ഒരു സഭ വിജയകരമാണോ എന്ന് നമുക്ക് എങ്ങനെ അളക്കാൻ കഴിയും? ഇതൊരു സങ്കീർണ്ണമായ ചോദ്യമാണ്, ചിലപ്പോൾ, നമുക്ക് അനുചിതമായ മാനദണ്ഡങ്ങൾ പ്രയോഗിച്ചേക്കാം. ഉദാഹരണത്തിന്, ഒരു വലിയ സഭ വിജയകരമാണെന്ന് നമുക്ക് അനുമാനിക്കാം, അതേസമയം ഒരു ചെറിയ സഭ വിജയകരമല്ല. അംഗത്വം വർദ്ധിക്കുകയാണെങ്കിൽ, നമ്മൾ പലപ്പോഴും അതിനെ വിജയമെന്ന് മുദ്രകുത്തുന്നു; അത് സംഭവിച്ചില്ലെങ്കിൽ, നമ്മൾ അത് പരാജയപ്പെട്ടതായി കണക്കാക്കാം. വലിയ കെട്ടിടങ്ങളെയും ശക്തമായ പ്രശസ്തിയെയും വിജയവുമായി ബന്ധപ്പെടുത്താൻ ഞങ്ങൾ പ്രവണത കാണിക്കുന്നു, അതേസമയം ചെറിയ സൗകര്യങ്ങളോ അത്ര അറിയപ്പെടാത്ത സഭകളോ - വിപരീതമാണ് നിർദ്ദേശിക്കുന്നത്. എന്നിരുന്നാലും, ഇവ ബിസിനസ് അധിഷ്ഠിതമാണോ എന്ന് നാം പരിഗണിക്കണം

ആരും വർത്തമാനകാലത്തിനുവേണ്ടിയല്ല, ഭാവിക്കുവേണ്ടിയാണ് ജീവിക്കുന്നത്. ആളുകൾ ജീവിക്കുന്ന ജീവിതം സൂക്ഷ്മമായി പരിശോധിച്ചാൽ, നമ്മിൽ മിക്കവരും ഈ വർത്തമാന നിമിഷത്തിനുവേണ്ടി വളരെ കുറച്ച് കാര്യങ്ങൾ മാത്രമേ ചെയ്യുന്നുള്ളു എന്ന് നമുക്ക് മനസ്സിലാകും. നമ്മൾ ചെയ്യുന്ന മിക്ക കാര്യങ്ങളും നമ്മുടെ ഭാവിക്കുവേണ്ടിയാണ് ചെയ്യുന്നത്. ഈ ലോകത്തിലെ ഒരു സാധാരണ ജീവിതം ഇങ്ങനെയാണ് കാണപ്പെടുന്നത്.

ഈ നിരീക്ഷണത്തിന്റെ വെളിച്ചത്തിൽ, കർത്താവായ യേശുക്രിസ്തുവിന്റെ ശിഷ്യന്മാരായ നമ്മൾ ഭാവിയെ മനസ്സിൽ വെച്ചുകൊണ്ട് വർത്തമാനകാലം ജീവിക്കാൻ ആഹ്വാനം ചെയ്യപ്പെട്ടിരിക്കുന്നു. അങ്ങനെയെങ്കിൽ അത് ഒരു വിചിത്രമായ കാര്യമായി കണക്കാക്കുന്നത് എന്തുകൊണ്ട്? ഓ വിശുദ്ധരേ, നമ്മുടെ കർത്താവായ ക്രിസ്തുയേശുവിൽ നമുക്കുള്ള മഹത്വം മനസ്സിലാക്കി അനുഗ്രഹീതവുമായ ഭാവിയിലേക്ക് നമുക്ക് നമ്മുടെ കണ്ണുകളെ ഉറപ്പിക്കാം. നമ്മുടെ അനശ്വരമായ ഭാവിക്കുവേണ്ടി ഈ വർത്തമാനകാലം ജീവിക്കാം.

മൽക്കിസേദെക്കിനെക്കുറിച്ച് പഠിക്കാൻ അധികമാർക്കും താത്പ്പര്യമുണ്ടാവുമെന്ന് തോന്നുന്നില്ല, കാരണം നൂറ്റാണ്ടുകൾക്ക് മുമ്പ് ജീവിച്ചിരുന്ന ഈ അജ്ഞാത വ്യക്തിയെക്കുറിച്ച് പഠിച്ചതുകൊണ്ട് നമുക്ക് എന്തു ഗുണമാണുണ്ടാവുക? അദ്ദേഹത്തെക്കുറിച്ചു കൂടുതൽ മനസ്സിലാക്കുന്നതുകൊണ്ട് ഇന്നത്തെ ഞങ്ങളുടെ വർത്തമാനകാല പ്രശ്നങ്ങൾക്കു, പ്രതിസന്ധികൾക്ക് എങ്ങനെയാണ് പരിഹാരമുണ്ടാവുക. ഇതൊക്കെയായിരിക്കും ഒരുപക്ഷെ നിങ്ങളുടെ മനസ്സിലേക്കു വരിക. എന്നാൽ എബ്രായ ലേഖനകാരനു പറയാനുള്ളത്, "ഇവൻ എത്ര മഹാൻ എന്നു നോക്കുവിൻ;" എന്നാണ്. ഇത് ഒരു വർത്തമാനകാല കൽപ്പനയായിട്ടാണ് നൽകിയിരിക്കുന്നത്. അതായത്, തുടർമാനമായി പരിഗണിക്കുവാനും ശ്രദ്ധാപുർവ്വം വിവേചിക്കുവാനുമുള്ള കാര്യമായിട്ടാണ് ഹെബ്രായലേഖനകാരൻ മൽക്കിസെദെക്കിനെക്കുറിച്ചു പറയുന്നത്. അന്നത്തെ കാലത്ത് എന്ന പൊലെ ഇന്നും മൽക്കിസെദെക്കിനെക്കുറിച്ചു പഠിക്കുന്നതിൽ പ്രസക്തിയുണ്ട്. കാരണം, മൽക്കിസെദേക്കിനെ ക്രിസ്തുവിന്റെ ഒരു നിഴലായി അഥവാ ഒരു Type ആയി വെച്ചിരിക്കുന്നു. മൽക്കിസേദെക്കിനെക്കുറിച്ച് പഠിക്കുന്നത് ക്രിസ്തുവിൽ നിങ്ങളെ ഒരു തികഞ്ഞ വ്യക്തിയാക്കി മാറ്റും. മാത്രവുമല്ല, ദൈവം വെച്ചിരിക്കുന്ന ലക്ഷ്യത്തിൽ എത്തിച്ചേരാൻ അത് നിങ്ങളെ സഹായിക്കുകയും ചെയ്യും. ആയതിനാൽ മൽക്കിസേദെക്കിനെക്കുറിച്ച് പഠിക്കുന്നതിനായി ഹെബ്രായ ലേഖനം 7:1-10 വരെ വാക്യങ്ങൾ നമുക്കിപ്പോൾ വായിക്കാം.

ഇലക്ഷൻ വാഗ്ദാനങ്ങളുടെ പെരുമഴക്കാലമായിരുന്നല്ലൊ ഒന്നു രണ്ട് ആഴ്ചകൾക്ക് മുൻപ്. വിവിധ സ്ഥാനാർത്ഥികൾ, അവരുടെ രാഷ്ട്രീയ പാർട്ടി എന്തുതന്നെയായാലും, അനേകം വാഗ്ദാനങ്ങൾ ജനങ്ങളുടെ മുൻപിൽ നിരത്തുകയുണ്ടായി. ഇവയിൽ മിക്കവയും പൊള്ളയായ വാഗ്ദാനങ്ങളാണെന്നും അവയൊന്നും പൂർണ്ണമായും നിവൃത്തിക്കപ്പെടുകയില്ലെന്ന് നമുക്കറിയാം.

എന്നാൽ വിശ്വസിക്കാൻ കഴിയുന്ന വാഗ്ദാനങ്ങളെക്കുറിച്ചാണ് ഇന്നു ഞാൻ നിങ്ങളുമായി പങ്കുവെക്കാനാഗ്രഹിക്കുന്നത്. നിങ്ങൾക്കത് മുഖവിലക്കെടുത്ത് "വിശ്വസിക്കുവാൻ" കഴിയും, കാരണം ഈ വാഗ്ദാനങ്ങൾ മാറ്റമില്ലാത്ത ദൈവത്തിൽ നിന്നാണ് വരുന്നത്. അവൻ വാഗ്ദത്തങ്ങളിൽ വിശ്വസ്തനും വാക്കുമാറാത്തവനുമാണ്. മാത്രവുമല്ല, ഇവിടെ പറയുന്ന പ്രത്യേക വാഗ്ദാനങ്ങൾ ദൈവം നിവൃത്തിക്കുമെന്ന് തന്നെക്കൊണ്ടുതന്നെ സത്യം ചെയ്ത വാഗ്ദാനങ്ങളാണ്. നമുക്കത് പൂർണ്ണമായും വിശ്വസിക്കാം. ഇതാണ് നമ്മുടെ പ്രത്യാശയുടെ അടിസ്ഥാനമെന്നത്.

അതിലേക്കു വേളിച്ചം വീശുന്ന ഒരു വേദഭാഗത്തേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു. അതിനായി ഹെബ്രായലേഖനം 6:13-20 വരെ വാക്യങ്ങൾ വായിക്കാം.

ജോനാഥൻ എഡ്വേർഡ്സ് ഒരിക്കൾ ഇപ്രകാരം പറഞ്ഞൂ: സ്വർഗ്ഗത്തിലേക്കുള്ള വഴി ആരോഹണമാണ്; നമ്മുടെ ജഡസ്വാഭാവത്തിനു വിരുദ്ധവും കഠിനവും
ക്ഷീണിപ്പിക്കുന്നതുമാണെങ്കിലും, മുകളിലേക്ക് യാത്ര ചെയ്യാൻ നാം എപ്പോഴും സ്ഥിരോത്സാഹമുള്ളവരായിരിക്കണം. വിശ്വാസം, വിശ്വാസത്തിൽ നിന്ന് വീഴുന്നതിന്റെ അനന്തരഫലങ്ങൾ, സ്ഥിരോത്സാഹം എന്നീ വിഷയങ്ങളെക്കുറിച്ച് പ്രതിപാദിക്കുന്ന
ഒരു വേദഭാഗത്തിലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു.

അതിനായി എബ്രായർ 6:4-12 വാക്യങ്ങൾ നമുക്കു വായിക്കാം.

വിശ്വാസികളായി തീരുമ്പോൾ സ്വാഭാവികമായും നാമെല്ലാവരും തിരുവെഴുത്തിന്റെ അടിസ്ഥാന ഉപദേശങ്ങളുടെ പഠിതാക്കളാണ്. വീണ്ടുംജനനം മുതൽ ഒരു വിശ്വാസിയുടെ ആത്മീയവളർച്ച ആരംഭിക്കുന്നു. അവിടെനിന്നും പടിപടിയായി വളർന്ന് സുവിശേഷസത്യങ്ങളെക്കുറിച്ചുള്ള ആഴമായ പരിജ്ഞാനത്തിൽ എത്തിച്ചേരണം. അവ നമുക്ക് മറ്റുള്ളവരെ വിശ്വസ്തതയോടെ പഠിപ്പിക്കാൻ കഴിയണം. വിശ്വാസത്തിൽ പക്വത വന്ന ഒരു വ്യക്തി നീതിയുടെ വചനത്തിൽ പരിജ്ഞാനമുള്ളവനും ദൈവവചനത്തിന്റെ സ്ഥിരമായ പരിശീലനം കൊണ്ട് നന്മ തിന്മകളെ വിവേചിക്കുന്നവനുമാണ്. കൂടാതെ ക്രിസ്തുവിനെക്കുറിച്ച് പഴയനിയമത്തിൽ നിഴലായി പറഞ്ഞിരിക്കുന്ന കാര്യങ്ങളുടെ നിവൃത്തി യേശുക്രിസ്തുവിൽ കണ്ടെത്തി യേശുക്രിസ്തുവിനെ മുറുകെപിടിക്കുന്നവരും ആയിരിക്കണം. അതിലേക്ക് വെളിച്ചം വീശുന്ന ഒരു വേദഭാഗത്തിലേക്ക് ഞാൻ നിങ്ങളുടെ ക്ഷണിക്കുന്നു.

അതിനായി, ഹെബ്രായലേഖനം 5:11-6:3 വരെ വാക്യങ്ങൾ വായിക്കാം:

കഴിഞ്ഞ മാസം 20-ാം തീയതിയാണ് Donald Trump അമേരിക്കൻ പ്രസിഡന്റായി അധികാരമേറ്റത്. ഏതാണ്ട് ഒന്നൊന്നരവർഷം നീണ്ടുനിന്ന Election Campaign ന്റേയും വളരെ വാശിയേറിയ മത്സരത്തിന്റേയും അവസാനമാണ് തനിക്ക് ഈ വിജയം കൈവന്നത്. എന്നാൽ Election Campaign ൽ ഉടനീളം ചർച്ചചെയ്ത വിഷയം യോഗ്യതയെ സംബന്ധിച്ചുള്ളതാണ്. അവർക്കു അമേരിക്കയെ ക്കുറിച്ചുള്ള ദർശനങ്ങൾ തുടങ്ങി മറ്റുപലതും സമാന്തര വിഷയങ്ങ ളായി ചർച്ചചെയ്യപ്പെട്ടിരുന്നെങ്കിലും മുഖ്യവിഷയം യോഗ്യതയെ സംബന്ധിച്ചായിരുന്നു. അമേരിക്കയെ രക്ഷിക്കാൻ കമലാഹാരി സാണോ അതോ Donald Trump ആണോ യോഗ്യൻ. ഇവർ മുന്നോട്ടുവെച്ച വാഗ്ദാനങ്ങൾ നടപ്പിലാക്കാനുള്ള പ്രാപ്തി ഈ വ്യക്തികൾക്കുണ്ടോ?

പാപിയായ മനുഷ്യനെ പ്രതിനിധീകരിച്ചുകൊണ്ടും അവനോടു സൗമ്യമായി ഇടപെട്ടുകൊണ്ടും ദൈവസന്നിധിയിൽ യാഗമർപ്പി ക്കാനുള്ള യോഗ്യത കർത്താവായ യേശുക്രിസ്തുവിനുണ്ടോ? ഒരു മഹാപുരോഹിത നിയമനത്തിനാവശ്യമായ എല്ലാ നിബന്ധനകളും പാലിച്ചുകൊണ്ടാണോ യേശുവിനെ മഹാപുരോഹിതനാക്കിയത്? അതോ താൻ കേവലം ദൈവപുത്രനായതുകൊണ്ടു മാത്രം തന്നെ മഹാപുരോഹിതനാക്കിയതാണോ? തന്നിൽ വിശ്വസിക്കുന്നവരുടെ രക്ഷ ഉറപ്പാക്കാൻ യേശുക്രിസ്തുവിനു കഴിയുമൊ? ഇതിലേക്കു വെളിച്ചം വീഴുന്ന ഒരു വേദഭാഗത്തിലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുകയാണ്. അതിനായി, നാം പഠിച്ചുകൊണ്ടിരുന്ന എബ്രായലേഖനം അതിന്റെ 5:1-10 വരെ വാക്യങ്ങൾ വായിക്കാം.

Holy Roman Empire-ന്റെ ചക്രവർത്തിയായ Charles അഞ്ചാമൻ 1521 ഏപ്രിൽ 18-ന് രാഷ്ട്രത്തിലെ നേതാക്കന്മാരുടേയും മതമേലദ്ധ്യക്ഷന്മാരുടരയും (Pope Leo X-Papel Bull) ഒരു വിശുദ്ധ അസംബ്ലി Germany യിലെ Worms എന്ന പട്ടണത്തിൽ വിളിച്ചു കൂട്ടി. നവീകരണവക്താവായ മാർട്ടിൻ ലൂഥറിനെ ഔദ്യോഗിക മതമായ റോമൻ കത്തോലിക്കാ മതത്തിന്റെ ആശയങ്ങളുമായി അനുരഞ്ജിപ്പിക്കാനുള്ള ശ്രമമായിരുന്നു അതിനു പിന്നിൽ. ഇതാണ് പിൽക്കാലത്ത് Diet of Worms എന്ന പേരിൽ അറിയപ്പെട്ട ഇംപീരിയൽ അസംബ്ലി എന്നത്. റോമൻ ചക്രവർത്തിയായ ചാൾസ് അഞ്ചാമൻ ലൂഥറിനോട് തന്റെ ഉപദേശങ്ങളിൽ നിന്ന് പിന്മാറാൻ തയ്യാറുണ്ടോ എന്നു ചോദിച്ചു. അതിനു മാർട്ടിൻ ലൂഥറിന്റെ മറുപടി ഇപ്രകാരമായിരുന്നു : “I cannot and will not recant anything, for to go against conscience is neither right nor safe. Here I stand, I can do no other, so help me God. Amen.” “എനിക്ക് എന്തെങ്കിലും മറിച്ചു പറയാനൊ, ഉപേക്ഷിക്കുവാനൊ കഴിയുകയില്ല, കാരണം മനസ്സാക്ഷിക്ക് വിരുദ്ധമായി പ്രവർത്തിക്കുന്നത് ശരിയോ സുരക്ഷിതമോ അല്ല. ഇവിടെ ഞാൻ നിൽക്കുന്നു, എനിക്ക് മറ്റൊന്നും ചെയ്യാൻ കഴിയില്ല, അതിനാൽ എന്നെ സഹായിക്കൂ ദൈവമേ. ആമേൻ.” ജീവൻ തൃണവൽക്കരിച്ചും ലൂഥർ താൻ പ്രഖ്യാപിച്ച വിശ്വാസം മുറുകെപ്പിടിച്ചു. ദൈവപുത്രന്റെ കർത്തൃത്വത്തെയും ഉന്നത പൗരോഹിത്യത്തെയും കുറിച്ചുള്ള ആഴത്തിലുള്ള ബോദ്ധ്യമാണ് അദ്ദേഹത്തെ അതിനു നിർബ്ബന്ധിച്ചത്.

നമ്മുടെ വിശ്വാസം മുറുകപിടിക്കുവാനും ശ്രേഷ്ഠ മഹാപുരോഹിതന്റെ മദ്ധ്യസ്ഥതയിൽ കൃപാസനത്തോട് അടുത്ത് ചെന്ന് സഹായം അഭ്യർത്ഥിക്കാനും ഉള്ള എല്ലാ സാദ്ധ്യതയും ദൈവം നമുക്ക് ഒരുക്കിയിട്ടുണ്ട്. ആയതിനാൽ ഏതൊരു പ്രതിസന്ധിയേയും സ്ഥിരോത്സാഹത്തോടെ തരണം ചെയ്ത് ദൈവം വാഗ്ദത്തം ചെയ്ത സ്വസ്ഥതയിൽ പ്രവേശിക്കുവാൻ നമുക്ക് സാധിക്കും എന്ന കാര്യമാണ് ഇന്നു ഞാൻ നിങ്ങളുമായി പങ്കുവെക്കുവാൻ ആഗ്രഹിക്കുന്നത്. അതിനായി ഹെബ്രായലേഖനം 4:14-16 വാക്യങ്ങളിലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു.

എന്തുകൊണ്ടാണ് നാം എല്ലാവരും ഞായറാഴ്ച രാവിലെ ഈ ഹാളിലേക്ക് വരുന്നത്? ഇവിടെ കുറെ സമയം ചെലവിടുകയും ചിലർ ചില കാര്യങ്ങൾ സംസാരിക്കുകയും മറ്റുചിലർ അതു ശ്രദ്ധയോടെ ശ്രവിക്കയും ചെയ്യുന്നത്? എന്തുകൊണ്ടാണ് നാം ഇവിടെ കേൾക്കുന്ന കാര്യങ്ങൾ നമ്മുടെ ജീവിതത്തെ നിയന്ത്രിക്കാൻ അനുവദിക്കുന്നത്? അതിനുള്ള ഉത്തരത്തിലേക്കാണ് ഞാനിന്ന് നിങ്ങളുടെ ശ്രദ്ധയെ തിരിക്കുവാൻ ആഗ്രഹിക്കുന്നത്. മറ്റൊരു രീതിയിൽ പറഞ്ഞാൽ, ബൈബിളിനെക്കുറിച്ച് നാം എന്താണ് വിശ്വസിക്കുന്നതെന്നും അത് നാം ചെയ്യുന്ന എല്ലാ കാര്യങ്ങളെയും എങ്ങനെ നിയന്ത്രിക്കുന്നുവെന്നും നിങ്ങൾ കേൾക്കുവാനായിട്ട് പോവുകയാണ്.

അതിനു ആധാരമായിരിക്കുന്ന ഒരു വേദഭാഗത്തിലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു. ഹ്രെബ്രായലേഖനം 4:12-13 വാക്യങ്ങൾ.

ജീവിതത്തിൽ സ്വസ്ഥത ആഗ്രഹിക്കാത്തവരായി ആരുമുണ്ടാകുമെന്ന് ഞാൻ കരുതുന്നില്ല. പ്രയാസങ്ങളും ദുഃഖങ്ങളും ദുരിതങ്ങളും നിറഞ്ഞ ഒരു ലോകത്ത് സമാധാനത്തോടെ സ്വസ്ഥതയോടെ കഴിയുന്നത് ഒരു വലിയ ഭാഗ്യമാണ്. ജീവിതത്തിൽ എന്തെല്ലാമുണ്ടെങ്കിലും സ്വസ്ഥത അനുഭവിക്കുവാൻ സാധിച്ചില്ലെങ്കിൽ ആ ജീവിതംകൊണ്ടെന്തു പ്രയോജനം. നാം ആഗ്രഹിക്കുന്നതിനേക്കാൾ അധികം നമ്മുടെ സ്വസ്ഥത ദൈവം ആഗ്രഹിക്കുന്നു. ദൈവം അത് ആഗ്രഹിക്കുന്നുവെന്നു മാത്രമല്ല, അതിനുള്ള എല്ലാ മുഖാന്തിരങ്ങളും താൻ തന്നെ ഒരുക്കുകയും അതിൽ പ്രവേശിപ്പാൻ ആഹ്വാനം ചെയ്യുകയും ചെയ്തിരിക്കുന്നു. നാം അതിൽ പ്രവേശിപ്പാനും ആ സ്വസ്ഥത ആസ്വദിക്കുവാനും ആഗ്രഹിക്കുന്നുണ്ടോ?

അതിലേക്കു വിരൽ ചൂണ്ടുന്ന ഒരു വേദഭാഗത്തിലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു. അതിനായി ഹെബ്രായലേഖനം 4:1-11 വരെ വാക്യങ്ങൾ നമുക്കു വായിക്കാം.

ക്രിസ്തിയലോകം ഇന്ന് യേശുവിന്റെ പുനരുത്ഥാനദിനം ആഘോഷിക്കുകയാണ്. യേശുക്രിസ്തുവിന്റെ പുനരുത്ഥാനമാണ് ക്രിസ്തീയ വിശ്വാസത്തിന്റെ, അഥവാ നമ്മുടെ പുനരുത്ഥാനത്തിന്റെ ആണിക്കല്ല് എന്നത്. ഒരു ക്രിസ്ത്യാനിയുടെ മഹത്വകരമായ പ്രത്യാശയെന്നത് നാം മരിച്ചാലും ഒരുനാൾ ഉയർത്തെഴുന്നേറ്റ് ക്രിസ്തുവിനോടു കൂടെ ജീവിക്കും എന്നതാണ്. എന്നാലിത് ഒരു യഥാർത്ഥക്രിസ്തീയ വിശ്വാസിയുടെ പ്രത്യാശയാണ്. കാരണം വിശ്വാസത്യാഗത്തിനെതിരെ പലമുന്നറിയിപ്പുകളും ദൈവവചനം നൽകിയിരിക്കുന്നു. അങ്ങനെയുള്ള ഒരു മുന്നറിയിപ്പാണ് ഇന്നത്തെ നമ്മുടെ പഠനവിഷയം.

അതിനായി ഹെബ്രായലേഖനം 3:12-19 ലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു.

മഹാനായ സ്പർജ്ജൻ ഒരിക്കൽ ഇപ്രകാരം പറഞ്ഞു; ദൈവം തന്റെ മക്കളെ വീഴാതെ കാത്തുസൂക്ഷിക്കുന്നു; എന്നാൽ അതിനായി ചില മാർഗ്ഗരേഖകൾ അവിടുന്നു വെച്ചിരിക്കുന്നു. നിങ്ങൾ high range പ്രദേശങ്ങളിലൂടെ യാത്രചെയ്യുന്നവരാണെങ്കിൽ, റോഡിന്റെ അപകടകരമായ വശങ്ങളിൽ warning signs/മുന്നറിയിപ്പ് ബോർഡുകൾ സ്ഥാപിച്ചിരിക്കുന്നതു കാണാം. മുന്നിൽ കീഴ്ക്കാം തൂക്കായ പാറയാണ്, ശ്രദ്ധിക്കുക! ആരും ഇങ്ങനെയുള്ള അപകടങ്ങളിൽ ചെന്നു ചാടാതിരിക്കാൻ വേണ്ടിയാണ് ഈ ചൂണ്ടുപലകകൾ സ്ഥാപിച്ചിരിക്കുന്നത്. അതുകൊണ്ട് ദൈവം പറയുന്നു, "എന്റെ കുഞ്ഞേ, നീ ഈ പാറക്കെട്ടിൽ വീണാൽ നീ തകർന്നുപോകും."

ഒരു ദൈവപൈതൽ ഇങ്ങനെ ഒരു മുന്നറിയിപ്പ് കണ്ടാൽ അവൻ എന്താണ് ചെയ്യേണ്ടത്? അവൻ പറയേണ്ടത്: “പിതാവേ, എന്നെ കാത്തുകൊള്ളേണമേ; എന്റെ കയ്യിൽ പിടിച്ചുകൊള്ളേണമേ.. എന്നാൽ ഞാൻ സുരക്ഷിതനായിരിക്കും. ഇതൊരു വിശ്വാസിയെ, ദൈവത്തെ കൂടുതൽ ആശ്രയിക്കുന്നതിലേക്കും വിശുദ്ധമായ ഭയത്തിലേക്കും ജാഗ്രതയിലേക്കും നയിക്കുന്നു... ദൈവം വെച്ചിരിക്കുന്ന അപകട സൂചനകളെ അവഗണിച്ചു മുന്നേറിയാൽ ഉണ്ടാകാവുന്ന വലിയ അപകടത്തിലേക്കു വിരൽ ചുണ്ടുന്ന ഒരു വേദഭാഗത്തിലേക്കു ഞാൻ നിങ്ങളുടെ ശ്രദ്ധയെ ക്ഷണിക്കുന്നു. അതിനായി, ഹെബ്രായർ 3: 7-11 വരെ വാക്യങ്ങൾ നമുക്കു വായിക്കാം: