ക്രിസ്തീയ ജീവിതം ഒരു പോരാട്ടമാണ്; അന്ധകാരശക്തികളോടുള്ള പോരാട്ടം. ആ പോരാട്ടം സ്വന്തശക്തിയാൽ നിവൃത്തിക്കുവാൻ നമുക്കു കഴിയുകയില്ല. അതിനാൽ ദൈവത്തിന്റെ ശക്തിയിൽ ആശ്രയിക്കേണം. ക്രിസ്തുവിലും അവന്റെ അമിത ബലത്തിലും ശക്തിപ്പെടുകയും ദൈവത്തിന്റെ സർവ്വായുധ വർഗ്ഗം ധരിക്കയും ചെയ്യുക. സാത്താന്റെ ബന്ധനങ്ങളെ തകർക്കുവാൻ സുവിശേഷഘോഷണം ഒരു ശീലമാക്കുക. ഇതു യാഥാർത്ഥ്യമാക്കുവാൻ പ്രാർത്ഥനയിൽ എല്ലായ്പ്പോഴും ജാഗരിക്കുക. ഈ നിലയിൽ ദൈവത്തോടു ചേർന്നു നാം മുന്നോട്ടു പോയാൽ ഈ യുദ്ധത്തിൽ നാം വിജയിക്കും, കാരണം വിജയിച്ചവൻ നമ്മോടൊപ്പമുണ്ട്.

ക്രിസ്തീയ ജീവിതത്തിന് തടസ്സം സൃഷ്ടിക്കുന്ന മൂന്ന് ശക്തികൾ എന്ന് പറയുന്നത് ലോകം ജഡം പിശാച് എന്നിവയാണെന്ന് നമുക്കെല്ലാവർക്കും അറിയാം. അതിൽ മൂന്നാമത്തെ ശക്തിയായ പിശാചിന്റെ തന്ത്രങ്ങളോട് എങ്ങനെ എതിർത്തുനിൽക്കാൻ സാധിക്കുമെന്ന കാര്യമാണ് ഇന്ന് ഞാൻ നിങ്ങളുമായി പങ്കുവെക്കാൻ ആഗ്രഹിക്കുന്നത്.

അതിനായി നാം പഠിച്ചുകൊണ്ടിരുന്ന എഫെസ്യ ലേഖനം അതിന്റെ ആറാം അധ്യായം 10 മുതൽ 20 വരെ വാക്യങ്ങളിലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു.

മനുഷ്യവർഗ്ഗത്തിന്റെ ഏറ്റവും വലിയ ശത്രു എന്നു പറയുന്നത് ദാരിദ്ര്യമൊ, രോഗമൊ, യുദ്ധമൊ, പ്രകൃതി ദുരന്തമൊ, മറ്റു മനുഷ്യരൊ അല്ല. മറിച്ച്, അന്ധകാരശക്തികളാണ്. ദൈവത്തിനും ദൈവഹിതത്തിനുമെതിരെ പോരാടിക്കൊണ്ടിരിക്കുന്ന അന്ധകാരശക്തികളാണ് നമ്മുടെ യഥാർത്ഥ ശത്രു. അപ്പോസ്തലനായ പൗലോസ് എഴുതുന്നു: നമുക്കു പോരാട്ടമുള്ളതു ജഡരക്തങ്ങളോടല്ല, വാഴ്ചകളോടും അധികാരങ്ങളോടും ഈ അന്ധകാരത്തിന്റെ ലോകാധിപതികളോടും സ്വർല്ലോകങ്ങളിലെ ദുഷ്ടാന്തസേനയോടും അത്രേ. ഈ യാഥാർത്ഥ്യം മനസ്സിലാക്കാതെ അവിശ്വാസികളോടും സ്വസഹോദരങ്ങളോടും പോരാടി ദൈവരാജ്യത്തിനു എതിരെ നിൽക്കുന്ന സാത്താനോടു ചേർന്ന് നിൽക്കുകയണോ നാം എന്ന് എപ്പോഴെങ്കിലും ചിന്തിച്ചിട്ടുണ്ടോ ?

എന്നാൽ നമ്മുടെ യഥാർത്ഥശത്രു ആരാണെന്ന് മനസ്സിലാക്കി പോരാടുകയാണ് വേണ്ടത്. അതിലേക്ക് വെളിച്ചം വീശുന്ന ഒരു വേദഭാഗത്തിലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു. എഫേസ്യർ 6:10-12 വാക്യങ്ങൾ നമുക്കു വായിക്കാം.

ഇംഗ്ലണ്ടിലെ ഏറ്റവും ആദരിക്കപ്പെട്ട, വളരെ സമർപ്പണമുള്ള ഒരു വിശ്വസിയായിരുന്നു ജനറൽ ചാൾസ് ഗോർഡൻ. താൻ പണമൊ പധവിയൊ നോക്കാതെ ദൈവഹിതം നിവൃത്തിക്കുവാൻ ഏറെ ഉത്സാഹമുള്ള ഒരു വ്യക്തിയായിരുന്നു. വലിയ ഉത്തരവാദിത്വമാകട്ടെ, ചെറിയ ഉത്തരവാദിത്വമാകട്ടെ, ആരാലും ശ്രദ്ധിക്കപ്പെടാത്ത ജോലി ആയിക്കൊള്ളട്ടെ, അദ്ദേഹം ഏതുജോലിയും വളരെ സമർപ്പണത്തോടെ നിവൃത്തിക്കുമായിരുന്നു.

ഒരിക്കൽ താൻ തന്റെ ഒരു സുഹൃത്തിനു ഇപ്രകാരം എഴുതി: ഒരു വലിയ രാജ്യത്തെ നയിക്കുന്ന ജോലിയാകട്ടെ, ഏതെങ്കിലും നിസ്സാരജോലിയാകട്ടെ, സത്യത്തിൽ എല്ലാം തുല്യമാണ്, കാരണം ക്രിസ്തു എല്ലാ കാര്യങ്ങളിന്മേലും പരമാധികാരമുള്ള വ്യക്തിയാണ്, അതു രാജ്യത്തിന്റെ ഭരണമായാലും എന്തു നിസ്സാരജോലി ആയാലും.

ഗോർഡൻ വിശ്വസിച്ചത്, അതായത്, കർത്താവായ യേശുക്രിസ്തു സകലത്തേയും ഭരിക്കുന്ന, സർവ്വശക്തനായ ഭരണാധികാരിയാണ് എന്ന് നാം വിശ്വസിക്കുന്നുണ്ടോ? അവൻ നമ്മുടെ ചെറിയ കാര്യങ്ങൾ തുടങ്ങി വലിയ രാജ്യത്തിന്റെ ഭരണംവരെ സകലത്തിന്റേയും മേൽ അധികാരമുള്ള വ്യക്തിയാണ്, അതുകൊണ്ട് നാം ചെയ്യുന്ന ചെറുതോ വലുതൊ ആയ എന്തുകാര്യമായാലും അതു മനുഷ്യനല്ല, ദൈവത്തിനാണ് ചെയ്യുന്നത് എന്ന തിരിച്ചറിവ് നമുക്കുണ്ടോ? ഈ സതുത്തിലേക്ക് നമ്മേ വഴി നടത്തുന്ന ഒരു വേദഭാഗത്തിലേക്ക് നമ്മുടെ ശ്രദ്ധയെ തിരിക്കാം. അതിനായി നാം പഠിച്ചുകൊണ്ടിരുന്ന എഫെ 6:5-9 വരെ വേദഭാഗങ്ങൾ നമുക്കൊന്നു വായിക്കാം.

മഹാനായ ചാൾസ് സ്പർജ്ജൻ ഒരിക്കൽ ഇപ്രകാരം പറയുകയുണ്ടായി: “നിങ്ങൾ കുഞ്ഞുങ്ങളെ അവർ പോകേണ്ടുന്ന വഴിയിൽ അഭ്യസിക്കുക. എന്നാൽ നിങ്ങളും അതേ വഴിയിൽ തന്നെ പോകുന്നു എന്ന് ഉറപ്പുവരുത്തുക.”

നാം സുവിശേഷം വിശ്വസിക്കുന്നു എന്നു പറയുകയും ആ സുവിശേഷം നമ്മുടെ മക്കളുടെ മുൻപിൽ ജീവിച്ചു കാണിക്കുകയും ചെയ്യുന്നില്ലെങ്കിൽ കുട്ടികൾ നേരായ രീതിയിൽ വളർന്നു വരികയില്ല. കാരണം മക്കൾ എപ്പോഴും തങ്ങളുടെ മാതാപിതാക്കളെയാണ് മാതൃകയാക്കാൻ ശ്രമിക്കുക. മാതാപിതാക്കൾക്ക് പ്രയോജനം ചെയ്യാത്ത സുവിശേഷം തങ്ങൾ മുറുകെ പിടിച്ചിട്ടെന്തു കാര്യം എന്നവർ ചിന്തിക്കും. ഇതിനോടുള്ള ബന്ധത്തിൽ എഫെസ്യർ 6:1-4 വായിക്കാം .

ഒരു കുഞ്ഞിനെ മാമോദീസ മുക്കുന്ന ചടങ്ങിൽ ഒരു സുഹൃത്ത് കുഞ്ഞിന്റെ അമ്മയോട് : ഇപ്പോൾ നിങ്ങളുടെ പ്രഗ്നനൻസി വെയ്റ്റ് എല്ലാം പോയതുപോലെ തോന്നുന്നു”.
ഒരിക്കലും ഒരു അമ്മ കേൾക്കാൻ ഇഷ്ടപ്പെടാത്ത ഒരു കമന്റ്.

താങ്ക്സ്, ഞങ്ങൾ ദത്തെടുത്തതാണ്” പല്ലുകടിച്ചുകൊണ്ടുള്ള ആ അമ്മയുടെ മറുപടി പെട്ടെന്ന് തന്നെ അവരുടെ വായിൽ നിന്ന് വരുകയും ചെയ്തു.

യാക്കോബിന്റെ ലേഖനം 3:2 ൽ നാം ഇപ്രകാരം വായിക്കുന്നു : “2 നാം എല്ലാവരും പലതിലും തെറ്റിപോകുന്നു; ഒരുത്തൻ വാക്കിൽ തെറ്റാതിരുന്നാൽ അവൻ ശരീരത്തെ മുഴുവനും കടിഞ്ഞാണിട്ടു നടത്തുവാൻ ശക്തനായി സൽഗുണപൂർത്തിയുള്ള പുരുഷൻ ആകുന്നു." (If anyone does not stumble in what he says, he is a perfect man, able to bridle the whole body as well.” (James 3:2)

ഒരിക്കൽ വളരെ മഹാമനസ്കനും ജ്ഞാനസമ്പൂർണ്ണനുമായ ഒരു വയോധികൻ ഒരു യവ്വനക്കാരനെ സമീപിച്ച് കൗതുകകരവും വളരെ മനോഹരവും എന്നാൽ അതിസങ്കീർണ്ണവുമായ ഒരു ഉപകരണം കാണിച്ചിട്ട് ഈ നിധി നിനക്കു ദാനമായി നൽകാൻ ഞാൻ ആഗ്രഹിക്കുന്നു. ഇതു നിനക്കു സ്വീകരിക്കാം; അതല്ലെങ്കിൽ നിരാകരിക്കാം. ഇതു നിനക്കു വളരെ അനുഗ്രഹത്തിനും ആനന്ദത്തിനും വകനൽകുവാൻ കഴിയുന്ന നിലയിൽ രുപകൽപ്പന ചെയ്തിട്ടുള്ളതാണ്. ഇതു നീ സ്വീകരിച്ചാൽ ഇതിന്റെ എല്ലാ ഉത്തരവാദിത്വവും നിനക്കായിരിക്കും. നീയിതു നന്നായി ആസ്വദിച്ചുകൊള്ളു.

Bye the bye, നീയിതു തെറ്റായികൈകാര്യം ചെയ്താൽ ഈ നിധി പൊട്ടിത്തെറിക്കും! ഒരു നിമിഷം ചിന്തിച്ചു നോക്കുക. ഈ നിധി നീ സ്വീകരിക്കുമോ അതൊ നിരാകരിക്കുമൊ? …..ഈ നിധി സ്വീകരിച്ചാൽ വന്നുഭവിക്കാവുന്ന അപകടത്തെക്കുറിച്ചു ചോദിക്കുന്നതിനു മുന്നമേ ആ വയോധികൻ അവന്റെ മുന്നിൽ നിന്ന് പെട്ടെന്ന് അപ്രത്യക്ഷമായി.

ദാമ്പത്യം എങ്ങനെ വിജയകരമാക്കാം...വായന തുടരുക…

വില്യം ഷേക്സ്പിയറിന്റെ KingHenry V (ACT_V_SCENE_II) എന്ന നാടകത്തിൽ വളരെ പ്രസിദ്ധമായ ആയ ഒരു പ്രസ്താവന ഉണ്ട്. അതിപ്രകാരമാണ് “God, the best maker of all marriages, combine your hearts in one, your realms in one!” അതായത്, എല്ലാ വിവാഹങ്ങളുടെയും സൃഷ്ടാവായ ദൈവം നിങ്ങളുടെ ഹൃദയങ്ങളെ ഒന്നാക്കുന്നു. ഇരു തലങ്ങളേയും ഒന്നിപ്പിക്കുന്നു. സ്ത്രീയും പുരുഷനും വാസ്തവത്തിൽ ഇരുഹൃദയങ്ങൾ ആണെങ്കിലും, സ്നേഹത്തിൽ അവർ ഒരു ഹൃദയമായി തീരുന്നു. പിന്നെ അവർക്ക് വ്യത്യസ്ഥങ്ങളായ സാമ്രാജ്യങ്ങൾ അല്ല. പിന്നെ അവർക്കുള്ളത് ഏകസാമ്രാജ്യമാണ്.

വിവാഹജീവിതത്തെക്കുറിച്ചു പ്രതിപാദിക്കുന്ന ബൈബിളിലെ ഏറ്റവും സുദീർഘമായ ഒരു വേദഭാഗത്തിലേക്ക് ഞാൻ നിങ്ങളുടെ ശ്രദ്ധയെ ക്ഷണിക്കുന്നു. അതിനായി എഫെസ്യർ 5:21-32 വരെ വാക്യങ്ങൾ നമുക്കു വായിക്കാം.

മറ്റൊരാളുടെ പ്രവൃത്തിയോ വാക്കുകളോ നിങ്ങളെ ഇതുവരെ വേദനിപ്പിച്ചിട്ടില്ല എന്നു പറയാൻ കഴിയുന്നവർ വളരെ വിരളമാണെന്ന് ഞാൻ കരുതുന്നു. ഒരുപക്ഷേ മാതാപിതാക്കൾ നിങ്ങളുടെ വളരുന്ന രീതിയെ സംബന്ധിച്ച് നിരന്തരം നിങ്ങളെ വിമർശിച്ചിരുന്നേക്കാം. ഒരു സഹപ്രവർത്തകൻ നിങ്ങളെ വഞ്ചിച്ച അനുഭവം നിങ്ങൾക്കുണ്ടായേക്കാം. അല്ലെങ്കിൽ നിങ്ങളുടെ ജീവിതപങ്കാളിക്ക് ഒരു പൂർവ്വകാല ബന്ധമുണ്ടായിരുന്നു എന്നു നിങ്ങൾ അറിഞ്ഞേക്കാം. അതല്ലെങ്കിൽ നിങ്ങളുടെ അടുത്തുള്ള ആരെങ്കിലും ശാരീരികമായോ വൈകാരികമായോ ദുരുപയോഗം ചെയ്യുന്നത് പോലുള്ള ഒരു ആഘാതകരമായ അനുഭവം നിങ്ങൾക്കുണ്ടായിരിക്കാം. ഇതുപോലെയുള്ള അനുഭവങ്ങൾ പലരുടേയും ജീവിതത്തിൽ സാധാരണമാണ്. ഈ മുറിവുകൾക്ക് നീരസം, കയ്പ്പ്, കോപം എന്നിവയുടെ ശാശ്വതമായ വികാരങ്ങൾ നിങ്ങളിൽ അവശേഷിപ്പിക്കാനാകും. അവരോടു വെറുപ്പ് അഥവാ പക നിങ്ങൾ വെച്ചു പുലർത്തുന്നുണ്ടാകും.

എന്നാൽ നിങ്ങൾ ആ വേദന മുറുകെ പിടിക്കുന്നവരാണെങ്കിൽ, ഏറ്റവും അധികം നഷ്ടം നേരിടുന്നത് നിങ്ങൾക്കു തന്നെ ആയിരിക്കും. പാപക്ഷമ നൽകുന്നതിലൂടെ നിങ്ങൾക്ക് സമാധാനവും പ്രത്യാശയും കൈവരിക്കാൻ സാധിക്കും. ക്ഷമ നിങ്ങളെ എങ്ങനെ ശാരീരികവും വൈകാരികവും ആത്മീയവുമായ ക്ഷേമത്തിന്റെ പാതയിലേക്ക് നയിക്കുമെന്ന് നമുക്കു പരിശോധിക്കാം. അതിലേക്കു വിരൽ ചൂണ്ടുന്ന ഒരു വേദഭാഗത്തിലേക്കു ഞാൻ നിങ്ങളുടെ ശ്രദ്ധയെ ക്ഷണിക്കുകയാണ്. അതിനായി നമുക്കു നമുക്കു എഫെസ്യാലേഖനം 4:32-ാം വാക്യം നമുക്കു വായിക്കാം.

വ്യക്തി ബന്ധങ്ങൾ എങ്ങനെ മെച്ചപ്പെടുത്താൻ സാധിക്കും എന്നതാണ് ഇന്നത്തെ എന്റെ പ്രസംഗവിഷയം. നിങ്ങളുടെ കുടുംബജിവിതത്തിലും സഭാജീവിതത്തിലും സാമൂഹ്യജീവിതത്തിലും ബന്ധങ്ങൾ മെച്ചപ്പെടുത്തി ദൈവം ആഗ്രഹിക്കുന്ന നിലയിലുള്ള ഒരു ജീവിതം ഓരോ നിങ്ങൾക്കുണ്ടാകണം എന്നതാണ് എന്റെ ആഗ്രഹവും പ്രാർത്ഥനയും. അതിനു സഹായകരമായ ഒരു വേദഭാഗം നിങ്ങളുമായി പങ്കുവെക്കുവാൻ ആഗ്രഹിക്കുന്നു. അതിനായി എഫെസ്യലേഖനം 4:31-32 ഉം വാക്യങ്ങൾ നമുക്കു വായിക്കാം.

ഒരു കുഞ്ഞിനെ മാമോദീസ മുക്കുന്ന ചടങ്ങിൽ ഒരു സുഹൃത്ത് കുഞ്ഞിന്റെ അമ്മയോട് : ഇപ്പോൾ നിങ്ങളുടെ പ്രഗ്നനൻസി ഭാരമെല്ലാം ഒഴിവായതുപോലെ തോന്നുന്നു അല്ലേ?”
വളരെ ദേഷ്യത്തോടും ദേഷ്യത്തോടും വെറുപ്പോടും കൂടെയുള്ള അമ്മയുടെ മറുപടി ഇപ്രകാരമായിരുന്നു: "താങ്ക്സ്, ഞങ്ങൾ വാടകക്കെടുത്തതാണ്.”

ഒരിക്കലും കേൾക്കാൻ ഇഷ്ടപ്പെടാത്ത ഒരു കമന്റ് കേട്ടതിന്റെ പ്രതികരണമായിരുന്നു അത്.
യാക്കോബിന്റെ ലേഖനം 3:2 ൽ നാം ഇപ്രകാരം വായിക്കുന്നു : “2 നാം എല്ലാവരും പലതിലും തെറ്റിപോകുന്നു; ഒരുത്തൻ വാക്കിൽ തെറ്റാതിരുന്നാൽ അവൻ ശരീരത്തെ മുഴുവനും കടിഞ്ഞാണിട്ടു നടത്തുവാൻ ശക്തനായി സൽഗുണപൂർത്തിയുള്ള പുരുഷൻ ആകുന്നു." (If anyone does not stumble in what he says, he is a perfect man, able to bridle the whole body as well.” (James 3:2).

വിശ്വാസികൾ പരസ്പരം സംസാരിക്കേണ്ടത് എങ്ങനെയെന്നു പഠിപ്പിക്കുന്ന ഒരു വേദഭാഗത്തിലേക്കു ഞാൻ നിങ്ങളുടെ ശ്രദ്ധയെ ക്ഷണിക്കുന്നു. അതിനായി എഫെസ്യലേഖനം അതിന്റെ നാലാം അദ്ധ്യായം 29-30 വാക്യങ്ങൾ നമുക്കു വായിക്കാം.

സുവിശേഷം അത്ഭുതകരമാണെന്ന് ഡോ. മാർട്ടിൻ ലോയ്ഡ്-ജോൺസ് ഓർമ്മിപ്പിക്കുന്നു, കാരണം അത് പൂർണ്ണരായ ആളുകൾക്ക് വേണ്ടിയല്ല, മറിച്ച് പാപികൾക്കു വേണ്ടിയുള്ളതാണ്- ചുങ്കക്കാർക്കും, വ്യഭിചാരികൾക്കും, നുണയന്മാർക്കും കള്ളന്മാർക്കും ഉള്ളതാണ്. സുവിശേഷം ഇങ്ങനെയുള്ളവരെ സത്യസന്ധതയുള്ളവരും ആത്മാർത്ഥതയുള്ളവരും ആക്കി തീർക്കുന്നു. ദൈവം വെച്ചിരിക്കുന്ന ഉന്നതനിലവാരത്തിലേക്കവരെ കൈപിടിച്ചുയർത്തുന്നു. അതിനു കാരണമായിരിക്കുന്നത് അവരുടെ ഹൃദയത്തിൽ വരുന്ന രൂപാന്തരമാണ്. ആ രൂപാന്തരം ദൈനംദിന ജീവിതത്തിൽ പ്രാവർത്തികമാക്കുന്നതെങ്ങനെയെന്ന കാര്യമാണ് ഇന്നത്തെ സന്ദേശത്തിൽ ഞാൻ നിങ്ങളുമായി പങ്കുവെക്കുവാൻ ആഗ്രഹിക്കുന്നത്. അതിനായി എഫെസ്യലേഖനം നാലാം അദ്ധ്യായം 28- ാം വാക്യം നമുക്കു വായിക്കാം.

ദൈവം വിശ്വാസികളുടെ ഒരു സമൂഹമായി പക്വതയിലേക്കു വളരുവാൻ സഭയെ സ്ഥാപിച്ചിരിക്കുന്നതുകൊണ്ട് സാമൂഹിക നന്മകൾ വളർത്തിയെടുക്കേണ്ടത് പരമപ്രധാനമായ സംഗതിയാണ്. അതുകൊണ്ട്, പൗലോസ് വിശ്വാസികളെ പ്രബോധിപ്പിക്കുന്നതെന്തെന്നാൽ വിശ്വാസികൾ സാമൂഹികജീവിതത്തിനു നാശകരമായ സ്വഭാവദൂഷ്യങ്ങൾ ഉരിഞ്ഞുകളയുകയും സമൂഹത്തെ പണിയുവാൻ ഉപകരിക്കുന്ന നല്ല സ്വഭാവങ്ങൾ തങ്ങളിൽ വളർത്തിക്കൊണ്ടു വരികയും വേണം. 25-30 വരെയുള്ള വാക്യങ്ങളിൽ വിശ്വാസികൾ തങ്ങളിൽ നിന്നും നീക്കം ചെയ്യേണ്ട തിന്മകളും അതിന്റെ സ്ഥാനത്ത് അവർ പ്രായോഗികമാക്കേണ്ട സ്വഭാവസവിശേഷതകളും വിവരിക്കുന്നു. അതിൽ ഒന്നാമതായി പറയുന്നത് ഭോഷ്ക്ക് ഉപേക്ഷിച്ച് സത്യം സംസാരിക്കുക എന്നതാണ്. രണ്ടാമതായി, പൗലോസ് പറയുന്നത് കോപിച്ചാൽ പാപം ചെയ്യരുത്.