" സാഹചര്യം നോക്കുകയും അവരുടെ യഥാർത്ഥ മനപരിവർത്തനത്തിന്റെ സാധ്യത പൂജ്യത്തോട് വളരെ അടുത്താണെന്ന് നമ്മോട് തന്നെ പറയുകയും ചെയ്യുന്നു, അത് നമ്മുടെയും ദൈവത്തിന്റെയും സമയം മിനക്കെടുത്തുന്നതാണ് എന്ന നിലയിൽ നാം ചോദിക്കാൻ പോലും ബുദ്ധിമുട്ടുന്നു.

അത്തരം പരിവർത്തനങ്ങൾ സാധ്യതയില്ലാത്തതും അപൂർവവുമാണ് എന്നതിൽ സംശയമില്ല. എന്തായാലും അവരുടെ മപരിവർത്തനത്തിനായി നമ്മൾ പ്രാർത്ഥിക്കണം. നമ്മൾ ശരിക്കും നമ്മുടെ ശത്രുവിനെ സ്നേഹിക്കുന്നുവെങ്കിൽ, അവരുടെ ഹൃദയങ്ങൾ മാറ്റാൻ നമുക്ക് എങ്ങനെ ദൈവത്തോട് അപേക്ഷിക്കാനാവില്ല?

അവരുടെ പരിവർത്തനത്തിനായി നമ്മൾ പ്രാർത്ഥിക്കാത്തതിന്റെ മറ്റൊരു കാരണം, അവർ യഥാർത്ഥത്തിൽ അനുതപിക്കുമെന്ന് നാം ഭയപ്പെടുന്നു എന്നതാണ്. നിനെവേയിലെ യോനയെപ്പോലെ, നമ്മുടെ ശത്രുക്കൾക്ക് കരുണയും ക്ഷമയും അല്ല, അവർക്ക് ശിക്ഷയുണ്ടാകണമെന്ന് നാം ആഗ്രഹിക്കുന്നു. എന്നാൽ അതു ശരിയല്ല. അവരുടെ മാനസാന്തരത്തിനായി പ്രാർത്ഥിക്കുക.

ഉദാഹരണത്തിന്, രണ്ടാം ലോകമഹായുദ്ധസമയത്ത്, യേശുവിന്റെ കൽപ്പന അനുസരിക്കുകയും നാസികൾക്കായി പ്രാർത്ഥിക്കുകയും ചെയ്ത നിരവധി ക്രിസ്ത്യാനികൾ ഉണ്ടായിരിക്കാം. എന്നിട്ടും ഹിറ്റ്‌ലർ തന്റെ മരണത്തിന് മുമ്പുള്ള നിമിഷങ്ങളിൽ, തന്റെ പാപങ്ങളെക്കുറിച്ച് ശരിക്കും അനുതപിക്കുകയും ദൈവം ക്ഷമിക്കുകയും ചെയ്തുവെന്ന് കണ്ടെത്തിയാൽ ആ പ്രാർത്ഥന യോദ്ധാക്കൾക്ക് എങ്ങനെ തോന്നും? അത്തരം ഭയാനകമായ കുറ്റകൃത്യങ്ങൾ ക്ഷമിക്കുന്നത് ദൈവത്തിന് അന്യായമാണെന്നതുപോലെ, പലരും വഞ്ചിക്കപ്പെട്ടു. ദൈവം നിനെവേറ്റുകാരെ ഒഴിവാക്കിയപ്പോൾ യോന ചെയ്തതുപോലെ, അവർ പരാതിപ്പെടാൻ ആഗ്രഹിച്ചേക്കാം, "നീ ദയയുള്ളവനും അനുകമ്പയുള്ളവനുമാണെന്ന് എനിക്കറിയാമായിരുന്നു, കോപത്തിന് മന്ദതയും സ്നേഹവും നിറഞ്ഞവനാണ്, ദുരന്തം അയയ്ക്കുന്നതിൽ നിന്ന് പിന്മാറുന്ന ദൈവം" (യോന 4: 2) ?

പക്ഷേ, അവൻ കരുണയുള്ളവനും അനുകമ്പയുള്ളവനുമായ ദൈവമായതുകൊണ്ടാണ് നമ്മുടെ ശത്രുക്കളുടെ മാനസാന്തരത്തിനായി നമ്മൾ പ്രാർത്ഥിക്കേണ്ടത്. ദൈവത്തോട് ചോദിക്കുന്നതിനേക്കാൾ കുറഞ്ഞ എന്തെങ്കിലും നമുക്ക് എങ്ങനെ ചെയ്യാൻ കഴിയും.

അവരുടെ കൂട്ടത്തിൽ അഫ്ഗാനിസ്ഥാനിലെ "വിശ്വാസികളുടെ ഒരു ചെറിയ കൂട്ടം" "കയ്യാലപ്പുറത്തെ തേങ്ങയെപോലെ, ആരെയാണ് വിശ്വസിക്കേണ്ടതെന്ന് നിശ്ചയമില്ലാതെയിരിക്കുന്നു". അഫ്ഗാനിസ്ഥാൻ ക്രിസ്ത്യാനികൾക്ക് "ദൈവത്തിന്റെ വാഗ്ദാനങ്ങളിൽ ശക്തിയും ജ്ഞാനവും അമാനുഷിക സമാധാനവും" കണ്ടെത്താൻ പ്രാർഥിക്കുക.

"അഫ്ഗാനിസ്ഥാനിൽ നിന്ന് മിഡിൽ ഈസ്റ്റിന്റെ പല ഭാഗങ്ങളിലേക്കും അഭയാർഥികളുടെ പുതിയ തരംഗം പ്രതീക്ഷിക്കപ്പെടുന്നതിനാൽ" കുടിയൊഴിപ്പിക്കപ്പെട്ട വ്യക്തികളുടെയും കുടുംബങ്ങളുടെയും സംരക്ഷണത്തിനായി പ്രാർത്ഥിക്കുക.

സ്ത്രീകൾക്കും പെൺകുട്ടികൾക്കുമായി പ്രാർത്ഥിക്കാൻ വിശ്വാസികളെ പ്രോത്സാഹിപ്പിക്കുന്നു, കാരണം "താലിബാൻ ഭരണം എന്നാൽ വിദ്യാഭ്യാസത്തിനുള്ള അവസരങ്ങൾ നഷ്ടപ്പെടുമെന്ന് ഭയപ്പെടുന്നു." കൂടാതെ, കഴിഞ്ഞ വർഷങ്ങളിൽ വിദ്യാഭ്യാസത്തിൽ ഏർപ്പെട്ടിരിക്കുന്ന സ്ത്രീകളും അപകടത്തിലായേക്കാം.

അവസാന വിഷയം അഫ്ഗാനിസ്ഥാൻ "തീവ്രവാദികളുടെ താവളമായി" മാറരുതെന്ന് പ്രാർത്ഥിക്കേണ്ടതിന്റെ ആവശ്യകതയാണ്.

"20 വർഷങ്ങൾക്ക് മുൻപുള്ള താലിബാൻ സർക്കാർ തീവ്ര ഇസ്ലാമിക സംഘടനകളുടെ അറിയപ്പെടുന്നവരാണ്," ഓപ്പൺ ഡോർസ് റിപ്പോർട്ട് പറയുന്നു. "അഫ്ഗാനിസ്ഥാനിൽ അവരുടെ പുതിയ നിയന്ത്രണം വന്നാൽ, രാജ്യം ഒരു പുതിയ തലമുറ ഭീകരസംഘടനകൾക്ക് ആതിഥേയത്വം വഹിച്ചേക്കാം."